ƐFƐSUSI DIMA 3:1 - Mampruli

¹ Dinŋɔ zaa zugu ka man Pɔla gbaantiri n‑susira - man ŋɔn bɛ dansarika duu ni Kirisita Yisa zugu. Ka di nyɛ la yaseeba ban pa Yɛhudiya dima suŋŋsim maa zugu ka n susira.

ƐFƐSUSI DIMA 3:1 Iomraidhean Croise

LUUKI 21:12

Amaa ba nin daŋŋi n‑kari ya nti gbaai ya n‑taasi ba la'aŋŋu duri ni, ka kpari ya duu. Ba nin zaŋŋi ya n‑niŋi nadima nuusi ni, ni gɔmnadima nuusi ni: man yuuri zugu ka ba nin niŋi ya lala.

TUUMUDIMA TUMA 21:33

Ka kpeema maa daa kyɛ ka ba gbaai u, n‑lɔ u kutti ayi. Ka daa boosi, ni u baŋŋi ŋɔn nyɛ sɔa, ni ŋɔn niŋi tumbɛseelli.

TUUMUDIMA TUMA 23:18

Ka u daa mari u n‑kpɛ kpeema maa saani n‑yɛli, “Pɔla sɔ ban kpari dansarika duu ni la m booli ma n‑yɛli, ni, m mari na'akyimbila wa n‑kyɛ i saani na, ni, u mari la bunseelli ni u yɛli i.”

TUUMUDIMA TUMA 26:29

Ka Pɔla daa labsi n‑yɛli, ni, “Di yi yuui, bee, di yi bu yuui, n siri boori ni nyini, ni seeba zaa ban wumni n yɛttɔ'a zuna wa m‑paasi i zugu, nin ti leebi hoo man ŋɔn bɛ seem la - amaa pa la ban lɔ ma kyɔrimi wa taabu!”

TUUMUDIMA TUMA 9:15

Ka ti Dugma daa labsi n‑yɛli u, “Ni dinŋɔ zaa, kur kyɛma! Dama doo maa nyɛ la n tuntunsɔ ŋɔn ya mari n yuuri nti ti ban pa Yɛhudiyadima, ni ba nadima, ni Yɛhudiyadima maa m‑paasi.

II KƆRINTI DIMA 1:6

Ti yi nya toom, di nyɛ la ya sufumaasim ni ya fa-m‑basi zugu; ti mun yi ti nya ti sufu kpamsigu, di bɛ la lala ka di nin kyɛ ka ya gba sufu kpamsi, halli ka ya nin bamsi sugru di zugu n‑zɛ yummu, sahanseaa yan nya namsi hoo ti dina wa la.

II KƆRINTI DIMA 10:1

Man, Pɔla, n‑sɔbri wa: ka n susiri ya, Kirisita sugru zugu, ni u nirilim zugu. Halli ban yɛtti n yɛla seem maa yɔri ka n susiri ya - dama ba yɛtti, ni, n yi bɛ ya saani n nyɛ la sɔ ŋɔn zɔri vi ni dabeem, amaa n yi ka ya saani muna m mari la sufukpeemni ni dablim.

II KƆRINTI DIMA 11:23

Ni, ba tumni la Kirisita tuma? - ay! mani n gaari lala. Dama man daa tum n‑gaari ba, n‑kpɛ sarika n‑gaari; ba daa bu ma, halli ka n daa ti ya kpi, ka di daa maali m‑maali n‑niŋi ma n‑gaari ba zaa. Tɔ, pa sɔ ŋɔn zugu n labgi yɛttɔ'a nŋɔa? - Ay, gyɛrilim n siri nyɛ di!

GALƐSEAA DIMA 5:11

M mabiisi, amaa man ŋɔna - ni, n na kur kpalim n‑gyinni m‑moonni, ni, gunibu nyɛ la bunseela din kpa talasi: tɔ, ka di yi bɛ la lala, wula zugu ka n laa m‑bɛ galinsi ni wahala puuni? Dama man yi siri moonni lala, Yisa kum dɔpulli yɛla ku laa m‑bɛ n saani ni ba ti yaai ma di zugu.

GALƐSEAA DIMA 5:2

Ya wumma! Man Pɔla n yɛtti ya wa, ni, ya yi sakki ka kyɛ ka ba guni ya, dinŋɔna Kirisita ka bukyi n‑ti ya halli beela.

GALƐSEAA DIMA 5:24

Ka ban kam zaa nyɛ la Kirisita Yisa dina pun zaŋŋi ninsaatiri teesa n‑kpaasi n‑tabli dɔpulli zugu n‑ku - ana ni kɔribeeri boorimma zaa.

ƐFƐSUSI DIMA 3:11

Di zaa nyɛ la hoo ŋɔn Naawunni ŋɔn daa pun gbaai seem, ka ti Dugma Yisa Kirisita puuni ka u lala sufuyuubu yɛla yiiri paalu na.

ƐFƐSUSI DIMA 3:13

Anŋɔ zaa zugu ka n yɛtti ya, ni, yan di gbarigri beesigu ni, man ŋɔn namsiri ya zugu la zugu, dama lala nyɛ la duusigu n‑ti ya.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 6:20

Lahabasuŋŋu maa zugu ka n nyɛ ti Dugma tuumu n‑zɛ u zaani n‑tiri niriba, ka ba lɔ ma la kyɔrimi di zugu. Amaa ya susima n‑ti ma, ni, n tɔ'asi paalu ni ka dabeem ka ma, hoo din sumsi ni n tɔ'asi seem.

FILIPAAI DIMA 1:7

Ya bɛ la n sufu ni saha kam, ka di zugu di tuya, ni, n niŋi lala yɛdda zaŋŋi n‑kyaŋŋi ya yɛla. Ya la'amni n‑suŋŋni ma n‑nyari Naawunni piinisuma. Di nyɛ la lala man ŋɔn lɔ la kyɔrimi seem ziiya, ni man ŋɔn gyɛrigi sarikatta maa tooni ka wulisiri lahabasuŋŋu maa yɛlimaŋni ŋɔn zɛ seem ziiya m‑paasi.

KƆLOOSIDIMA 1:24

Tɔ: pampaŋŋɔ m mari sufumaasim pam man namsiri ya zugu la. Ii - di nyɛ la Naawunni niriba zaa zugu ka n diri wahala n ningbina wa ni: halli Kirisita ŋɔn daa namsi ba zugu gba, man nin naai namsigu din kpalim n‑ti ba, dama Naawunni niriba taaba la'aŋŋu nyɛ la Kirisita ningbiŋŋu.

KƆLOOSIDIMA 4:18

Tɔ, ya nyam sɔppu wa - man sɔbri m‑puusiri ya n toori nuu ni sɔppu: Pɔla . Ya teaama man ŋɔn lɔ la kyɔrimi seem. Naawunni piinisuma zaa bɛ ya saani.

KƆLOOSIDIMA 4:3

Ka ya puusigu wa ni, see ka ya susiri Naawunni n‑tiri ti gba: ni, u ti maali soori n‑ti ti ni ti ti tɔ'asi u yɛligu maa n‑tiri niriba, n‑toaai n‑kasigri u yɛlisɔ'ara an bɛ Kirisita ni maa. Di nyɛ la lala yɛligu maa zugu ka ba lɔ ma kyɔrimi ka n na kpalim m‑bɛ lala.

II TIMƆTI 1:16

Amaa n susiri ti Dugma Naawunni, ni, u zɔma Ɔneesifɔru ni u yiri dima namboo, dama u daa kur nyɛ la ŋɔn kpamsiri n sufu sahakam; ka vi bu mari u ban kpari ma dansarika duu wa zugu.

II TIMƆTI 1:8

Dizugu di kyɛ ka vi mari i, nyin tɔ'asiri ti Dugma yɛla zugu, bee, man zugu gba, man ŋɔn bɛ dansarika duu wa ni maa. See ka Naawunni yiiko kyɛ ka man ni nyin la'am n‑di wahala lahabasuŋŋu maa zugu.

FAILIIMƆN 1:1

Man Pɔla, ŋɔn daa kpɛ sarika Kirisita Yisa Masiiya yɛla zugu, ni ti mabii Timɔti - ti puusiri i ni. Mani Pɔla n‑sɔbri gbaŋŋu wa n‑tiri nyini Failiimɔn, tin la'am n‑tumni Kirisita Yisa tuma la zugu.

FAILIIMƆN 1:23

Ɛpafraasi gba puusiri i ni. Ŋɔn gba ka ba daa kpari duu, Kirisita Yisa zugu.

FAILIIMƆN 1:9

Amaa man ŋɔn wuri i la zugu ka n susiri i ni, ni, i suŋŋi ma. Ii: man Pɔla, ŋɔn nyɛ Kirisita Yisa kpambari la - halli ka pampaŋŋɔ ba gbaai ma n‑kyaŋŋi nti kpari Yisa yɛla zugu -

KASIGRI 2:10

Yan di zɔ dabeem yan yɛ n‑nya namsigu seem zugu. Ya bu nya? - Sintaani nin kyɛ ka ba gbaasi yaseeba n‑kpari sarika duu ni n‑namsi ya, ka ya nin nya wahala dabsipiiya. Ya kur zɛ yummu m‑mari ya yɛdda niŋbu kirikiri, halli nti paai kum, ka mani nin zaŋŋi piinisuma n‑ti ya - di nyɛ la nyɔvuri.”