ƐFƐSUSI DIMA 1:9 - Mampruli

⁹ U daa laa n‑wulisi u yuubu yɛla m‑paasi, nti kyɛ ka ti baŋŋi a yɛlisɔ'ara zaŋŋi n‑kyaŋŋi u beesisuŋŋu la. Yɛla wa zaa ka u daŋŋi n‑zaŋŋi n‑dɔlisi Kirisita,

ƐFƐSUSI DIMA 1:9 Iomraidhean Croise

MATIYU 13:11

Ka u daa labsi n‑yɛli ba, ni, “Dama Naawunni siri ti yarima soori ni ya baŋŋi u naam yɛlisɔ'ara ŋɔn nyɛ seem, amaa ban kpalim la ku nya lala soori.

LUUKI 12:32

Ni, “Yarima n bibisi wa, yan di kyɛ ka dabeem mari ya, dama ti Dugma Naawunni yuubu nyɛ la ni u zaŋŋi u naam maa beebu n‑ti ya.

LUUKI 2:14

“Naawunni ŋɔn bɛ saazugu mari gyirima pam, Ka daadam ban bɛ duniya wa ni nya sufudoaa ni nangbanyinni, Naawunni ŋɔn wuri ba zugu!”

TUUMUDIMA TUMA 13:48

Ka ninvugseeba ban pa Yɛhudiyadima la ban daa ti wum lala, ba mari la sufupeelli pam m‑pɛ'ari ti Dugma yɛligu maa. Ka ba seeba daa nyɛ seeba ban ya n‑nya nyɔvuri kan ka naari, ka daa niŋi Yisa yɛdda di zugu.

TUUMUDIMA TUMA 2:23

Ka di zaa nyaaŋŋa di daa niŋi hoo Naawunni ŋɔn daa pun teesi n‑zaali seem la; ka ba daa zaŋŋi ŋɔn Yisa n‑niŋi ya nuu ni, ka ya mun daa deaai u n‑tisi ninvugbeeri ka ba daa kpaasi u n‑tabli dɔpulli zugu n‑ku u.

TUUMUDIMA TUMA 4:28

Ba daa tum seela zaa nyin, Naawunni, ŋɔn daa pun teesi n‑zaali seem maa.

ROOM DIMA 11:25

M mabiisi, yɛlisɔ'ara nŋɔa, amaa m bu boori ni ya kɔŋŋi a bamsim, ka naayi zaŋŋi ya toori yɛm m‑boori a gbinni. Kulla Izraɛli dimseeba daa mari zugkpeeŋŋu ni tuppuwumni, see ka ban pa Izraɛli dima ti kpɛ na ka ba kaalli maa ti paai.

ROOM DIMA 8:28

Ti mi halli, ni, seelli kam zaa ni, Naawunni suŋŋni la ninvugseeba ban wuri u maa - di nyɛ la: baseeba ŋɔn Naawunni ŋɔn daa daŋŋi m‑pii maa, u yuubu la zugu.

I KƆRINTI DIMA 1:21

Naawunni mammaŋŋa yɛm zugu daa kyɛ ka duniya wa dima daa zaŋŋi ba toori yɛm ni ba ti baŋŋi u yɛla n‑kɔŋŋi. Ka u sufu yuubu zugu ka baseeba ban wum lahabaari mooligu din ŋmani hoo gyɛrilim la n‑niŋi yɛdda la muna - ban nyari fa-m‑basi.

GALƐSEAA DIMA 1:12

N daa bu deaai ka sɔsɔ saani, bee, sɔ n daa zaŋŋi ka n‑wulisi ma. Di daa nyɛ la Yisa Masiiya mammaŋŋa ŋɔn daa kasigi ka n‑ti ma.

GALƐSEAA DIMA 1:15

Amaa Naawunni piinisuma zugu, u daa pun yiisi mani pɔi ka ba daa naayi dɔ'ai ma, ka daa ti booli ma ni n tum n‑ti u. Ka sahanseaa ŋɔn daa yi ti boori maa,

GALƐSEAA DIMA 1:16

u daa kasigi u Bii n‑wulisi ma, din yɛ n‑kyɛ ka n moonni yɛttɔ'amaŋa maa lahabaari n‑tisi ban pa Yɛhudiyadima maa. Lala saha maa n daa bu kyaŋŋi ninsaalisɔ saani nti deaai noori kpaaŋŋu,

ƐFƐSUSI DIMA 1:11

Tɔ: ŋɔn Yisa saani ka ba daa yiisi ti gba, hoo Naawunni ŋɔn daa pun zaali di seem la. Dama u maanni la bunseelikam ni di dɔli u sufu yuubu ŋɔn boori seem.

ƐFƐSUSI DIMA 1:8

Halli u daa ti ti lala piini maa zaa, ka laa n‑ti ti bamsim ni miilinsi zaa.

ƐFƐSUSI DIMA 3:11

Di zaa nyɛ la hoo ŋɔn Naawunni ŋɔn daa pun gbaai seem, ka ti Dugma Yisa Kirisita puuni ka u lala sufuyuubu yɛla yiiri paalu na.

I TIMƆTI 3:16

Sɔ ku toaai n‑kyiisi, ni, ti Naawunni soori yɛlisɔ'ara wa bu galisi. Dina n nyɛ, ni#:- “U daa leebi ninsaala n‑yi paalu, Naawunni Sii Kasi mun daa zɛ u nyaaŋŋa: Malaakadima gba daa nya u. Ba daa mooli u yɛla n‑tiri bura kam zaa, Ka niriba daa niŋi u yɛdda duniya wa ni. Naawunni daa ti duusi u saazugu N‑taasi gyirima zaa ziiya arizana ni.”

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.