ƐFƐSUSI DIMA 2:8 - Mampruli

⁸ Dama piiniseaa tin bu sumni ka la zugu ka ya nya tuliginsim, ya yɛdda niŋbu zugu. Ka di pa la ya mammantoori yiiko zugu: piini maa yi la Naawunni saani n‑ti ya na.

ƐFƐSUSI DIMA 2:8 Iomraidhean Croise

MATIYU 16:17

Ka Yisa daa labsi n‑yɛli u, ni, “Mboo! Zugsuŋŋu bɛ ni n‑ti nyini, Saimoon, nyin Gyoona bii wa! Dama pa ninsaala n wulisi i lala maa, amaa m Ba ŋɔn bɛ la arizana ni maa - ŋɔna n wulisi i.

MATIYU 20:9

Ka dizugu baseeba ban daa kyaŋŋi kurigu anu saha la daa kyɛ na nti deaai dabsimunni tuma ligri.

MAAKI 16:16

Ka ŋɔnkam niŋi yɛdda n‑su Naawunni koom nin nya tiliginsim, amaa ŋɔnkam za'asi ka bu niŋi yɛdda nin baasi yɔri.

LUUKI 7:50

Di saha la ka Yisa laa n‑yɛli pɔ'a maa “Kyɛma ni sufudoaa; i yɛdda niŋbu n tuligi i.”

GYƆNI 3:36

Ŋɔnkam yi niŋni Naawunni Bii maa yɛdda nin nya nyɔvuri kan ka tariga. Ŋɔnkam mun bu sakki n‑niŋi u yɛdda ku nya nyɔvuri, halli Naawunni sufugyeaa kpalim m‑bɛ u zugu.

GYƆNI 4:10

Ka Yisa yɛli u, ni, “I yi da baŋŋi la Naawunni ŋɔn tisiri seela, ka mi ŋɔni n tɔ'asiri n‑tiri i m‑boori koom wa, i da naa n‑yɛli u ka u ti i kɔsuŋŋu ni yɛlimaŋni.”

GYƆNI 5:24

Ni, “Yɛlimaŋni ka n yɛtti ya wa, ni, ŋɔn kam zaa wum n yɛttɔ'a wa ka niŋi ŋɔn tum ma na maa yɛdda, di daama mari nyɔvuriseaa kan ka naari. Ba bu ti yɛ kari u sariya, amaa u pun yi kum ni n‑kpɛ nyɔvuri ni.

GYƆNI 6:35

Ka Yisa yɛli, “Mani n nyɛ paanu wa kan tiri nyɔvuri la. Ŋɔnkam kyɛ n saani na - kɔm ku laa n‑gbaai u; ka ŋɔnkam mun niŋi ma yɛdda - kɔnyuuri ku laa n‑gbaai u yaasa.

GYƆNI 6:37

M Ba ŋɔn zaŋŋi sɔ zaa n‑ti ma la nin kyɛ n saani na. Man mun ku kari sɔ zaa ŋɔn kyɛ n saani na;

GYƆNI 6:40

Yaasa, Ŋɔn tum ma na la yuubu maa nŋɔa#:- ni, ŋɔnkam nya Naawunni Bii maa ka niŋi u yɛdda la nin nya nyɔvuri kan ka tariga, ka n nin kyɛ ka u yisigi kum ni na Zaadaari maa.”

GYƆNI 6:44

Sɔ ku toaai n‑kyɛ n saani na, di yi pa la m Ba ŋɔn tum ma na maa ti booli u n‑ti ma na, ka n nin kyɛ ka u yisigi kum ni na Zaadaari maa.

GYƆNI 6:65

Ka u daa laa n‑yɛli m‑paasi, ni, “Nŋɔ zugu ka n yɛli ya, ni, sɔsɔ ku toaai n‑kyɛ n saani na ka di pa ni m Ba maa n tisi soori ka u niŋi lala.”

TUUMUDIMA TUMA 14:27

Ka ban daa paai na, ba daa la'am ni Yisa nyaandɔliba la'aŋŋu dima zaa, ka daa wulisi ba Naawunni ŋɔn daa tum seem n‑ti ba maa, ni, “Naawunni yoaai la soori, ni ban pa Yɛhudiyadima la gba ti dɔli ka niŋni Yisa yɛdda.”

TUUMUDIMA TUMA 15:11

Ay! Amaa tirima niŋni yɛdda, ni, ti Dugma Yisa wurilim tuma zugu ka u kyɛ ka ti nin tuligi, ka lala n nyɛ di n‑tiri ban gba.”

TUUMUDIMA TUMA 16:14

Ka pɔ'asɔ daa bɛ bɛni ka u yuuri boonni Liidiya. U daa yi la Tayatayira tiŋŋa ni na, ka daa koosiri kyinkyinsuma an ligri daa zoaai. Pa Yɛhudiyapɔ'a n daa nyɛ u, amaa u daa dɔli Yɛhudiyadima soori n‑gyeemni Naawunni. Naawunni daa kyɛ ka u nini neaai, ka u daa wum Pɔla yɛttɔ'a maa ka sakki.

TUUMUDIMA TUMA 16:31

Ka ba daa yɛli u, ni, “Niŋma ti Dugma Yisa yɛdda, ka i nin nya tuliginsim - nyin ni i yiri dima zaa.”

ROOM DIMA 10:14

Tɔ, ka dinŋɔna ba ya niŋi la wula n‑toaai n‑susiri u, ka bu daŋŋi n‑niŋi u yɛdda? Bee, ba ya niŋi la wula n‑toaai n‑niŋi u yɛdda, ka na bu wum u yɛla? Ka ba ya niŋi la wula n‑toaai n‑wum u yɛla, ka di pa la sɔ pun mooli u lahabaari maa n‑ti ba?

ROOM DIMA 10:17

Dinŋɔna yɛdda niŋbu yiiri la mooligu maa wumpu ni, ka mooligu wumpu mun yiiri la Kirisita yɛligu ni.

ROOM DIMA 4:16

Nangbambasiri maa daa kyɛ na la yɛdda zugu, ka ka zɛ la deede, ni ka ti leebi piini n‑tiri Ibrahim nyaaŋŋa zaa, pa la seeba ban dɔli zaaligu la kɔkɔa, amaa ni seeba ban niŋni yɛdda hoo Ibrahim gba. Ka ŋɔn Ibrahim nyɛ la ti zaa ba.

ROOM DIMA 4:5

Amaa ŋɔn bɛ ni u yɛdda zugu la, ka pa u tuma zugu, dama u niŋni Naawunni yɛdda, ni, u nyɛ la sɔ ŋɔn zaŋŋni tumbeeri daana taalli yɛla zaa m‑pɛŋŋni u, di daama mun yɛttɔ'a maa ni ka ba ‘yɛli, ni, u nyɛ la yɛlimaŋni daana’.

ROOM DIMA 9:16

Dizugu di zaa pa la ninsaala yuubu, bee, ninsaala ŋɔn moori n‑tumni seem la zugu, amaa di bɛ la Naawunni nambɔzoaa maa zugu.

GALƐSEAA DIMA 3:14

Ŋɔn Kirisita daa niŋi lala, ni u kyɛ ka di ti paai ban kam pa Yɛhudiyadima la - Naawunni zugsuŋŋu bunseesi ŋɔn daa pun basi nangbambasiri n‑tisi Ibrahim la nin paai ba na. Ŋɔn Yisa Masiiya zugu ka ba ti deaai a. Dinzugu ti yɛdda puuni ti nin toaai n‑deaai Vuusim Kasi maa, hoo Naawunni ŋɔn daa pun basi nangbambasiri maa.

GALƐSEAA DIMA 3:22

Amaa Litaafi yɛliya, ni, duniya wa zaa bɛ la ala'akyi tumbeeri yiiko suulinsi puuni; ka dizugu kyɛ ka piiniseesi an bɛ nangbambasiri maa puuni, zaŋŋi n‑kpa yɛdda zugu la, nin nyɛ la ninvugseeba ban mari yɛdda la dina.

ƐFƐSUSI DIMA 1:19

M‑paasi, ya nin baŋŋi u yiiko ŋɔn kpeem seem halli n‑ti yakki, n‑tiri tiseeba ban niŋi u yɛdda la.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 2:5

Ka lala zugu u daa kyɛ ka ti la'am Masiiya saani n‑neaai kum ni, halli ni ti tumbeeri daa ku ti maa zaa yɔri. Piiniseaa tin bu sumni ka la zugu ka ya nya tuliginsim.

FILIPAAI DIMA 1:29

Ya deaari la piini Kirisita yuuri zugu: di pa la yan niŋi u yɛdda seem la kɔkɔa, amaa halli yan di wahala u zugu gba n nyɛ piinisuŋŋu n‑ti ya.

KƆLOOSIDIMA 2:12

N tɔ'asiri Naawunni koom suubu yɛla: ban daa su ya koom la, di gbinni nyɛ la: ni, ba daa la'asi ya ŋɔn Kirisita saani n‑sɔ'ai ya gballi ni; ka dinŋɔna ya nin laa n‑la'am u saani n‑yisigi, dama ya niŋi Naawunni yiiko maa yɛdda, ni, u daa neaai u kum ni.

II TƐSALƆNIKA DIMA 1:9

Ba nin ti yɔ ba ba taalli samni m‑basi ba yɔri, saha kan ka naari; ka ba nin kpalim n‑zɛ wa'aligu n‑kɔŋŋi ti Dugma gyirima ni u yiiko ni beebu maa.

HIBRUU DIMA 6:4

Dama ya teesima ninvugseeba ban pun wum lahabaari maa yɛla ka ba pun lam m‑baŋŋi Naawunni yiri nya'asim din nyɛ seem, ka yi leebi la seeba ban la'am n‑deaai Vuusim Kasi maa Naawunni saani. Ba laa m‑baŋŋi Naawunni yɛligu maa nya'asim suŋŋa, ni yiikoseesi an yi la sahaseaa kan kyɛnni na ni gba. Lala niriba yi ti mi neesim yɛla wa zaa pɔi ka naayi za'asi Naawunni yɛdda m‑basi, soori ka ni ni ba nin toaai m‑maali n‑niŋi tuuba yaasa. Ban za'asiri lala maa, ba laa m‑maali n‑kpaasiri Naawunni Bii n‑tabinni dɔpulli zugu yaasa, ka diisiri u vi paalu ni.

I PIITA 1:5

Dama ya yɛdda niŋbu nin kyɛ ka Naawunni yiiko mari ya, halli ka tiliginsim din pun maali siri la ti paai ya na, duniya wa naari saha.