ƐFƐSUSI DIMA 3:7 - Mampruli

⁷ Lala lahabasuŋŋu tuma ka man tumna: Naawunni wurilim piini zugu ka n deaai tuma wa ka leebi u tuntumna, pa m mammaŋŋa zugu; ŋɔn Naawunni n daa zaŋŋi u yiiko n‑kpeesi ma, ni n ti tumni lala.

ƐFƐSUSI DIMA 3:7 Iomraidhean Croise

TUUMUDIMA TUMA 9:15

Ka ti Dugma daa labsi n‑yɛli u, “Ni dinŋɔ zaa, kur kyɛma! Dama doo maa nyɛ la n tuntunsɔ ŋɔn ya mari n yuuri nti ti ban pa Yɛhudiyadima, ni ba nadima, ni Yɛhudiyadima maa m‑paasi.

ROOM DIMA 1:5

Ŋɔn zugu n kyɛ ka Naawunni niŋi bunsuma n‑niŋi ti ni, ka laa n‑kyɛ ka tirima leebi u tuumu. Ka u tum ti, ni ti ti kyɛ ka tingbana zaa niriba yi niŋi yɛdda u yuuri zugu ka deaai u noori.

ROOM DIMA 12:3

Tɔ; Naawunni ŋɔn pun zaŋŋi u suŋŋsim piini n‑ti ma la zugu, n kpaamni ya zaa yinniyinni nŋɔa: ni, yan di gɔsi ya mammansi yɛla n‑teesi, ni, a veela, halli ka ya lala teesa gaari din siri nyɛ yɛlimaŋni maa. Ay! - Ya kyɛ ka ya teesa dɔli la yam maŋni, hoo Naawunni ŋɔn zaŋŋi yɛdda n‑ti ya sɔkam yinniyinni seem.

ROOM DIMA 15:16

U ti ma, ni, n niŋi Yisa Kirisita tuntumna ban pa Yɛhudiyadima maa saani. N tuma mun nyɛ la Naawunni lahabasuŋŋu tuma, nti kyɛ ka ban pa Yɛhudiyadima la ti la'asi na ka Naawunni Sii Kasi kyɛ ka Naawunni deaai ba la kasikasi. Ka tuma wa ŋmanni la ŋɔn maanni sara tuma, hoo ban la'asi la puri ni antaam na, m‑maali n‑ti Naawunni seem la.

I KƆRINTI DIMA 15:10

Amaa Naawunni piini zugu kyɛ ka m bɛ la man bɛ seem; ka lala piini maa bu basi yɔri, dama n daa tum tuma n‑gaari ba zaa - halli di pa la mani n‑tumna, amaa Naawunni piini ŋɔn mari ma n‑tumna.

I KƆRINTI DIMA 3:5

Apɔloosi nyɛ la ŋɔni? Bee, Pɔla nyɛ la ŋɔni? Ti zaa nyɛ la Naawunni tuntumniba, ka di kyɛ ka yarima niŋni yɛdda dima, amaa bunseelikam yi la Naawunni saani na n‑ti ti.

II KƆRINTI DIMA 3:6

Ŋɔn Naawunni n kyɛ ka ti sa'ai ni ti tum u nangbanyinni zaaligu sɔpaalli tuma wa. Ka ka pa la sɔseaa kan dɔli sɔppu la, amaa Sii maa soori n nyɛ ka. Sɔppu zaaligu soori mari la kum, amaa Sii maa soori tisiri la nyɔvuri.

II KƆRINTI DIMA 4:1

Ka di nyɛ la Naawunni namboo zugu ka ti tumni wa, ti ku toaai n‑kyɛ tama.

GALƐSEAA DIMA 2:8

Naawunni daa kyɛ ka u yiiko puuni ka Piita daa niŋi tuumu n‑ti ban nyɛ Yɛhudiyadima maa, ka Ŋɔn daa kyɛ ka man gba daa leebi tuumu lala n‑tisi ban pa Yɛhudiyadima maa.

ƐFƐSUSI DIMA 1:19

M‑paasi, ya nin baŋŋi u yiiko ŋɔn kpeem seem halli n‑ti yakki, n‑tiri tiseeba ban niŋi u yɛdda la.

ƐFƐSUSI DIMA 3:2

- N siri mi halli, ni, ya pun wum Naawunni ŋɔn zaŋŋi tunseaa n‑zaali ma, ni, yarima zugu ka u dɔli la u wurilim soori ka kyɛ ka n suŋŋni ya.

ƐFƐSUSI DIMA 3:20

Tɔ: ka dinŋɔna Naawunni mari yiiko din nin toaai n‑tumni n‑gaari tin susi seem, bee, tin teesi seem maa zaa, ka u lala yiiko m bɛ ti ni n‑tumna.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

ƐFƐSUSI DIMA 4:16

Ŋɔn siri nyɛ zugu maa, ka tirim mun nyɛ la u ningbiŋŋu tuga. Ŋɔn zugu ka ti zaa la'am n‑nyɛ yimmu, dama u siri nyɛ la ti zugu. Ŋɔn saani ka ti zoaari m‑meeri taaba ka nyari yaa ni kpeeŋŋu di zugu. Ningbiŋŋu wa ya'ari ni tugri kam zaa mari yiiko n‑tumni ka tuma ŋɔn nyɛ seem. Ka di zaa nyɛ la lala wurilim zugu.

KƆLOOSIDIMA 1:29

Dinŋɔ zugu ka n zaŋŋi yiikoseaa ŋɔn Yisa ŋɔn zaŋŋi n‑ti ma la n‑tumni ni nimbirimoaa zaa.

I TƐSALƆNIKA DIMA 2:13

Dinŋɔ zugu ka ti pɛ'ari Naawunni saha kam. Tin daa zaŋŋi Naawunni yɛligu na n‑ti ya la, ya daa deaai yɛligu maa. Ya daa bu deaai ka hoo ninsaala yɛligu, amaa hoo Naawunni dinni; ka di siri nyɛ la lala, ka kur tumni ka tuma ya saani - yarima ban nyɛ yɛddaniŋniba wa.

HIBRUU DIMA 13:21

Ŋɔn Naawunni ti ya bunni kam zaa kan nin kyɛ ka ya niŋni u sufu yuubu la, n‑tumni tunsuma zaa. U nin bɛ ya puuni n‑tumni bunseelli kam din nin kyɛ ka u nini tigi, Yisa Kirisita yuuri zugu. Ŋɔna n su pɛ'abu saha kam. Ammi.