ƐFƐSUSI DIMA 2:4 - Mampruli

⁴ Amaa Naawunni wurilim daa galisi ka u nambɔzɔrigu daa zoaai, ka u mari n‑ti ti.

ƐFƐSUSI DIMA 2:4 Iomraidhean Croise

LUUKI 1:78

Dama Naawunni zɔ ti namboo pam. Ka u kyɛ ka neesim yi saazugu n‑kyɛ ti saani na,

ROOM DIMA 10:12

Kpa wa ka wɔligri ka ni - Yɛhudiyadima ku bɛ ba kɔkɔa ka kyɛ Griika dima. Naawunni nyɛ la ba zaa Dugma, ka ŋɔn mun zaŋŋi bunsunseelli kam n‑tiri baseeba ban mi u yuuri n‑susiri u maa.

ROOM DIMA 2:4

Bee, i bu baŋŋi, ni, Naawunni zɔri i la namboo ni u ti zi i n‑taasiri ziseaa ka i ŋmaligi ka kyɛ i tumbeeri ni i teesibeeri yɛla? Lala zugu ka i zeemni ŋɔn Naawunni nambɔzoaa, ni u veelim, ni u sugru, an galisi n‑tiri i: bee, m ma'ai ni?

ROOM DIMA 5:8

Amaa Naawunni ŋɔna - ŋɔn daa niŋi seem n‑wulisi ti, ni, u wuri ti pam nŋɔa#:- tin daa na bɛ tumbeeri ni sahanseaa la, Kirisita daa kpi n‑ti ti.

ROOM DIMA 9:23

Ka di bu laa n‑ya'ai ka u boori u ti wulisi u gyirima ŋɔn veeli pam seem. Ka dizugu u daa niŋi lala n‑tiri ninvugseeba ban ŋmanni la veelim tuma laasi la, ka u zɔ ba namboo, dama u daa daŋŋi m‑maali ba ni ba ti nya gyirima.

ƐFƐSUSI DIMA 1:7

Ŋɔn Naawunni biwuttigu puuni ka ti mari fa-m‑basi u ziim la zugu; tumbeeri kyɛ-m‑pɛŋŋi ka ti mara, ka di zaa nyɛ la Naawunni piiniseaa tin bu sum ni ka la, ka u ti ti.

ƐFƐSUSI DIMA 2:7

U niŋi lala ni di ti kyɛ ka yuuma an kyɛnni na la dima nin ti baŋŋi u piiniseesi an ka taabu la yɛla, ni, ŋɔn zɔ ti namboo seem, Kirisita Yisa zugu.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

II TƐSALƆNIKA DIMA 2:13

Amaa tirima muna - di kpa la talasi ni ti pɛ'ai Naawunni ya zugu, yaseeba ban nyɛ ti mabiisi. Ka ti Dugma wuri ya, dama piiligu ni ka u daa pun yiisi ya, ni ya ti nya tuliginsim Naawunni Sii Kasi tuma puuni, ni yan niŋi yɛlimaŋni maa yɛdda zugu.

I TIMƆTI 1:14

Di saha maa ka ti Dugma daa zaŋŋi u wurilim piinisuma, an galisi nti yakki la, n‑ti ma; ka ti ma yɛdda ni wurilim din bɛ Yisa Masiiya ni la.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.