ƐFƐSUSI DIMA 2:2 - Mampruli

² Anŋɔ zaa puuni ka ya daa bɛ ni, yan daa dɔli duniya wa yɛla soori maa, n‑gyeemni Sibɛsɔ ŋɔn su saazugu ni pɛsigu fukumsi. Pampaŋŋɔ ka ŋɔna na tumni ban bu wumni Naawunni noori la sufu ni.

ƐFƐSUSI DIMA 2:2 Iomraidhean Croise

MATIYU 11:19

Ka man mun Ninsaala Bii ti kyɛ na ka man ni niriba la'amni n‑dira ka nyuura, ka ya yɛli, ni, ‘Ya bu nya doo wa ŋɔn nyɛ beem daana ni danyuura seem? - ka u laa n‑lɔ zoori ni lampodeaariba ni ala'akyi daandima.’ Amaa Naawunni yam tumni n‑wulisiri kamaŋŋa yɛla.”

MATIYU 13:22

Ninvugsɔ ŋɔn ŋmanni bumbura an lu goosi ni la n nyɛ sɔ ŋɔn yi wum yɛligu maa pɔi, ka laa n‑zaŋŋi duniya wa yɛla m‑mugsi u maŋŋa, ni bundaantirigu yɛla gba; ka dizugu ka Naawunni yɛligu bu toaai m‑bunni u sufu ni nti zoaai na n‑wanni tunsuma wala.

MATIYU 13:38

Puu maa n nyɛ duniya wa, ka bumbulisuma maa n nyɛ ninvugseeba ban su naam maa beebu soori, niimbɛŋni bumbulibeeri mun n nyɛ ninvugseeba ban bɛ Yɛlibeeri Daana la suulinsi ni.

MAAKI 4:19

ka naa n‑zaŋŋi duniya wa yɛla m‑mugsi ba mansi, ni bundaantirigu ni sufuyuubu yɛla n yi ti ta'ai ka ba ku toaai n‑wumni yɛligu maa, dizugu ka Naawunni yɛligu bu toaai m‑bunni ba sufu ni nti zoaai na n‑wanni tunsuma wala.

LUUKI 16:8

Ka u daana ŋɔn daa baŋŋi tumbeeri daana wa ŋɔn niŋi seem wa, u daa yɛli, ‘Wooy! U mari la yɛm pam!’ Dama duniya wa ninvugbeeri mari la yɛm zaŋŋi n‑kyaŋŋi ba duniya wa yɛla n‑gaari ban dɔli neesim soori maa ŋɔn mari seem.”

LUUKI 22:31

Ni, “Nyin Saimoon, nyama! Sintaani boori ni u zamsi ya hoo ban yeeli kyi n‑nya kasuma seem la.

GYƆNI 12:31

Pampaŋŋɔ ka ba katti duniya wa sariya. Ka ŋɔn su duniya wa fukumsi la muna - ba nin lusi u n‑kari m‑basi kpaŋŋa sa.

GYƆNI 13:2

Di saha ka Sintaani daa kpɛ Gyuudasi sufu ni, ŋɔn Saimoon Isikariyɔti bii la, ni u ti kyɛ ka u zaŋŋi u sufu ni teesibeeri n‑gbaai Yisa figsigu la. U daa pun niŋi lala pɔi, ka ba naayi la'am ni ba ti di.

GYƆNI 13:27

Ka Gyuudasi ŋɔn daa deaai diibu la n‑naai, di saha ka Sintaani daa kpɛ u sufu ni. Ka Yisa yɛli u, “Nyin ŋɔn ya tum seelli maa, tumma yooma!”

GYƆNI 14:30

N ku laa n‑toaai n‑tɔ'asiri n‑tiri ya, bee, n‑diri azama, ka di ti yuui, dama ŋɔn su duniya wa fukumsi la kyɛnni na. U bu su la mani,

GYƆNI 15:19

Ya yi da nyɛ la duniya wa maŋtoori niriba, duniya wa da naa m‑boori ya yɛla; amaa yan pa duniya wa niriba zugu, man ŋɔn gamsi ya n‑yiisi duniya wa yɛla ni zugu, lala ka duniya wa yaai ya.

GYƆNI 16:11

u nin laa n‑wulisi, ni, ba nin ti nya sariya karibu ni yɛlimaŋni, dama ba pun kari duniya wa Daana maa sariya n‑lusi u.

GYƆNI 7:7

Duniya maa ku toaai n‑yaai ya; amaa man mun ka duniya maa yaai, dama man yi yɛtti ka, ni, ka sɔya bu veeli maa.

GYƆNI 8:23

Ka Yisa daa laa n‑yɛli ba, ni, “Ya nyɛ la tiŋni wa dima, amaa man yi la saazugu sa na. Yarima yi la duniya wa ni na, amaa man mun bu yi duniya wa ni na.

GYƆNI 8:44

Ya nyɛ la ya ba Sintaani biisi, ka ya dɔli la ya ba maa sufu yuubu ŋɔn boori seem zaasa. Piiligu ni sa u daa pun nyɛ la ninvugkuura, ka daa na zi n‑labi yɛlimaŋni ya'ari na, dama yɛlimaŋni ka u ni. U naaŋŋu pun nyɛ u ma'ai ziri, dama ŋɔna n‑nyɛ ziridima zaa ba.

TUUMUDIMA TUMA 19:35

Di nyaaŋŋa ka tiŋŋa maa Sakatiri daa naayi kyɛ ka ba sini ba vuuri, ka yɛli, ni, “Ya Ɛfɛsusi dima, wumma! Ɛfɛsusi tiŋŋa wa puuni ka ti guri la Atɛmisa yiikodaana, ni u gyeeŋŋu duu maa, ni u ba'akugri kan daa yi arizana n‑sigi na la. Duniya wa zaa puuni, ninvugsɔ m bɛ ni ŋɔn bu baŋŋi lala? Ay! - sɔ ka ni.

TUUMUDIMA TUMA 5:3

Ka Piita daa yɛli, “Ananayasi! Wula ka Sintaani paali i sufu ni, halli ka i ma'ai ziri n‑ti Sii Kasi maa, ka zaŋŋi la'aseesi nyin daa deaai i tingbanni zugu maa n‑yiisi aseesi n‑sɔ'ai m‑mara?

ROOM DIMA 12:2

Yan di kyɛ ka duniya wa dima beesigu mugsi ya, ni ya gba bɛ la lala; amaa ya kyɛ ka ya beesigu takki n‑dɔli ya nini ŋɔn neaai n‑nya sɔpaalli la. Ya tumma Naawunni yuubu tuma nti baŋŋi a gbinni, ni, a veela ka laa n‑nyɛ bunsuma zaa ka Naawunni nini n tigri a.

I KƆRINTI DIMA 5:10

Tɔ - pa la duniya wa niriba ban tumni zina la yɛla ka n daa tɔ'asi, bee, beem dima, bee, ban yɔmsiri n‑faari niriba, halli baseeba ban gyeemni buga la gba: di yi da nyɛ la lala, ya naa n‑yi la duniya wa ni zaa.

I KƆRINTI DIMA 6:11

Ya seeba mun daa bɛ la lala. Amaa ya daa nya koom suubu; ba daa kyɛ ka ya leebi Naawunni niriba kasikasi; ba daa deaai ya, ni, yɛlimaŋni dima, ti Dugma Yisa Kirisita Masiiya yuuri zugu, ni ti Ba Naawunni Vuusim Kasi la saani.

II KƆRINTI DIMA 4:4

Dama Sintaani n kyɛ ka duniya wa dima nya u n‑gyeemni u, ni, ba Naawunni. U siri kyɛ ka ban ka yɛdda la sufu zoomna, ka bu nyari neesimaŋni: lala neesim maa mun yi la lahabasuŋŋu mooligu ni na - lahabaari zaŋŋi n‑kyaŋŋi Kirisita gyirima, ka ŋɔn Kirisita mun ŋmani la Naawunni deede.

GALƐSEAA DIMA 1:4

Din yɛ n‑kyɛ ka ti tuligi n‑yi zuna tumbeeri sahabeoo puuni nŋɔa#:- ŋɔn Yisa Kirisita daa zaŋŋi u maŋŋa n‑tisi, ti tumbeeri zugu; ka di daa dɔli ti Ba Naawunni ŋɔn daa boori seem.

ƐFƐSUSI DIMA 1:21

Ka di gaari naam zaa, ni yiiko zaa, ni kpamma ni gɔmnanti zaa fukumsi marigu. Yuseaa ka ni ka ba putti sɔ n‑gaari ŋɔn Yisa yuuri; ka di pa la beesigu kanŋɔ ni kɔkɔa, amaa ni kan na ya kyɛ na la ni gba.

ƐFƐSUSI DIMA 2:11

Ya teaama, ni, sahanseaa sa ya daa pa la Naawunni niriba, ka ninvugseeba ban boonni ba mansi, ni, ‘gunibu dima’ daa tuuri ya, ni, ‘yɔkɔla dima’. Ya ningbiŋŋu yɛla n‑daa la, hoo ba gunibu la gba nyɛ la ninsaala nuusi ŋɔn guni ba seem la.

ƐFƐSUSI DIMA 2:13

Ya siri daa wa'a ni Naawunni, amaa pampaŋŋɔ ya bɛ la Kirisita Yisa puuni, pampaŋŋɔ ya yi pɔtti Naawunni saani na, ŋɔn Masiiya ziim maa zugu.

ƐFƐSUSI DIMA 2:3

Halli tirim zaa gba daa bɛ la ban puuni sahaseaa, n‑tumni la ti tumbeeri beesigu ŋɔn daa boori seem, n‑dɔli ka boorimma ni ka teesa. Hoo banla, duniya wa ala'akyi dima n daa nyɛ ti gba. Sɛseelli daa bu sumni ti, na'ala Naawunni sugyeaa ni tubdarigri.

ƐFƐSUSI DIMA 4:17

N yɛtti ya la nŋɔa#:- n kukɔri ka n yɛtti ni, Naawunni zugu, ni, yan di kyɛ ka ya beesigu na bɛ la hoo ban bu mi Naawunni la ŋɔn bɛ seem, ba sufu ni teesiyɔya ziilinsi zugu.

ƐFƐSUSI DIMA 4:22

Ba daa wulisi ya, ni, yan daa nyɛ ninvugseeba sahanseaa la, lala niriba daa bɛ la baasiyɔri soori ni, kɔribeeri ni yɔmsa zugu; ni, ya zaŋŋma lala ninvugkura beesigu maa m‑basi.

ƐFƐSUSI DIMA 5:6

Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la.

ƐFƐSUSI DIMA 5:8

Dama ya daa bɛ la zibsim ni saha din gaari la, amaa pampaŋŋɔ ya yi bɛ la ti Dugma neesim ni. Ya kyɛ ka ya beesigu nyɛ la neesim dima dinni.

ƐFƐSUSI DIMA 6:12

Dama ti bu moori ni ninsaalidima, amaa saazugu yiiko dima ka ti zabra, ni saazugu naam dima, ni seeba ban su duniya wa fukumsi ka bɛ la zibsim ni la - halli siseeba ban bɛ saazugu m‑mari yɛlibeeri yiiko la zaasa.

KƆLOOSIDIMA 1:21

Yarim muna, sahanseaa la ya gba daa za'asi Naawunni yɛla ka yaai u, ka di daa nyɛ la ya teesibeeri ni ya tumbeeri zugu.

II TIMƆTI 4:10

Dama ba zaa bakki ka kyɛ ma: Diimasi daa kyaŋŋi Tɛsalɔnika, ŋɔn wuri duniya wa buna zugu; Karɛseensi mun daa kyaŋŋi Galɛseaa, ka Taituusi kyaŋŋi Dalimɛseaa.

GYEEMSI 1:27

Ti Ba Naawunni ŋɔn sakki sɔseaa, ni, kana n nyɛ bunkasi ka ka lasim nŋɔa#:- ni, ti gɔsim kpibisi ni pukɔya ba wahala ni n‑suŋŋi ba, ka kyɛ ka ti duniya wa yɛla di sa'am ti.

GYEEMSI 1:7

Di daama di teesiri, ni, u nin nya bunseelli ti Dugma saani.

GYEEMSI 4:4

Ya za'asiri Naawunni yɛdda niŋbu hoo pɔ'agoorli ŋɔn za'asiri u sira seem. Ammi, ya bu mi, ni, duniya wa zoori loobu nyɛ la Naawunni dimni? N yɛliya, ni, sɔkam zaa ŋɔn boori duniya wa zoori, ŋɔna n leebi Naawunni dindaana.

I PIITA 1:14

Ya n nyɛ ban deaai Naawunni noori la hoo u bisuma, ka di zugu yan di kyɛ ka kɔrisi su ya sufu yɛla, hoo din daa niŋi yan daa na zi sɛseela sahanseaa la seem maa.

I PIITA 4:3

Ya daa yuui pam, dabsa an gaari la, ka ya beesigu daa ŋmani la hoo ban bu mi Naawunni beesigu la, m‑bɛ ni ya yuubu zugu, m‑mari ningbiŋŋu kɔribeeri, n‑nyuuri daam, n‑deemni deenyɔya, ka gyeemni ba'ayuya an bu dɔli soori.

II PIITA 2:14

Ba nini kur gɔsiri niriba pɔ'aba ka boori ba; ba dɔli la tumbeeri nimbirimoaa. Ba bɛtti ba yɛla hoo kyɛ'ariga ni ba ti gbaasi ninvugseeba ban bu zɛ yummu. Ba moori ni ba ti bamsi tumbeeri sɔya zaa an nyɛ seem. Mbusu bɛ ba zugu!

I GYƆNI 3:10

Dinŋɔ n kyɛ ka ti baŋŋi ban nyɛ Naawunni biisi ni Sintaani biisi: ni, ŋɔn tumni din bu tuusi zaa pa Naawunni biiya, ka ŋɔn bu wuri u taraana gba pa Naawunni biiya.

I GYƆNI 3:8

Ŋɔn mun kpalim n‑tumni taalli tuma nyɛ la Sintaani nira, dama ŋɔn Sintaani kur tumni la taalli zaŋŋi n‑yi piiligu ni sa na. Lala zugu ka Naawunni Bii maa daa yi na; u daa kyɛ na nti sa'am ŋɔn Sintaani tuma maa.

I GYƆNI 4:4

M biisi, yarima ŋɔna - Naawunni n su ya; ya mun nyaŋŋi ziri anabidima wa, dama ŋɔn bɛ ya saani maa mari yiiko n‑gaari ŋɔn bɛ duniya wa dima saani maa.

I GYƆNI 5:19

Ti laa m‑mi, ni, Naawunni n su ti yɛla, ka duniya wa zaa mun bɛ la ŋɔn su tumbeeri fukumsi maa nuusi ni.

I GYƆNI 5:4

dama Naawunni bii zaa nyaŋŋni la duniya wa. Ka lala nyaŋŋni din nyaŋŋi duniya wa nyɛ la bɔa? - Ti yɛdda niŋbu nla.

KASIGRI 12:9

Ba daa tɔ Nyɛbkarigu wa m‑basi tiŋŋa; ŋɔna n nyɛ kurilim ni sa Waafu la, ban boonni sɔ ‘Yibrisi’, bee ‘Sintaani’ la, ka u yɔmsiri la duniya wa zaa. Ba daa tɔ u m‑basi na, ŋɔna ni u malaakadima zaa.

KASIGRI 13:14

Ka makkri seesi ŋɔn nya yiiko n‑tumni n‑tiri daŋŋni bunkɔbgu la, ana n daa yɔmsiri duniya dima. Ka u yɛli ba, ni, ba maalim bunni ka ka ŋmanni bunkɔbgu la, bunkɔbsɔ ŋɔn daa nya takoobi daŋŋa ka laa n‑neaai maa.

KASIGRI 13:8

Ka sɔkam ŋɔn bɛ duniya tingbaŋŋu zugu zaa nin gyeemni u, ŋɔnkam yuuri bu sɔbi n‑dooli nyɔvuri bukku maa ni; lala bukku ka Pɛbila maa mara, Pɛbilisɔ ban daa kɔrigi duniya piiligu ni halli ni zuna.

KASIGRI 16:17

Ka malaakasɔ ŋɔn pa buyɔpɔi zugu maa daa zaŋŋi u laa la n‑kpaai m‑basi pɛsigu maa ni. Di saha ka kukɔri daa tasi pampam n‑yiiri Gyeeŋŋu Duu maa ni na, naam zizii la saani, n‑yɛli, ni, “Di naaya!”

KASIGRI 20:2

U daa gbaai Nyɛbga maa n‑lɔ u, ni u yuui lala n‑niŋi yuuntusiri; kurilim ni sa Waafu nla, ban boonni sɔ ‘Yibrisi’, bee, ‘Sintaani’ la.