ƐFƐSUSI DIMA 3:12 - Mampruli

¹² Ŋɔn Yisa zugu, ni ti yɛdda ŋɔn bɛ u ni la zugu, ka ti nya soori ni ti nin toaai m‑paai Naawunni saani na ka bu zɔri dabeem, ka vi ka ti.

ƐFƐSUSI DIMA 3:12 Iomraidhean Croise

GYƆNI 14:6

Ka Yisa labsi n‑yɛli u, ni, “Mani n nyɛ soori maa; mani n nyɛ yɛlimaŋni gba, ka mani n nyɛ nyɔvuri m‑paasi. Sɔ ku toaai n‑kyaŋŋi m‑paai ti Ba Naawunni saani faasee ka u dɔli ma n‑kyaŋŋi.

ROOM DIMA 3:22

Naawunni ŋɔn tiri yɛlimaŋni seem wa dɔli la Yisa Masiiya yɛdda niŋbu, ka dinŋɔ nyɛ la lala n‑ti sɔkam zaa ŋɔn niŋi u yɛdda gba. Wɔligri ka ni,

ROOM DIMA 5:2

Dama ŋɔn Yisa zugu daa kyɛ ka ti nya yɛdda niŋbu soori nti kpɛ n‑zɛ tin bɛ zaazisunseaa wa ni. Di nyɛ la Naawunni ŋɔn daa tum lala tunsuma n‑ti ti maa. Dizugu ka ti mari sufupeelli, dama ti mari tama, ni, ti nin nya Naawunni gyirima veelim.

II KƆRINTI DIMA 3:4

Ti yɛtti dinŋɔ, dama ti niŋi yɛdda ka bu birisiri Naawunni tooni, ka di bɛ la Kirisita zugu.

ƐFƐSUSI DIMA 2:18

Ŋɔna n nyɛ sɔseaa ti bayi zaa ŋɔn la'amni n‑dɔla m‑paari ti Ba Naawunni saani la, ka ŋɔn Naawunni Siiya nyɛ la Sii yinni ka suŋŋni ti.

HIBRUU DIMA 10:35

Dizugu yan di kyɛ ya sufukpeemni m‑basi, dama sufukpeemni nin ti ti ya yoori pam.

HIBRUU DIMA 3:6

Yisa Masiiya mun bɛ la Naawunni yiri ni hoo yiddaana biiya, ka tirima muna - ti yi ti mari sufukpeemni ni nimbirimoaa - tirima mun nyɛ la hoo yiri dima maa, see ka ti laa n‑niŋi tin mari tamaseaa maa yɛdda, zaŋŋi n‑kyaŋŋi di baasigu.

I PIITA 3:18

Ya bu nya? Kirisita daa kpi yimmu ti tumbeeri zugu, ka a yɛla naai; ŋɔna yɛlimaŋni zaa daana daa kpi tirim halibeoo dima zugu, ni u ti zaŋŋi ti n‑taasi Naawunni saani. Ba daa ku u ningbiŋŋu, amaa u siiya daa doaai n‑na vu.

I GYƆNI 2:28

Tɔ; ka pampaŋŋɔ, m biisi, ya kpalimma m‑bɛ u saani; ka u yi ti labi n‑yi paalu sahanseaa na, ti nin nya soori m‑paai u saani na, ka ti ku ti di vi.

I GYƆNI 3:21

Amaa ti teesa yi bu galimni ti, n zɔdima, dinŋɔna ti teesa zaa nin bɛ la Naawunni saani, vi ka ni.