ƐFƐSUSI DIMA 2:6 - Mampruli

⁶ Ka ŋɔn Naawunni daa kyɛ ka tin ni Kirisita Yisa yisigi, n‑zaŋŋi ti n‑ziili ti, ni tirim ni ŋɔn zaa zi ŋɔn Naawunni saani u naam zizii maa ni saazugu.

ƐFƐSUSI DIMA 2:6 Iomraidhean Croise

MATIYU 26:29

Dama n yɛtti ya, n ku laa n‑nyu tiwala daam wa taabu yaasa, halli ni dindahinseaa man ni yan ŋɔn ti ya nyu di bumpaalli, m Ba naam beesigu ni.”

LUUKI 12:37

Ka Yisa daa laa n‑yɛli ba, “Daabseeba ban bu ti gbisira, ka ziya n‑guri ba dugma halli ka u ti paai na - ay! ba nin ti mari sufupeelli pam.” Ni, “Yɛlimaŋni ka n ya n‑yɛli ya wa, ni, u nin yeaai u kparigu maa ka kyɛ ka ba zinni ka u gyeemni ba.

GYƆNI 12:26

Ninvugsɔ ŋɔn boori u tumni n‑tiri ma, kyɛ ka u dɔli n nyaaŋŋa: ka man ŋɔn ya bɛ seela maa, bɛni ka n tuntumna wa nin ti bɛ ni. Ka ŋɔn tumni n‑tiri ma la, m Ba Naawunni nin ti di daama gyirima.”

GYƆNI 14:3

Ka man kyaŋŋi m‑maali ya beebu zii n‑naai, n nin labi na nti zaŋŋi ya n‑kyaŋŋi, ka man ni yarima la'am m‑bɛ ni.

ƐFƐSUSI DIMA 1:1

Man Pɔla n sɔbri gbaŋŋu wa n‑tiri ya. Mani n nyɛ Yisa Kirisita Masiiya tuumu, Naawunni wurilim zugu. N sɔbri n‑tiri yarima, Naawunni niriba, yaseeba ban bɛ Ɛfɛsusi tiŋŋa n‑niŋi Kirisita Yisa yɛdda.

ƐFƐSUSI DIMA 1:3

Pɛ'abu bɛ ni n‑ti Naawunni, sɔ ŋɔn nyɛ ti Dugma Yisa Kirisita Ba la: ŋɔn Naawunni tiri ti u bunsuma zaa an yi u Sii maa saani arizana puuni na, tirim ŋɔn bɛ Yisa saani maa zugu.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 2:13

Ya siri daa wa'a ni Naawunni, amaa pampaŋŋɔ ya bɛ la Kirisita Yisa puuni, pampaŋŋɔ ya yi pɔtti Naawunni saani na, ŋɔn Masiiya ziim maa zugu.

KƆLOOSIDIMA 1:18

U bɛ la u niriba ban la'amni taaba n‑dɔli u la saani hoo zugu ŋɔn bɛ ningbiŋŋu saani seem la. Ba toondaana n nyɛ u, sɔ ŋɔn daa daŋŋi ba zaa n‑doaai kum ni; lala daa niŋi nti kyɛ ka u leebi ba toondaana bunseelikam puuni.