ƐFƐSUSI DIMA 3:9 - Mampruli

⁹ Naawunni n daa naam duniya maa zaa, ka yɛla wa soori daa sɔ'ai u saani sahakam: ka yɛlisɔ'ara wa ka n yɛtti paalu ni, ni ya nini ti neaai.

ƐFƐSUSI DIMA 3:9 Iomraidhean Croise

MATIYU 10:27

Man sɔ'ari zibsim ni n‑tɔ'asiri n‑tiri ya yɛttɔ'aseesi zaasa, ya kyɛ ka ba wum a la wuntampeeliga; man kpɛ duu puuni ka waasiri n‑yɛtti ya yɛliseesi la, yan duum saazugu m‑mooli a ka sɔkam zaa wum.”

MATIYU 13:35

Lala daa kyɛ ka anabi la yɛligu la ti niŋi yɛlimaŋni, ni#:- “N nin tɔ'asi n yɛttɔ'a n‑tiri ba - Yɛttɔ'anyɛsa ka n nin tɔ'asira: N nin kasigi yɛlisɔ'ara n‑ti ba Ba na zi m‑baŋŋi yɛliseesi, Halli duniya naaŋŋu saha zaŋŋi m‑paai zuna.”

MATIYU 25:34

Di saha maa ka Naa maa nin ti tɔ'asi n‑ti baseeba ban zɛ u nudirigu zii la n‑yɛli, ni, ‘Ya kyɛm na, yan zugsuŋŋu daandima wa, m Ba saani! Ya ti deaai naam maa, dama ba daa pun maali ka siri ni ka ti nyɛ ya dinni, halli duniya wa piiligu saha.

MATIYU 28:19

Dizugu ya kyɛma n‑yi m‑paai duniya wa lugri kam zaa n‑wulisiri tinsi zaa niriba. Ya deaama ba n‑su Naawunni koom ya Ba Naawunni yuuri zugu, ni u Biiya, ni u Siiya Vuusim Kasi yuuri zugu gba.

LUUKI 24:47

Ni, ba nin zaŋŋi Masiiya yuuri m‑piili Gyɛrusalɛm timpuuni m‑moonni lahabaari maa n‑ti duniya wa zaa niriba, ni, ba ŋmaligma ka kyɛ ba tumbeeri tuma, ni ba ti nya ba taalli kyɛ-m‑pɛŋŋi.

GYƆNI 10:30

Man ni m Ba maa - ti nyɛ la yimmu.”

GYƆNI 5:17

Yisa daa labsi n‑yɛli ba, “M Ba kur tumni ni saha kam zaa, ka man gba tumna.”

GYƆNI 5:19

Ka Yisa labsi n‑yɛli ba, “Yɛlimaŋni ka n yɛtti ya: Bii maa ku toaai n‑niŋi bunseela u mammantoori; u niŋni la u yi nya u Ba ŋɔn niŋni seelli la kɔkɔa. U Ba maa ŋɔn tumni seem, lala ka Bii maa gba tumna.

TUUMUDIMA TUMA 15:18

Sahaseaa an gaari sa ka ba daa pun baŋŋi lala.’ ”

ROOM DIMA 11:25

M mabiisi, yɛlisɔ'ara nŋɔa, amaa m bu boori ni ya kɔŋŋi a bamsim, ka naayi zaŋŋi ya toori yɛm m‑boori a gbinni. Kulla Izraɛli dimseeba daa mari zugkpeeŋŋu ni tuppuwumni, see ka ban pa Izraɛli dima ti kpɛ na ka ba kaalli maa ti paai.

I KƆRINTI DIMA 2:7

Ay! Naawunni yɛm ka ti tɔ'asira - bunsɔ'arigu din daa bu yi paalu na. Lala yɛm ka Naawunni daa zaali pɔi ka naayi naam pampaŋŋɔ duniya wa; ka niŋi lala ni u ti kyɛ ka tirima nin nya gyirima.

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

ƐFƐSUSI DIMA 3:2

- N siri mi halli, ni, ya pun wum Naawunni ŋɔn zaŋŋi tunseaa n‑zaali ma, ni, yarima zugu ka u dɔli la u wurilim soori ka kyɛ ka n suŋŋni ya.

ƐFƐSUSI DIMA 6:19

Ya laa n‑susiri n‑ti ma gba, n‑yɛli Naawunni ka u ti ma yɛttɔ'a, man ŋɔn tɔ'asi saha kam gba, ni n ti zaŋŋi n sufukpeemni n‑wulisi lahabasuŋŋu maa yɛlisɔ'ara ka a ti yi paalu.

KƆLOOSIDIMA 1:23

Ya siri nin kpalim m‑bɛ lala, ya yi bari n‑zaani kpeeŋŋa ya yɛdda maa ni, ka bu birisira. Ya zɛ lala, ka kur kpalim m‑mari tama. Ya teaama lahabasuŋŋu la yɛla, yan daa pun wum lahabaseaa maa - ya tama n‑siri la. Ba daa tɔ'asi lahabasuŋŋu wa yɛla n‑tisi bunvuya zaa duniya wa puuni, halli ka man, Pɔla, leebi la ŋɔn tumni lahabaari maa tuma.

KƆLOOSIDIMA 1:26

U yɛligu yɛlisɔ'ara maa nla, ka a na bu yi paalu sahanseaa la, piiligu ni halli ni zuna - duniya wa bura zaa daa bu nya a. Ana ka u naayi yiisi paalu ni n‑tiri u toori niriba la.

KƆLOOSIDIMA 3:3

Dama ya kpi ni, ka ya nyɔvuya yi la'amni Kirisita saani n‑sɔ'ai Naawunni beebu zii la ni.

KƆLOOSIDIMA 4:3

Ka ya puusigu wa ni, see ka ya susiri Naawunni n‑tiri ti gba: ni, u ti maali soori n‑ti ti ni ti ti tɔ'asi u yɛligu maa n‑tiri niriba, n‑toaai n‑kasigri u yɛlisɔ'ara an bɛ Kirisita ni maa. Di nyɛ la lala yɛligu maa zugu ka ba lɔ ma kyɔrimi ka n na kpalim m‑bɛ lala.

II TƐSALƆNIKA DIMA 2:13

Amaa tirima muna - di kpa la talasi ni ti pɛ'ai Naawunni ya zugu, yaseeba ban nyɛ ti mabiisi. Ka ti Dugma wuri ya, dama piiligu ni ka u daa pun yiisi ya, ni ya ti nya tuliginsim Naawunni Sii Kasi tuma puuni, ni yan niŋi yɛlimaŋni maa yɛdda zugu.

I TIMƆTI 3:16

Sɔ ku toaai n‑kyiisi, ni, ti Naawunni soori yɛlisɔ'ara wa bu galisi. Dina n nyɛ, ni#:- “U daa leebi ninsaala n‑yi paalu, Naawunni Sii Kasi mun daa zɛ u nyaaŋŋa: Malaakadima gba daa nya u. Ba daa mooli u yɛla n‑tiri bura kam zaa, Ka niriba daa niŋi u yɛdda duniya wa ni. Naawunni daa ti duusi u saazugu N‑taasi gyirima zaa ziiya arizana ni.”

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

II TIMƆTI 4:17

Amaa ti Dugma daa zaani n nyaaŋŋa, ka ti ma yaa, nti kyɛ ka lahabasuŋŋu maa mooligu ti yi paalu, ka ban pa Yɛhudiyadima maa zaa wum di. Ti Dugma daa yiisi ma gbugimni noori ni na ni alaafɛa.

TAITUUSI 1:2

Naawunni n daa daŋŋi m‑basi ti nangbambasiri zaŋŋi n‑kyaŋŋi nyɔvuri kan ka baasigu la pɔi ka duniya naayi piili. Ka lala nyɔvuri tama zugu ka ti mari ti yɛdda ni bamsim maa n‑zɛ yummu.

I PIITA 1:20

Naawunni daa pun daŋŋi m‑pii u pɔi, ka naayi naam duniya wa. Halli ka ŋɔn Yisa daa ti yi paalu zɛmaana baasigu saha wa. Yarima zugu n‑daa la.

KASIGRI 13:8

Ka sɔkam ŋɔn bɛ duniya tingbaŋŋu zugu zaa nin gyeemni u, ŋɔnkam yuuri bu sɔbi n‑dooli nyɔvuri bukku maa ni; lala bukku ka Pɛbila maa mara, Pɛbilisɔ ban daa kɔrigi duniya piiligu ni halli ni zuna.

KASIGRI 14:6

Ka n daa laa n‑nya malaakasɔ yaasa, ka u yigri sangbana zii ni, m‑mari lahabasuŋŋu ni u mooli n‑ti ninvugseeba ban bɛ duniya wa ni, halli n‑tiri bura pam, ni zuliya pam, ni yɛttɔ'azuna pam dima, ni tinsi pam niriba.

KASIGRI 17:8

Ni, “Nyin nya bunkɔbsɔ maa nyɛ la ŋɔn daa pun bɛ ni, ka laa n‑ka ni pampaŋŋɔa, ka u ti ya n‑du n‑yi bɔ'azuliŋŋu maa ni na. Amaa u kur wa la baasiyɔri ziiya. Ka duniya dimseeba ban yuya pa la an daa pun sɔbi nyɔvuri bukku maa puuni duniya piiligu saha maa - di nin niŋi ba alahazibu pam, ban gɔsi n‑nya bunkɔbbeoo maa yɛla, ni, ŋɔn daa bɛ ni, ka laa n‑ka ni, ka mun ya n‑kyɛ na.

KASIGRI 4:11

“Nyini n nyɛ ti Dugma, Nyini n nyɛ Naawunni, I sumni tibgri ni gyirima, I sumni yiiko marigu! Dama nyini n daa naam bunseelli kam, I yuubu zugu ka a zaa daa naam, I yuubu zugu ka a zaa daa ti bɛ ni.”