ƐFƐSUSI DIMA 1:4 - Mampruli

⁴ U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

ƐFƐSUSI DIMA 1:4 Iomraidhean Croise

MATIYU 24:22

Ka ba yi daa bu ŋmaai dabsa maa n‑gyiŋŋi, saalibii n daa ka ni n‑da naa n‑nya tiliginsim, amaa Naawunni ŋɔn daa yiisi seeba la zugu ka ba siri daa ŋmaai dabsa maa.

MATIYU 24:24

Seeba nin ti doaai na m‑ma'ari ziri, ni, ban n nyɛ Masiiya, bee, ban n nyɛ anabidima; ba nin tum alahazibu tunkara ni ba ti yɔmsi niriba m‑basi, halli ni Naawunni ŋɔn yiisi seeba maa gba, amaa Naawunni ku sakki lala.

MATIYU 24:31

Ka u nin ti kyɛ ka ba peebi kikaa pampam pɔi, ka u naayi tum u malaakadima maa ka ba yi na m‑paai duniya wa lugri kam zaa n‑nya ŋɔn yiisi seeba la, ka la'asi ba taaba na.”

MATIYU 25:34

Di saha maa ka Naa maa nin ti tɔ'asi n‑ti baseeba ban zɛ u nudirigu zii la n‑yɛli, ni, ‘Ya kyɛm na, yan zugsuŋŋu daandima wa, m Ba saani! Ya ti deaai naam maa, dama ba daa pun maali ka siri ni ka ti nyɛ ya dinni, halli duniya wa piiligu saha.

GYƆNI 10:16

Halli pɛseeba m bɛ ni n‑nyɛ n dina, amaa ka ba ka zampakka wa puuni. Faasee ka m mari ba na m‑paasi, ka ba nin ti wumni n kukɔri maa, ka ba zaa la'am m‑bɛ luginyinni ka ba pɛgura yinni kɔkɔ n su ba.

GYƆNI 15:16

Pa yarima n daa yiisi ma, amaa mani n daa yiisi ya, ka tum ya ni ya yima n‑wanni wala pam ka ya wala nin ti yuui. Ka lala zugu nin kyɛ ka ya yi boori seelli m Ba saani, man yuuri zugu, ŋɔn nin zaŋŋi n‑ti ya.

GYƆNI 17:24

M Ba, ninvugseeba nyin zaŋŋi n‑ti ma la - m boori ba bɛ n saani man ŋɔn bɛ seela zaa, ka ba nin nya n gyirima - nyin ŋɔn daa zaŋŋi gyirimaseaa n‑ti ma la. Ka di nin wulisiri, ni, i daa wuri ma pɔi ka daa naayi naam duniya wa.

TUUMUDIMA TUMA 13:48

Ka ninvugseeba ban pa Yɛhudiyadima la ban daa ti wum lala, ba mari la sufupeelli pam m‑pɛ'ari ti Dugma yɛligu maa. Ka ba seeba daa nyɛ seeba ban ya n‑nya nyɔvuri kan ka naari, ka daa niŋi Yisa yɛdda di zugu.

TUUMUDIMA TUMA 15:18

Sahaseaa an gaari sa ka ba daa pun baŋŋi lala.’ ”

TUUMUDIMA TUMA 18:10

Dama m bɛ i saani ka sɔ ku toaai n‑zabi n‑sa'am i yɛla. Nyama! - m mari n niriba pam tiŋŋa wa puuni.”

ROOM DIMA 8:33

Ŋɔni n lee n‑nya galinsi ni u ti tɔ'asi n‑galim Naawunni ninvuggamsa maa? - ay! sɔ ka ni. Dama Naawunni pun deaai ba, ni, yɛlimaŋni dima.

I KƆRINTI DIMA 1:8

U siri nin mari ya suŋŋa halli nti paai di tɔriga, ka ya nin zɛ yummu ti Dugma Yisa dabsiri daari maa ni, galinseelli ka ni.

GALƐSEAA DIMA 5:13

M mabiisi, yarima ŋɔna - ba daa booli ya yɔlisimma zii na, ka mugsigu zaa ka ya saani. Amaa yan di kyɛ ka mugsigu kaalinsi din bɛ ya saani wa leebi soori n‑ti ya, ka ningbina ni kɔribeeri ti deaai ya beebu zaasa. Amaa ya lee n‑kyɛ ka di nyɛ la wurilim zugu ka ya tumni n‑tiri taaba.

GALƐSEAA DIMA 5:22

Amaa Siiya Kasi beebu ni bɛ la hoo tiseaa kan wanni walisuma: wurilim, ni sufupeelim, ni sufudoaa n‑nyɛ a, m‑paasi sugru, ni nirilim, ni tunsuma tumpu, ni yɛdda niŋbu.

GALƐSEAA DIMA 5:6

Ka tin ni Yisa yi la'am n‑niŋi yinni, sɔ yi guni, bee, u bu guni, a zaa ka yaa halli beela; kulla yɛdda mara, din mun tumni wurilim zugu.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 3:17

Ka n laa n‑susiri, ni, Kirisita nin bɛ ya sufu ni la, ya yɛdda niŋbu zugu; ka lala nin kyɛ ka wurilim nin kyɛ ka ya zɛ yummu, hoo tiiya kan mari nya'asuma, bee duu kan mari nyeebkpeema.

ƐFƐSUSI DIMA 4:2

Ya bɛ baalimm n‑sigsi ya mansi, m‑mari sugru ni taaba, ka kyɛri taaba taalli wurilim zugu.

ƐFƐSUSI DIMA 5:2

Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

ƐFƐSUSI DIMA 5:27

Yaasa, u daa niŋi lala ni u ti zaŋŋi ba n‑ti u maŋŋa: ba nyɛ la hoo u maŋtoori pɔ'a, pɔ'aveelli ŋɔn ka lasim, bee da'ari, bee lala yɛlibeoo zaa, nti bɛ u dinni ka ka galiŋŋu.

FILIPAAI DIMA 2:15

Ka lala zugu nin kyɛ ka galinsi seelli ku paai ya, ka ya nin nyɛ la Naawunni bisuma m‑bɛ duniya wa dima sunsukkuni, halli ni ba zaa n nyɛ tumbeeri dima zaa yɔri. Ya nin ŋmanni hoo saŋmariwuusi ŋɔn nɛ seem la, ka ba nin nya.

KƆLOOSIDIMA 1:22

Amaa pampaŋŋɔ Naawunni Bii la daa zɔ ya sindaani Naawunni saani ka kyɛ ka nangbanyinni maali n‑niŋi. U daa zaŋŋi u ninsaatiri ningbiŋŋu n‑niŋi lala, dama u daa mari ka halli nti kpi. Dinŋɔ zugu ka u mari ya n‑taasi Naawunni saani ka kyɛ ka ya ku mari taaliseaa, ka ya leebi Naawunni niriba kasi, ka ka galiŋŋu u saani.

KƆLOOSIDIMA 2:2

N tumni lala ni di ti kyɛ ka ba sufu ti kpamsi, ka ba mari la nangbanyinni ni wurilim ni taaba. Lala ka ba nin ti baŋŋi Naawunni bunsuma zaa, birisigu ka ni, halli nti baŋŋi Naawunni yɛlisɔ'ara maa gbinni - din nyɛ Kirisita la.

KƆLOOSIDIMA 3:12

Naawunni siri yiisi ya, ni ya ti leebi u maŋŋa niriba; ka laa n‑wuri ya. Ka lala zugu ya nin zaŋŋi beesipaalli wa kpariveelli n‑yɛa - di nyɛ la: nambɔzoaa ni kuŋŋa, nirilim, mansigsigu, mangbaari ni sugru.

I TƐSALƆNIKA DIMA 3:12

Ti laa n‑susiri ti Dugma, ni, u kyɛ ka ya wuri taaba, halli n‑wuri niriba zaa; ka ya wurilim zoaai m‑paasiri sahakam hoo tin gba ŋɔn wuri ya seem la.

I TƐSALƆNIKA DIMA 4:7

Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

II TIMƆTI 2:10

Dizugu ka n niŋni sugru, wahala yɛla zaa puuni. N niŋni lala ni n ti suŋŋi ninvugseeba Naawunni ŋɔn daa gamsi la, ni di kyɛ ka ba gba nin toaai n‑nya tuliginsim din bɛ Kirisita Yisa saani, ka mari gyirima din ku naai la.

II TIMƆTI 2:19

Amaa Naawunni pun zaali nyeebri, ka ka zaani suŋŋa. Ba sɔbi yɛttɔ'asuma m‑pa ka zugu, ka a nyɛ daalimni: ni, “Ti Dugma mi u niriba ŋɔn nyɛ seeba.”, ni “Ŋɔnkam zaa yɛli, ni, u dɔli la ti Dugma, ŋɔn zɔma ka kyɛ tumbeeri.”

GYEEMSI 2:5

N zɔsuma, ya wumma! Naawunni n daa yiisi duniya wa nɔndaandima ni ba ti niŋi u yɛdda, ka dizugu ba nyɛ la bundaandima u saani. Ba nin di faari nti su Naawunni naam beebu, hoo ŋɔn daa basi nangbambasiri n‑zaali ban wuri u la seem maa.

I PIITA 1:2

Yarima ka Naawunni ti Ba daa pun baŋŋi ya yɛla, ka yiisi ya, n‑kyɛ ka ya leebi u dinni, m‑bɛ kasi u Sii Kasi zugu la, ni ya sakki n‑ti Yisa Kirisita, ka u ziim zugu ka ya nin niŋi kasi. M puusiri ya zaa suŋŋa, ni, Naawunni ti ya alaafɛ ni sufudoaa zaa.

I PIITA 1:20

Naawunni daa pun daŋŋi m‑pii u pɔi, ka naayi naam duniya wa. Halli ka ŋɔn Yisa daa ti yi paalu zɛmaana baasigu saha wa. Yarima zugu n‑daa la.

I PIITA 2:9

Yarima gba ka ba daa sɔbi ya yɛla, ni, ‘zuliyaseaa ban yiisi maa, naam gyeeŋŋu toondaandima, Naawunni niriba butiri, ban daa yiisi ninvugseeba n‑zaali kpaŋŋa n‑ti Naawunni ni ba ti mooli Naawunni gyirima yɛla’ - dama ŋɔn Naawunni daa booli ya n‑yiisi ya zibsim ni, ni ya ti kpɛ u alahazibu neesim ni la.

II PIITA 3:14

Tɔ; ka dinŋɔna, m mabiwutta, ya mi halli, ni, lala Naawunni dabsiri siri nin kyɛ na. Ka di zugu ya kpaŋŋma ya mansi n‑kyɛ ka u nin nya ya yɛlimaŋni beesigu ŋɔn bɛ seem, ni, di ka taalli bee da'aseesi; m‑paasi yan ni ŋɔn Naawunni nangbanyinni ni beebu la.

I GYƆNI 4:16

Ka ti mammansi mi wurilim seaa Naawunni ŋɔn mari n‑tiri ti maa, ka ti niŋni lala wurilim yɛdda. Naawunni nyɛ la wurilim, ka sɔ yi bɛ wurilim beesigu ni, di daama la'am la ni Naawunni m‑bɛ ni, ka Naawunni gba la'am ni u m‑bɛ ni.

KASIGRI 13:8

Ka sɔkam ŋɔn bɛ duniya tingbaŋŋu zugu zaa nin gyeemni u, ŋɔnkam yuuri bu sɔbi n‑dooli nyɔvuri bukku maa ni; lala bukku ka Pɛbila maa mara, Pɛbilisɔ ban daa kɔrigi duniya piiligu ni halli ni zuna.

KASIGRI 17:8

Ni, “Nyin nya bunkɔbsɔ maa nyɛ la ŋɔn daa pun bɛ ni, ka laa n‑ka ni pampaŋŋɔa, ka u ti ya n‑du n‑yi bɔ'azuliŋŋu maa ni na. Amaa u kur wa la baasiyɔri ziiya. Ka duniya dimseeba ban yuya pa la an daa pun sɔbi nyɔvuri bukku maa puuni duniya piiligu saha maa - di nin niŋi ba alahazibu pam, ban gɔsi n‑nya bunkɔbbeoo maa yɛla, ni, ŋɔn daa bɛ ni, ka laa n‑ka ni, ka mun ya n‑kyɛ na.