ƐFƐSUSI DIMA 2:3 - Mampruli

³ Halli tirim zaa gba daa bɛ la ban puuni sahaseaa, n‑tumni la ti tumbeeri beesigu ŋɔn daa boori seem, n‑dɔli ka boorimma ni ka teesa. Hoo banla, duniya wa ala'akyi dima n daa nyɛ ti gba. Sɛseelli daa bu sumni ti, na'ala Naawunni sugyeaa ni tubdarigri.

ƐFƐSUSI DIMA 2:3 Iomraidhean Croise

MAAKI 4:19

ka naa n‑zaŋŋi duniya wa yɛla m‑mugsi ba mansi, ni bundaantirigu ni sufuyuubu yɛla n yi ti ta'ai ka ba ku toaai n‑wumni yɛligu maa, dizugu ka Naawunni yɛligu bu toaai m‑bunni ba sufu ni nti zoaai na n‑wanni tunsuma wala.

GYƆNI 1:13

Di pa la kaman ninsaala ŋɔn dɔ'ari biisi seem, pa ningbiŋŋu kɔrisi zugu, bee, dɔsɔ yuubu zugu, amaa ba dɔ'am yi la Naawunni mammaŋŋa saani na.

GYƆNI 8:44

Ya nyɛ la ya ba Sintaani biisi, ka ya dɔli la ya ba maa sufu yuubu ŋɔn boori seem zaasa. Piiligu ni sa u daa pun nyɛ la ninvugkuura, ka daa na zi n‑labi yɛlimaŋni ya'ari na, dama yɛlimaŋni ka u ni. U naaŋŋu pun nyɛ u ma'ai ziri, dama ŋɔna n‑nyɛ ziridima zaa ba.

TUUMUDIMA TUMA 14:16

Saha din gaari sa halli ni zuna, u daa kyɛ ka sɔkam zaa niŋi la u sufu yuubu ŋɔn nyɛ seem,

ROOM DIMA 1:24

Lala zugu ka Naawunni daa zaŋŋi ba m‑basi ba halibeoo tunfiisa maa puuni, ka ba naayi tumni din bu tu n‑sa'amni taaba ningbina.

ROOM DIMA 11:30

Yarima daa bu wum n‑ti Naawunni, amaa ka yi nya u namboo pampaŋŋɔa, ka di nyɛ la ban ŋɔn bu sakkri Naawunni wumpu zugu.

ROOM DIMA 13:14

ka zaŋŋi ti Dugma Yisa Kirisita Masiiya n‑niŋi ya beesigu ni, hoo nira ŋɔn yi yɛ u sutura seem la. Ka yan di dɔli ya ningbinkɔrisi yuubu tumbeeri maa, halli beela.

ROOM DIMA 2:14

Yɛlimaŋni, di pa seem ban pa Izraɛli dima la - ban ka Musa zaaligu maa - ba ninvugseeba yi tumni din tu n‑dɔli zaaligu maa soori, ba maŋtoori sufu ni teesisuma zugu: di yi bɛ la lala, halli ni ban ka Musa zaaligu maa zaa, ba siri zaali la zaalimaŋni n‑ti ba mansi.

ROOM DIMA 5:10

Dama tin daa nyɛ Naawunni dindaandima sahanseaa la, u Bii Yisa kum maa zugu daa kyɛ ka Naawunni deaai ti taalli sindaani maa. Di zugu ti mi halli, ni, Yisa nyɔvuri zugu nin kyɛ ka ti nya tuliginsim.

ROOM DIMA 5:9

Tɔ, ka di yi bɛ lala maa, ka Naawunni pun deaai ti, ni, yɛlimaŋni dima, Yisa Masiiya ziim maa zugu, dinŋɔna ti mi halli, ni, ŋɔn Yisa zugu ka ti nin laa n‑yi Naawunni sugyeaa ni gba.

ROOM DIMA 6:12

Ya ningbina nyɛ la seesi an kpiira, ka di zugu yan di kyɛ ka Tumbeoo su a fukumsi nti kyɛ ka a dɔli Tumbeoo kɔribeeri yɛla.

ROOM DIMA 7:18

M mi, ni, bunsunseelli ka m beesigu ni, halli beela - di nyɛ la n duniya wa ni ningbina la ni beesigu ni. M boori tunsuma tumpu, amaa n kɔŋŋi la a tumpu.

ROOM DIMA 9:22

Di bu ya'ai ka Naawunni yi boori u ti wulisi u yiiko, ni u sugyeaa, ŋɔn bɛ seem. Ka dizugu u daa niŋi sugru pam n‑tiri ninvugseeba ban ŋmanni la da'ari tuma laasi, seesi ban daa maali ni a ti sa'am m‑basi, ŋɔn Naawunni sugyeaa zugu.

I KƆRINTI DIMA 4:7

Bɔ n wulisi, ni, ya wɔligiya ni ka kyɛ ya taaba? Bɔ ka ya mara, di yi pa la ya daa deaai ka la piini? Ka ya yi deaai piini maa, bɔ n kyɛ ka ya nyuuri bara, hoo yan bu deaai di zaa?

II KƆRINTI DIMA 7:1

Tɔ, m mabiwutta, ba pun basi nangbambasiri wa n‑ti ti na, ka di zugu ya kyɛ ka ti leebi Naawunni niriba kasikasi. Ka kyɛ ka da'ari ka ti ni, ti ningbina ni ti siisi zaa; ka laa n‑zɔri Naawunni, ni u ti su ti beesigu yɛla zaa.

GALƐSEAA DIMA 3:22

Amaa Litaafi yɛliya, ni, duniya wa zaa bɛ la ala'akyi tumbeeri yiiko suulinsi puuni; ka dizugu kyɛ ka piiniseesi an bɛ nangbambasiri maa puuni, zaŋŋi n‑kpa yɛdda zugu la, nin nyɛ la ninvugseeba ban mari yɛdda la dina.

ƐFƐSUSI DIMA 2:2

Anŋɔ zaa puuni ka ya daa bɛ ni, yan daa dɔli duniya wa yɛla soori maa, n‑gyeemni Sibɛsɔ ŋɔn su saazugu ni pɛsigu fukumsi. Pampaŋŋɔ ka ŋɔna na tumni ban bu wumni Naawunni noori la sufu ni.

ƐFƐSUSI DIMA 4:22

Ba daa wulisi ya, ni, yan daa nyɛ ninvugseeba sahanseaa la, lala niriba daa bɛ la baasiyɔri soori ni, kɔribeeri ni yɔmsa zugu; ni, ya zaŋŋma lala ninvugkura beesigu maa m‑basi.

KƆLOOSIDIMA 1:21

Yarim muna, sahanseaa la ya gba daa za'asi Naawunni yɛla ka yaai u, ka di daa nyɛ la ya teesibeeri ni ya tumbeeri zugu.

I TƐSALƆNIKA DIMA 4:13

Ti mabiisi, ti bu boori ni ya bɛ ziilinsi ni zaŋŋi n‑kyaŋŋi ninvugseeba ban gbisiri kum ni la yɛla, ka di nin kyɛ ka ya ku fabinna ban kpi la zugu hoo ban ka tama ŋɔn niŋni seem la.

I TƐSALƆNIKA DIMA 5:6

Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa.

I TIMƆTI 6:9

Ninvugseeba ban sufu kur boori ni ba leebi bundaandima maa pun zaŋŋi ba mansi n‑kpeesi zamsigu ni, hoo kyɛ'ariga ni. Ba laa n‑zaŋŋni ba mansi n‑kpeesiri la gyɛrilim ni, ni kɔriseesi an lusiri daadam ka basiri ba yɔri.

TAITUUSI 3:3

Tirima mun gba daa zi Naawunni yɛla. Ka ti daa niŋni gyɛrilim, ka daa dɔli ti mammaŋŋa sufu yuubu ni kɔribeeri, ka burigri n‑yi sɔsuŋŋu ni. Ti daa za'asi ŋɔn Naawunni yɛligu ka daa sa'amni ti taaba yuya ka laa n‑zabri ba nyuuri. Ka niriba daa yaai ti, ka ti mun gba daa bu boori ba yɛla.

I PIITA 1:14

Ya n nyɛ ban deaai Naawunni noori la hoo u bisuma, ka di zugu yan di kyɛ ka kɔrisi su ya sufu yɛla, hoo din daa niŋi yan daa na zi sɛseela sahanseaa la seem maa.

II PIITA 2:14

Ba nini kur gɔsiri niriba pɔ'aba ka boori ba; ba dɔli la tumbeeri nimbirimoaa. Ba bɛtti ba yɛla hoo kyɛ'ariga ni ba ti gbaasi ninvugseeba ban bu zɛ yummu. Ba moori ni ba ti bamsi tumbeeri sɔya zaa an nyɛ seem. Mbusu bɛ ba zugu!

II PIITA 2:18

Ba tɔ'asiri la karimbaani yɛttɔ'aseesi an mari gyɛrilim. Ka ba zaŋŋni ba ningbinkɔrisi tuma n‑yɔmsiri niriba - ninvugseeba ban na yi ziri yɛla ni n‑niŋni tuuba ka di bu yuui.

I GYƆNI 2:16

Dama bunseelli kam kan bɛ duniya wa ni, hoo ningbinkɔrisi ni bunveela zaa ti nini ŋɔn nya ka boora, ni saalidima ŋɔn gyeemni bunseelli zaa - anŋɔ zaa bu yi la ti Ba Naawunni saani na, amaa duniya buna n nyɛ a, ka yi la duniya wa ni na.

I GYƆNI 2:8

Halli zaalipaalli n nyɛ ka gba, ka n tiri ya; dama ka nyɛ la yɛlimaŋni Yisa Masiiya zugu, ni yɛlimaŋni yarima saani gba. Ka nin kpalim m‑bɛ lala n‑tiri ya gba; dama zibsim la viiri ni, ka yɛlimaŋni neesim neaara.