ƐFƐSUSI DIMA 3:2 - Mampruli

² - N siri mi halli, ni, ya pun wum Naawunni ŋɔn zaŋŋi tunseaa n‑zaali ma, ni, yarima zugu ka u dɔli la u wurilim soori ka kyɛ ka n suŋŋni ya.

ƐFƐSUSI DIMA 3:2 Iomraidhean Croise

TUUMUDIMA TUMA 13:2

Ban daa gyeemni ti Dugma ka loori noori sahanseaa la, Naawunni Sii Kasi maa daa yɛli ba, ni, “Ya yiisim Baanabasi ni Sɔla n‑zaali n‑ti ma, ka ba tum man yiisi ba ni ba ti tum tunseesi la.”

TUUMUDIMA TUMA 13:46

Amaa Pɔla ni Baanabasi daa zaŋŋi ba sufukpeemni n‑labsi ba, n‑yɛli, “Tɔ! Ti yi da bu daŋŋi n‑kyɛ ka yarima wum Naawunni lahabasuŋŋu maa, di naa n‑ku mari soori. Amaa yan za'asiri maa ka yɛnni, ni, ya bu sumsi ni ya nya nyɔvuri kan ka naari maa; tɔ, ti nin labsi ti zikki la ban pa Yɛhudiyadima la saani.

TUUMUDIMA TUMA 22:21

Amaa u daa yɛli ma, ni, ‘Kur kyɛma! Dama n nin tum i, halli ban pa Yɛhudiyadima maa saani.’ ”

TUUMUDIMA TUMA 9:15

Ka ti Dugma daa labsi n‑yɛli u, “Ni dinŋɔ zaa, kur kyɛma! Dama doo maa nyɛ la n tuntunsɔ ŋɔn ya mari n yuuri nti ti ban pa Yɛhudiyadima, ni ba nadima, ni Yɛhudiyadima maa m‑paasi.

ROOM DIMA 1:5

Ŋɔn zugu n kyɛ ka Naawunni niŋi bunsuma n‑niŋi ti ni, ka laa n‑kyɛ ka tirima leebi u tuumu. Ka u tum ti, ni ti ti kyɛ ka tingbana zaa niriba yi niŋi yɛdda u yuuri zugu ka deaai u noori.

ROOM DIMA 11:13

Tɔ: ka pampaŋŋɔ n ya tɔ'asiri n‑tiri yaseeba ban pa Yɛhudiyadima la. Ka man ŋɔn nyɛ la tuumu n‑ti yan ban pa Yɛhudiyadima maa, n nin tum n tuma maa zaa ni nimbirimoaa.

ROOM DIMA 12:3

Tɔ; Naawunni ŋɔn pun zaŋŋi u suŋŋsim piini n‑ti ma la zugu, n kpaamni ya zaa yinniyinni nŋɔa: ni, yan di gɔsi ya mammansi yɛla n‑teesi, ni, a veela, halli ka ya lala teesa gaari din siri nyɛ yɛlimaŋni maa. Ay! - Ya kyɛ ka ya teesa dɔli la yam maŋni, hoo Naawunni ŋɔn zaŋŋi yɛdda n‑ti ya sɔkam yinniyinni seem.

I KƆRINTI DIMA 4:1

Tɔ, ka dinŋɔna see ka ba nyari ti, ni, Kirisita tuntumniba, ni seeba Naawunni ŋɔn zaŋŋi u yɛlisɔ'ara fukumsi n‑niŋi ba nuu ni.

GALƐSEAA DIMA 1:13

Ya daa pun wum sahanseaa man daa na dɔli la Yɛhudiyadima addiini soori la yɛla. Ni, n daa kur namsiri la Naawunni la'aŋŋu dima ka daa bu zɔri ba namboo, ka daa laa n‑kpaŋŋi m maŋŋa ni n sa'am ba yɛla zaa.

ƐFƐSUSI DIMA 1:10

ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi.

ƐFƐSUSI DIMA 3:7

Lala lahabasuŋŋu tuma ka man tumna: Naawunni wurilim piini zugu ka n deaai tuma wa ka leebi u tuntumna, pa m mammaŋŋa zugu; ŋɔn Naawunni n daa zaŋŋi u yiiko n‑kpeesi ma, ni n ti tumni lala.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

ƐFƐSUSI DIMA 3:9

Naawunni n daa naam duniya maa zaa, ka yɛla wa soori daa sɔ'ai u saani sahakam: ka yɛlisɔ'ara wa ka n yɛtti paalu ni, ni ya nini ti neaai.

ƐFƐSUSI DIMA 4:21

Ay! - Yan daa wum u yɛla ka daa deaai u wulisigu maa, yɛlimaŋni din bɛ Yisa saani la zugu n‑daa la.

ƐFƐSUSI DIMA 4:7

Amaa ti sɔkam deaari u piini u piini, hoo Kirisita ŋɔn putti a n‑tisiri seem la.

KƆLOOSIDIMA 1:4

Dama ti wum ya yɛla, ni, ya niŋi Yisa Kirisita yɛdda ka laa m‑mari wurilim n‑tiri Naawunni niriba zaa.

KƆLOOSIDIMA 1:6

Lahabasuŋŋu wa siri pun paai ya saani. Ka bɛ la duniya wa lugrikam zaa ni, n‑wanni ka wala ka zoaara; ka lala ka ka wanni wala yarim gba saani. Ka daa wanni la lala yan daa daŋŋi n‑wum ka yɛla - dabsiseaa yan daa ti baŋŋi Naawunni piini ŋɔn siri nyɛ seem la - halli ni zuna.

I TIMƆTI 1:11

Wulisigu wa mun bɛ la lahabasuŋŋu ni ka mari gyirima, lahabaseelli Naawunni ŋɔn nyɛ Alibarika Daana wa ŋɔn zaŋŋi n‑niŋi man nuusi ni, ni m moonni ka.

I TIMƆTI 1:4

Ni, ba kyɛli daadaa yɛla bamsigu - lahabaseesi an ka yɛlimaŋni, ni dɔ'am kpamma yuya kaaligu din ka tɔriga la. Dama a kur taasiri la nangbankpeemni kɔkɔ na, ka bu wulisiri Naawunni yuubu soori, dama dinŋɔ nyɛ la yɛdda niŋbu puuni.

I TIMƆTI 2:7

Ka lala zugu ka Naawunni daa gaŋŋi ma ka n leebi u tuumu sɔ ŋɔn tum ni m moonni di lahabaari n‑wulisiri n‑tiri ban pa Yɛhudiyadima maa. U daa niŋi lala ni ba ti baŋŋi yɛdda ni yɛlimaŋni soori maa. Yɛlimaŋni ka n yɛtti i maa; m bu ma'ari la ziri!

II TIMƆTI 1:11

Lahabasuŋŋu wa zugu ka Naawunni daa yiisi ma n‑leebi lahabaari maa tuumu, ni n ti moonni ka n‑wulisiri n‑tiri niriba.