ƐFƐSUSI DIMA 3:3 - Mampruli

³ Ka laa m‑mi, ni, kana n nyɛ yɛlisɔ'ariseaa kan yi paalu n‑ti ma, dama m pun sɔbi lala beela n‑ti ya.

ƐFƐSUSI DIMA 3:3 Iomraidhean Croise

TUUMUDIMA TUMA 22:17

Ka u daa laa n‑yɛli ba, ni, “Tɔ; ka di nyaaŋŋa n daa labi la Gyɛrusalɛm na, nti kpɛ Gyeeŋŋu Yiri maa ni, ni n ti puusi Naawunni. Ka man daa puusiri sahanseaa maa, di daa niŋi ma hoo man zaasiri ni;

TUUMUDIMA TUMA 22:21

Amaa u daa yɛli ma, ni, ‘Kur kyɛma! Dama n nin tum i, halli ban pa Yɛhudiyadima maa saani.’ ”

TUUMUDIMA TUMA 23:9

Ka dinzugu vuuri pam daa doaaya, ka seeba ban daa nyɛ zaaligu karimbadima ka bɛ la Farisii dima ya'ari la daa yi paalu na n‑yɛtti, ni, “Ti bu nya doo wa taaliseaa; di bu ya'ai malaaka bee siiya n tɔ'asi n‑ti u maa.”

ROOM DIMA 11:25

M mabiisi, yɛlisɔ'ara nŋɔa, amaa m bu boori ni ya kɔŋŋi a bamsim, ka naayi zaŋŋi ya toori yɛm m‑boori a gbinni. Kulla Izraɛli dimseeba daa mari zugkpeeŋŋu ni tuppuwumni, see ka ban pa Izraɛli dima ti kpɛ na ka ba kaalli maa ti paai.

ROOM DIMA 16:25

Ya kyɛ ka ti pɛ'ari Naawunni! Ŋɔna nin toaai n‑kyɛ ka ya nya yaa, ka di yi la man wulisiri lahabasuŋŋu maa ni na, ni Yisa Kirisita yɛla mooligu ni na. Di nyɛ la din wulisi yɛlisɔ'ara gbinni n‑tiri ya la. Ba daa sɔ'ai yɛla wa, piiligu ni halli ni zuna,

II KƆRINTI DIMA 12:1

See ka n kpalim n‑nyuuri n bara wa. Ni anfaani seaa ka di ni maa zaa yɔri, n nin tugi m‑paai zii nyaabu yɛla, ni ti Dugma ŋɔn kasigi bunseesi n‑ti ma la.

GALƐSEAA DIMA 1:12

N daa bu deaai ka sɔsɔ saani, bee, sɔ n daa zaŋŋi ka n‑wulisi ma. Di daa nyɛ la Yisa Masiiya mammaŋŋa ŋɔn daa kasigi ka n‑ti ma.

ƐFƐSUSI DIMA 1:17

Ti Ba Gyirima Zaa Daana! - Naawunni n nyɛ u n‑ti ti Dugma Yisa Kirisita; ti mun susiri u, ni, u tim ya u Siiya, ka u wulisi ya yɛm ka kasigi u yɛlitibsa n‑ti ya, ka kyɛ ka ya maali m‑baŋŋi u yɛla m‑paasi.

ƐFƐSUSI DIMA 3:4

Dinŋɔ nin kyɛ ka ya karim man ŋɔn daa sɔbi gbanseaa la, nti baŋŋi man ŋɔn mari bamsim seem zaŋŋi n‑kpa Kirisita yɛlisɔ'ara maa.

ƐFƐSUSI DIMA 3:6

Yɛla wa gbinni muna - di nyɛ la: ni, lahabasuŋŋu maa zugu nin kyɛ ka ban pa Yɛhudiya dima maa ni Yɛhudiya dima maa zaa nin la'am n‑di faari maa. Ba nin la'am n‑labgi ningbiŋŋu yinni, ba nin la'am n‑nyari bunsuma, bunseesi Naawunni ŋɔn basi noori, ni, u nin tisi la zaa.

ƐFƐSUSI DIMA 3:9

Naawunni n daa naam duniya maa zaa, ka yɛla wa soori daa sɔ'ai u saani sahakam: ka yɛlisɔ'ara wa ka n yɛtti paalu ni, ni ya nini ti neaai.

ƐFƐSUSI DIMA 6:19

Ya laa n‑susiri n‑ti ma gba, n‑yɛli Naawunni ka u ti ma yɛttɔ'a, man ŋɔn tɔ'asi saha kam gba, ni n ti zaŋŋi n sufukpeemni n‑wulisi lahabasuŋŋu maa yɛlisɔ'ara ka a ti yi paalu.

KƆLOOSIDIMA 2:2

N tumni lala ni di ti kyɛ ka ba sufu ti kpamsi, ka ba mari la nangbanyinni ni wurilim ni taaba. Lala ka ba nin ti baŋŋi Naawunni bunsuma zaa, birisigu ka ni, halli nti baŋŋi Naawunni yɛlisɔ'ara maa gbinni - din nyɛ Kirisita la.

KƆLOOSIDIMA 4:3

Ka ya puusigu wa ni, see ka ya susiri Naawunni n‑tiri ti gba: ni, u ti maali soori n‑ti ti ni ti ti tɔ'asi u yɛligu maa n‑tiri niriba, n‑toaai n‑kasigri u yɛlisɔ'ara an bɛ Kirisita ni maa. Di nyɛ la lala yɛligu maa zugu ka ba lɔ ma kyɔrimi ka n na kpalim m‑bɛ lala.

HIBRUU DIMA 13:22

M mabiisi, n kpamsiri ya, ni, ya sakki n‑wumni n kpaaŋŋu wa, dama man ŋɔn sɔbi gbanseaa n‑ti ya wa kur nyɛ la bumbila fiiŋ.

I PIITA 5:12

Mani n sɔbi gbambila wa n‑zaŋŋni n‑tiri Sailivanisi ni u mari na n‑ti ya. U nyɛ la m mabiiya, ka n niŋi u yɛdda. N sɔbi ka, ni n ti suŋŋi ya ka kpamsi ya, ka kyɛ ka ya baŋŋi, ni, Naawunni wurilim yɛla siri bɛ la lala, ka ana n nyɛ an nin kyɛ ka ya zɛ yummu.

II PIITA 3:15

Kur teaama, ni, di nyɛ la ti Dugma ŋɔn di sugru zugu ka ninsaalidima nin nya tiliginsim. Lala ka ti zɔsuŋŋu Pɔla gba daa pun sɔbi n‑wulisi ya. Ti Dugma zaŋŋi bamsim n‑ti u, ka suŋŋi u ni u ti wulisiri yɛlimaŋni yɛla.