ƐFƐSUSI DIMA 1:6 - Mampruli

⁶ Lala zugu ka pɛ'abu zaa sum la ni ŋɔna, ŋɔn daa zaŋŋi u gyirima piini n‑ti ti la zugu, ka daa niŋi lala u Bii maa saani, dama u wuri la u Bii maa pam.

ƐFƐSUSI DIMA 1:6 Iomraidhean Croise

MATIYU 17:5

Ka Piita noori ŋɔn na bu lu tiŋŋa, sangbampeelli daa ligi ba na, ka kukɔri daa tɔ'asiri sangbaŋŋu maa ni n‑yɛtti, ni, “M bii maa nŋɔa, ka n wuri u: n nini tigi u pam: ya wumma u yɛligu!”

MATIYU 20:9

Ka dizugu baseeba ban daa kyaŋŋi kurigu anu saha la daa kyɛ na nti deaai dabsimunni tuma ligri.

MATIYU 3:17

Ka ba daa wum Naawunni kukɔri saazugu na, n‑yɛtti, ni, “M bii nŋɔa, ka n wuri u ni pam. N nini n tigi u.”

LUUKI 2:14

“Naawunni ŋɔn bɛ saazugu mari gyirima pam, Ka daadam ban bɛ duniya wa ni nya sufudoaa ni nangbanyinni, Naawunni ŋɔn wuri ba zugu!”

GYƆNI 10:17

Lala zugu ka m Ba wuri ma, dama n sakki ni n zaŋŋi n nyɔvuri n‑dooli, ni n ti deaai di yaasa.

GYƆNI 3:35

Naawunni Bii maa muna - u Ba siri wuri u, ka zaŋŋi bunseelikam n‑niŋi u nuu ni.

ROOM DIMA 8:1

Dinŋɔna ba ku laa n‑toaai n‑kari Kirisita Yisa niriba sariya n‑lusi ba, halli beela.

II KƆRINTI DIMA 4:15

Anŋɔ zaa nyɛ la yarima anfaani zugu; di gbinni nyɛ la: ni, niriba pam ŋɔn deaari Naawunni piinisuma an zoaai nti yakki la, ba nin puusi Naawunni pampam di zugu, ka Naawunni gyirima ti paasira.

II KƆRINTI DIMA 5:21

Ŋɔn Kirisita mun daa ka bumbɛseelli u ni, ka Naawunni daa zaŋŋi u n‑kyɛ ka u ti leebi bumbeoo, ka di daa nyɛ la tirima zugu. Lala ka u daa kyɛ ka tirim tumbeeri dima wa ti leebi yɛlimaŋni dima n‑ti ŋɔn Naawunni.

ƐFƐSUSI DIMA 1:12

Ka di nin kyɛ ka tirima nin leebi hoo pɛ'abu ni gyirima n‑ti u - tirim ban daŋŋi m‑mari tama Kirisita saani la.

ƐFƐSUSI DIMA 1:14

Lala Sii Kasi maa bɛ la ti saani n‑wulisiri, ni, u nin kyɛ ka ti di faari; ni, u nin kyɛ ka ba yɔ ti samni n‑fa ti m‑basi; ni, u nin kyɛ ka ti yɛla kyɛ ka pɛ'abu bɛ ni n‑tiri Naawunni.

ƐFƐSUSI DIMA 1:18

Ka n laa n‑susiri, ni, ya sufu nin nya ninneesim ka ya baŋŋi tama seaa zugu ŋɔn booli ya la, ka ya laa m‑baŋŋi ya faari ŋɔn ya zoaai seem m‑mari gyirima la, n‑tiri yaseeba ban nyɛ ŋɔn Naawunni dina maa.

ƐFƐSUSI DIMA 2:7

U niŋi lala ni di ti kyɛ ka yuuma an kyɛnni na la dima nin ti baŋŋi u piiniseesi an ka taabu la yɛla, ni, ŋɔn zɔ ti namboo seem, Kirisita Yisa zugu.

FILIPAAI DIMA 1:11

Di saha ka yɛlimaŋni tuma zaa nin paali ya, ka a taabu yi la Yisa Kirisita kɔkɔ saani na: di nin kyɛ ka pɛ'abu ni tibsim ti bɛ ni n‑tiri Naawunni.

FILIPAAI DIMA 3:9

ka n laa n‑kpalim m‑bɛ u saani. Ka di pa ni m mari m maŋtoori yɛlimaŋni din yi la n zaaligu soori dɔligu ni na; ay! - n yɛlimaŋni beebu ni kur yi la n Kirisita yɛdda niŋbu ni na. Naawunni saani yɛlimaŋni n nyɛ di, yɛdda niŋbu zugu.

FILIPAAI DIMA 4:19

M Ba Naawunni mari la buna ni arizikki zaa, ka a bɛ la Kirisita Yisa gyirima ziiya, ka u nin zaŋŋi yan boori seelikam zaa n‑ti ya.

KƆLOOSIDIMA 1:13

Ii! - u siri daa pun yiisi ti zibsim yiiko ni na, ka zaŋŋi ti n‑taasi u Biwuttigu naam ni na.

I PIITA 2:5

Ka yarima gba ŋmani la u kuga, ka ya gba n nyɛ seeba ban nɛa. Ba zaŋŋni ya m‑meeri Sii Kasi Gyeeŋŋu Yiri. Ka ya laa n‑nyɛ u gyeeŋŋu toondaandima la, ka mari maaligu na - bunkasiseesi ban maali n‑tiri Naawunni ka u sakki n‑deaari a la, Yisa Kirisita zugu.

I PIITA 2:9

Yarima gba ka ba daa sɔbi ya yɛla, ni, ‘zuliyaseaa ban yiisi maa, naam gyeeŋŋu toondaandima, Naawunni niriba butiri, ban daa yiisi ninvugseeba n‑zaali kpaŋŋa n‑ti Naawunni ni ba ti mooli Naawunni gyirima yɛla’ - dama ŋɔn Naawunni daa booli ya n‑yiisi ya zibsim ni, ni ya ti kpɛ u alahazibu neesim ni la.

I PIITA 4:11

Dinŋɔna ŋɔn tɔ'asiri yɛttɔ'a, ŋɔn tɔ'asim Naawunni ŋɔn zaŋŋi yɛttɔ'aseesi n‑ti u la; ka ŋɔn tumni n‑suŋŋni niriba, ŋɔn zaŋŋma yaseaa Naawunni ŋɔn zaŋŋi n‑ti u la n‑tumna. Lala zugu ka Naawunni nin nya pɛ'abu Yisa Kirisita zugu, dama ŋɔn Yisa nyɛ yiiko daana ni gyirima daana, n‑su a ni, halli ni saha din ka naari. Ammi.