ƐFƐSUSI DIMA 1:11 - Mampruli

¹¹ Tɔ: ŋɔn Yisa saani ka ba daa yiisi ti gba, hoo Naawunni ŋɔn daa pun zaali di seem la. Dama u maanni la bunseelikam ni di dɔli u sufu yuubu ŋɔn boori seem.

ƐFƐSUSI DIMA 1:11 Iomraidhean Croise

TUUMUDIMA TUMA 13:48

Ka ninvugseeba ban pa Yɛhudiyadima la ban daa ti wum lala, ba mari la sufupeelli pam m‑pɛ'ari ti Dugma yɛligu maa. Ka ba seeba daa nyɛ seeba ban ya n‑nya nyɔvuri kan ka naari, ka daa niŋi Yisa yɛdda di zugu.

TUUMUDIMA TUMA 2:23

Ka di zaa nyaaŋŋa di daa niŋi hoo Naawunni ŋɔn daa pun teesi n‑zaali seem la; ka ba daa zaŋŋi ŋɔn Yisa n‑niŋi ya nuu ni, ka ya mun daa deaai u n‑tisi ninvugbeeri ka ba daa kpaasi u n‑tabli dɔpulli zugu n‑ku u.

TUUMUDIMA TUMA 20:27

Halli m bu kɔŋŋi ni m mooli Naawunni ŋɔn teesi, ni, u nin niŋi seem zaa n‑ti ya.

TUUMUDIMA TUMA 20:32

Tɔ; ka pampaŋŋɔ n nin zaŋŋi ya n‑niŋi Naawunni nuusi ni, ni u piinisuma yɛla an nin toaai m‑maali ya yɛla suŋŋa, ka kyɛ ka ya di ya faari tɔrli Naawunni mammantoori niriba zaa sunsukkuni.

TUUMUDIMA TUMA 26:18

I nin kyɛ ka ba nini neaai; i nin kyɛ ka ba ŋmaligi ka kyɛ zibsim maa, n‑kyɛ neesim maa ni na; i nin kyɛ ka ba ŋmaligi n‑yi Sintaani fukumsi ni m‑paai Naawunni saani na, ka ba nin ti niŋi ma yɛdda halli nti nya ba taalli zaa kyɛ-m‑pɛŋŋi, ka la'am Naawunni niriba sunsukkuni.’

TUUMUDIMA TUMA 4:28

Ba daa tum seela zaa nyin, Naawunni, ŋɔn daa pun teesi n‑zaali seem maa.

ROOM DIMA 11:34

“Ka ŋɔni n na mi m‑baŋŋi Naawunni teesa gbinni? Bee, ŋɔni n na mi n‑kpaam u?”

ROOM DIMA 8:17

Tɔ, ka ti yi nyɛ la Naawunni biisi, ti laa n‑nyɛ la u faari dittiba. Ti nin di faari Naawunni saani, halli tin ni Kirisita nin la'am n‑di ka. Tin ni ŋɔn yi siri ti la'am n‑di u wahala, dinŋɔna ti ya la'amni n‑nya u gyirima gba.

ROOM DIMA 8:28

Ti mi halli, ni, seelli kam zaa ni, Naawunni suŋŋni la ninvugseeba ban wuri u maa - di nyɛ la: baseeba ŋɔn Naawunni ŋɔn daa daŋŋi m‑pii maa, u yuubu la zugu.

ROOM DIMA 8:29

Dama u siri daa daŋŋi m‑mi u niriba, ka laa n‑zaali ba, ni ba ti ŋmanni u Bii la. Ka lala kyɛ ka u Bii maa nin nyɛ Zuuwa u babiisi pam saani.

ROOM DIMA 8:30

Ka Naawunni ŋɔn daa daŋŋi n‑zaali seeba lala maa, ban ka u daa yiisi; ka daa yiisi ba, n‑deaai ba, ni, yɛlimaŋni dima. Ka ŋɔn daa deaai ba lala maa, u daa laa n‑ti ba gyirima.

ROOM DIMA 9:11

Amaa u daa na bu dɔ'ai u gyeesi maa, ka di zugu u biisi wa na bu tum tunseelli zaa - bunsuŋŋu, bee, bumbeoo - ka lala saha ka Naawunni daa yɛli, ni, “Bikpeema la nin ti gyeemni u tunzɔ.” U daa niŋi lala ni u ti kyɛ ka ŋɔn Naawunni yuubu ti zɛ suŋŋa, dama u boori ni u ninvuggamsa yiiri na, pa ba tuma zugu, amaa ŋɔn Naawunni ŋɔn boonni ba la zugu.

GALƐSEAA DIMA 3:18

Dama Naawunni piini yi da dɔli fukumsi zaaligudima maa, dinŋɔna di daa bu naa n‑dɔli u nangbambasiri maa yaasa. Amaa u nangbambasiri basibu zugu ka Naawunni daa zaŋŋi piini maa n‑tisi Ibrahim.

ƐFƐSUSI DIMA 1:14

Lala Sii Kasi maa bɛ la ti saani n‑wulisiri, ni, u nin kyɛ ka ti di faari; ni, u nin kyɛ ka ba yɔ ti samni n‑fa ti m‑basi; ni, u nin kyɛ ka ti yɛla kyɛ ka pɛ'abu bɛ ni n‑tiri Naawunni.

ƐFƐSUSI DIMA 1:18

Ka n laa n‑susiri, ni, ya sufu nin nya ninneesim ka ya baŋŋi tama seaa zugu ŋɔn booli ya la, ka ya laa m‑baŋŋi ya faari ŋɔn ya zoaai seem m‑mari gyirima la, n‑tiri yaseeba ban nyɛ ŋɔn Naawunni dina maa.

ƐFƐSUSI DIMA 1:5

ka u daa pun daŋŋi n‑niŋi din nin kyɛ ka ti leebi u biisi, Yisa Masiiya zugu, ka di dɔli la u yuubu maa ŋɔn boori seem la.

ƐFƐSUSI DIMA 1:8

Halli u daa ti ti lala piini maa zaa, ka laa n‑ti ti bamsim ni miilinsi zaa.

ƐFƐSUSI DIMA 1:9

U daa laa n‑wulisi u yuubu yɛla m‑paasi, nti kyɛ ka ti baŋŋi a yɛlisɔ'ara zaŋŋi n‑kyaŋŋi u beesisuŋŋu la. Yɛla wa zaa ka u daŋŋi n‑zaŋŋi n‑dɔlisi Kirisita,

ƐFƐSUSI DIMA 3:11

Di zaa nyɛ la hoo ŋɔn Naawunni ŋɔn daa pun gbaai seem, ka ti Dugma Yisa Kirisita puuni ka u lala sufuyuubu yɛla yiiri paalu na.

KƆLOOSIDIMA 1:12

m‑puusiri ti Ba Naawunni taari, ŋɔn sɛ'asi ti ni ti la'am ni u niriba zaa n‑deaai ti tɔrli, neesim tiŋŋa maa ni sa.

KƆLOOSIDIMA 3:24

Ya mi halli, ni, ya Dugma nin yiisi ya faari na n‑yɔ ya. Ya tumma ya daaba tuma la n‑tiri ya Dugma Kirisita.

TAITUUSI 2:14

Ŋɔn Yisa n daa zaŋŋi u nyɔvuri n‑tisi, ni u yɔlisi tirima ni ti ti leebi u toori niriba maa. Ka u laa n‑yiisi ti tumbeeri kam zaa ni, ka nyeesi ti ka ti leebi kasi, ka ti sufu kur nin boori la ti tumni din veela.

TAITUUSI 3:7

U daa niŋi lala ni u ti deaai ti hoo yɛlimaŋni dima u lala wurilim piini la zugu, ka kyɛ ka ti nin mari tama, ni, ti siri nin di nyɔvuri kan ka tɔriga hoo ti faari tɔrli.

HIBRUU DIMA 6:17

Naawunni sufu ŋɔn daa ti bɛ ni, ni, u ti kyɛ ka Ibrahim nyaaŋŋa dima maa baŋŋi suŋŋasuŋŋa, ni, u sufu yuubu bɛ la nangbambasiri maa ni, ka di yɛla ku ti takki halli saha kan ka tariga; dizugu u daa zaŋŋi u nangbampɔri m‑pɔa.

GYEEMSI 2:5

N zɔsuma, ya wumma! Naawunni n daa yiisi duniya wa nɔndaandima ni ba ti niŋi u yɛdda, ka dizugu ba nyɛ la bundaandima u saani. Ba nin di faari nti su Naawunni naam beebu, hoo ŋɔn daa basi nangbambasiri n‑zaali ban wuri u la seem maa.

I PIITA 1:4

Lala ka ti nin di faari. Faari wa mun nyɛ la ban zaali seaa arizana ni n‑guri ti la. Ka ku toaai n‑sa'am, bee, m‑baasi, bee, n‑suui hoo moori ŋɔn suuri seem.

I PIITA 3:9

Yan di zaŋŋi beeri n‑yɔ beeri, bee, tuuri n‑labsi tuuri; amaa kyɛ ka ya labsigu nyɛ la: ya susi bunsuma n‑tiri ba. Dama dinŋɔ zugu ka ba daa booli ya, ni ya ti di Naawunni bunsuma maa faari.