ƐFƐSUSI DIMA 1:3 - Mampruli

³ Pɛ'abu bɛ ni n‑ti Naawunni, sɔ ŋɔn nyɛ ti Dugma Yisa Kirisita Ba la: ŋɔn Naawunni tiri ti u bunsuma zaa an yi u Sii maa saani arizana puuni na, tirim ŋɔn bɛ Yisa saani maa zugu.

ƐFƐSUSI DIMA 1:3 Iomraidhean Croise

LUUKI 2:28

Ka Simiyɔn daa deaai bii maa n‑zali, ka pɛ'ari Naawunni n‑yɛtta#:-

GYƆNI 14:20

Dabsiri maa yi ti kyɛ na, ya nin baŋŋi, ni, m bɛ la m Ba maa saani, ka ya mun bɛ n saani, halli ka man gba bɛ ya saani.

GYƆNI 17:21

Ii, m Ba, lala nin kyɛ ka ba zaa leebi yimmu kaman nyini m bɛ ma ni la, ka man gba bɛ i ni: lala ka ba gba nin bɛ ti ni, ka di nin kyɛ ka duniya wa dima baŋŋi, ni, nyin daa tum ma na, ka ba niŋi lala yɛdda.

GYƆNI 20:17

Ka Yisa daa yɛli u, ni, “Di siisiri ma, dama n na bu labi m Ba maa saani. See ka i kyaŋŋi nti yɛli m mabiisi maa, ni, n doaaya ka n ya n‑labi m Ba Naawunni saani, ka u nyɛ la ba gba Ba Naawunni.”

ROOM DIMA 12:5

Di nyɛ la lala n‑ti ti zaa: ti zoaaya halli, amaa ti nyɛ la hoo ningbimmunni, tin ŋɔn bɛ Yisa Kirisita ni la zugu. Ka ti zaa ŋmanni la u ningbiŋŋu tuga n‑suŋŋni taaba.

ROOM DIMA 15:6

Ka ya nin la'am n‑zaŋŋi nangbanyinni m‑pɛ'ai Naawunni ŋɔn nyɛ ti Dugma Yisa Kirisita Ba la.

I KƆRINTI DIMA 1:30

Ŋɔn Naawunni zugu ka ya bɛ Yisa Kirisita ni; ŋɔna ka Naawunni kyɛ ka u leebi yɛm n‑ti ti, ni yɛlimaŋni, ka u laa n‑kyɛ ka ti leebi Naawunni mammaŋŋa niriba kasi kasi, ka laa n‑nya fa-m‑basi.

I KƆRINTI DIMA 12:12

Di ŋmani la hoo ninsaala ningbiŋŋu ŋɔn nyɛ seem: ka nyɛ la bunyinni, amaa ka mari la luga pam; ka luga mun zaa, halli ni an zoaai seem maa zaa, a la'amni n‑niŋi ningbiŋŋu yinni. Tɔ: ka Kirisita Masiiya bɛ la lala.

II KƆRINTI DIMA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, ti Ba Nambɔzoaa Daana, ka ŋɔn Naawunni n su sufumaasim n‑kpamsiri sɔkam.

II KƆRINTI DIMA 11:31

Naawunni m mi, ni, m bu ma'ari la ziri, ka u nyɛ la ti Dugma Yisa Ba la, ka su pɛ'abu sahakam zaa.

II KƆRINTI DIMA 5:17

Dinŋɔna ninvugsɔ yi bɛ Kirisita saani, ba naam u la bumpaalli: u beesikurigu la gaariya, ka bunseelikam leebi la beesipaalli.

II KƆRINTI DIMA 5:21

Ŋɔn Kirisita mun daa ka bumbɛseelli u ni, ka Naawunni daa zaŋŋi u n‑kyɛ ka u ti leebi bumbeoo, ka di daa nyɛ la tirima zugu. Lala ka u daa kyɛ ka tirim tumbeeri dima wa ti leebi yɛlimaŋni dima n‑ti ŋɔn Naawunni.

GALƐSEAA DIMA 3:9

Ibrahim daa nyɛ yɛdda daana ka daa nya bunsuma nangbambasiri maa di zugu, ka lala ka ŋɔn kam zaa niŋi yɛdda nin ti nya bunsuma la, kaman Ibrahim ŋɔn daa nya seem maa taabu.

ƐFƐSUSI DIMA 1:10

ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi.

ƐFƐSUSI DIMA 1:17

Ti Ba Gyirima Zaa Daana! - Naawunni n nyɛ u n‑ti ti Dugma Yisa Kirisita; ti mun susiri u, ni, u tim ya u Siiya, ka u wulisi ya yɛm ka kasigi u yɛlitibsa n‑ti ya, ka kyɛ ka ya maali m‑baŋŋi u yɛla m‑paasi.

ƐFƐSUSI DIMA 1:20

U lala yiiko wa ka u daa zaŋŋi n‑tumni tunkpeema n‑tiri Kirisita, ka neaai u kum ni. Ka daa laa n‑zaŋŋi u n‑ziili ŋɔn Naawunni nudirigu zizii maa ni, arizana naam gyirima puuni.

ƐFƐSUSI DIMA 2:6

Ka ŋɔn Naawunni daa kyɛ ka tin ni Kirisita Yisa yisigi, n‑zaŋŋi ti n‑ziili ti, ni tirim ni ŋɔn zaa zi ŋɔn Naawunni saani u naam zizii maa ni saazugu.

ƐFƐSUSI DIMA 3:10

Naawunni daa niŋi lala, ni u ti kyɛ ka pampaŋŋɔ u yɛm nin ti dɔli la u nyaandɔliba ban la'amni n‑gyeemni u la, m‑paai saazugu naama ni yiiko dima.

ƐFƐSUSI DIMA 6:12

Dama ti bu moori ni ninsaalidima, amaa saazugu yiiko dima ka ti zabra, ni saazugu naam dima, ni seeba ban su duniya wa fukumsi ka bɛ la zibsim ni la - halli siseeba ban bɛ saazugu m‑mari yɛlibeeri yiiko la zaasa.

FILIPAAI DIMA 2:11

Ka sɔkam zaa nin ti mooli u yuuri Ka sakki, ni, Yisa Kirisita nyɛ la ti Dugma, Ka di kyɛ ka u Ba Naawunni nya gyirima.

HIBRUU DIMA 8:5

Ban daa mari gyeeŋŋu ziseaa kan daa kur ŋmani hoo bummaŋseaa Naawunni ŋɔn daa wulisi ba la. Lala gyeeŋŋu Sugri mun bɛ la saazugu, Naawunni saani. Dama Musa ŋɔn daa ya n‑ti Sugri maa, u daa nya kpaaŋŋu, ni, “Gɔsim suŋŋa ka Sugri maa zaa ti hoo nyin daa nya seem zoori zugu la.”

HIBRUU DIMA 9:23

Dama buna wa ka ba daa maali ni a ti ŋmani arizana ni buna la. Ka di daa tu ni ba mari a m‑maanni a zugu, ni ba ti kyɛ ka a nyɛ kasi. Ka dinŋɔna arizana buna mammansi boori la maaligu kan gaari anŋɔa.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.