ƐFƐSUSI DIMA 3:5 - Mampruli

⁵ Yɛla wa daa bu yi paalu n‑ti ninsaalidima saha din gaari la ni; ay! - di daa pa la hoo Naawunni Sii maa ŋɔn zaŋŋni a pampaŋŋɔ n‑wulisiri n‑tiri Naawunni tuumudima ni anabidima seem la.

ƐFƐSUSI DIMA 3:5 Iomraidhean Croise

MATIYU 13:17

Dama n yɛtti ya la yɛlimaŋni, ni, sahaseaa din gaari ka anabidima ni ninvugsuma pam daa boori ba da nya yan nyari bunseesi wa, ka mun bu nya a; ka daa laa m‑boori ba wum yan wumni seelli wa, ka daa bu wum.”

MATIYU 20:7

Ka ba daa labsi n‑yɛli u, ni, ‘Sɔ na bu zaŋŋi ti ni ti tum.’ Ka u yɛli ba, ‘Tɔ! Ya gba kyɛma m puu ni nti tum ka n nin yɔ ya.’

MATIYU 23:34

Dinŋɔ zugu n nin tum anabidima ya saani na, ni baŋŋniba, ni karimbadima; ka ya nin ku baseeba, ka kpaasi baseeba n‑tabli dɔpula zugu ni ba ti kpi, baseeba muna ka ya nin feebi ya la'aŋŋu duri ni, ka kari ba nti yi tinseaa n‑gaari tinseaa.

LUUKI 10:24

Dama n yɛtti ya, ni, sahaseaa din gaari, anabidima ni nadima pam daa boori la ba da nya yan nyari bunseesi wa ka mun bu nya a; ka daa laa m‑boori la ba wum yan wumni seelli wa ka daa bu wum.”

LUUKI 11:49

Dinŋɔ zugu ka Naawunni yɛm yɛla puuni ba daa pun yɛli, ni, Naawunni nin tum anabidima ni tuumudima na, ka ya nin ku baseeba ka kari baseeba nti namsi ba pam.

GYƆNI 14:26

Suŋŋna maa muna, u yi ti paai na, ŋɔn nin wulisi ya bunseelikam, ka teaari ya man ŋɔn pun yɛli ya seem maa zaa. Ŋɔna n nyɛ Sii Kasi maa, ka m Ba Naawunni nin tum u na man yuuri zugu.

GYƆNI 16:13

Amaa Sii Kasi maa nin ti kyɛ na n‑kasigi Naawunni yɛlimaŋni maa zaa n‑ti ya. U bu ti ya zaŋŋi u toori yiiko n‑tɔ'asi n‑ti ya, amaa u ya tɔ'asi la ŋɔn wum seelli, ni bunseesi an nin ti kyɛ na yɛla m‑paasi.

TUUMUDIMA TUMA 10:28

Ka Piita daa yɛli ba, ni, “Ya mi halli, ni, soori ka ni n‑ti Yɛhudiya ninvugsɔ ni u ti la'am ni ninvugsɔ ŋɔn pa Yɛhudiya nira, bee, n‑kpɛ u yiri ni. Amaa Naawunni wulisi ma, ni, n di kyisi ninsaalisɔ yɛla, ni, ‘da'ari daana n nyɛ u’.

ROOM DIMA 16:25

Ya kyɛ ka ti pɛ'ari Naawunni! Ŋɔna nin toaai n‑kyɛ ka ya nya yaa, ka di yi la man wulisiri lahabasuŋŋu maa ni na, ni Yisa Kirisita yɛla mooligu ni na. Di nyɛ la din wulisi yɛlisɔ'ara gbinni n‑tiri ya la. Ba daa sɔ'ai yɛla wa, piiligu ni halli ni zuna,

I KƆRINTI DIMA 2:10

Tirim muna - ŋɔn Naawunni zaŋŋi anŋɔ taabu n‑wulisi ti; u Sii maa zugu ka u wulisiri a ni, dama Sii maa viisiri la seelikam, halli Naawunni yɛlizulima gba.

ƐFƐSUSI DIMA 2:20

U yiri wa mun mɛ n‑tɔm nyeebsuŋŋu zugu, di nyɛ la u tuumudima ni anabidima maa; ka ka sunsukkugri kan gbaari ka zaa la nyɛ la Kirisita Yisa mammaŋŋa.

ƐFƐSUSI DIMA 3:9

Naawunni n daa naam duniya maa zaa, ka yɛla wa soori daa sɔ'ai u saani sahakam: ka yɛlisɔ'ara wa ka n yɛtti paalu ni, ni ya nini ti neaai.

II PIITA 3:2

M boori la ya teaai Naawunni anabisuma maa ŋɔn daa tɔ'asi yɛttɔ'aseesi sahanseaa sa la; ka laa n‑teaai Naawunni tuumudima maa ŋɔn daa yɛli yɛliseesi n‑ti ya zaŋŋi n‑kyaŋŋi ti Dugma, ti Tiligra, zaaligu la.

GYUUDA 1:17

Yarima muna, m mabiseeba man wuri suŋŋa wa, ya teaama yɛttɔ'aseesi yan daa pun wum la, aseesi ti Dugma Yisa Kirisita tuumudima ŋɔn daa daŋŋi n‑tɔ'asi n‑ti ya la.