ƐFƐSUSI DIMA 1:10 - Mampruli

¹⁰ ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi.

ƐFƐSUSI DIMA 1:10 Iomraidhean Croise

MATIYU 25:32

Ka ba nin la'asi duniya wa niriba zaa u saani na. Ŋɔn mun ti ya wɔligi ba taaba, hoo bunkɔbgura ŋɔn wɔligri u bunkɔbri seem, nti kyɛ ka peesi m bɛ kpa, buusi mun bɛ la kpa.

MAAKI 1:15

Ni, “Saha maa paaya; Naawunni naam la bɛ la ya saani. Ya takkma ya beebu, ni ya teesibeeri, ka niŋni lahabasuŋŋu maa yɛdda.”

I KƆRINTI DIMA 10:11

Tɔ: anŋɔ zaa daa paai ba na, ka a wulisiri ti yɛla, ka ba daa sɔbi a n‑dooli ni ba ti kpaamni ti a zugu - tirima ban kpalim nti nya duniya naari saha paari na.

I KƆRINTI DIMA 11:3

Amaa m boori ni ya baŋŋi, ni, dɔppa saani sɔkam zaa zuguraana n nyɛ Kirisita Masiiya, pɔ'a mun zuguraana nyɛ la u sira, hoo Kirisita zuguraana ŋɔn nyɛ Naawunni.

GALƐSEAA DIMA 4:4

Amaa nimbirimoaa saha ŋɔn daa ti paai, Naawunni daa tum la u Bii na. U daa kyɛ na kaman ninsaala ka u ma daa dɔ'ai u ni u ti bɛ Yɛhudiyadima zaalikpana la suulinsi ni.

ƐFƐSUSI DIMA 1:22

Naawunni siri zaŋŋi bunseelikam n‑niŋi ŋɔn Yisa napɔna ni, ni u ti noora; ka yiisi u, ni u leebi zuguraana nti su yɛttɔ'a zaa fukumsi n‑ti baseeba ban la'am n‑dɔli Naawunni la.

ƐFƐSUSI DIMA 2:15

U daa zaŋŋi u ningbina n‑tum lala ni u ti baasi zaalikurigu maa yɔri, dama ka daa dɔli la zaalikpana ni kaya sɔya. U daa laa n‑tum lala ni u ti la'am zuliya buyi wa u saani na, m‑maali n‑naam ninvugyinni, bumpaalli, ka lala daa zi sufudoaa ni alaafɛ na.

ƐFƐSUSI DIMA 3:15

Ti Ba n siri nyɛ u, ka di zugu ba boonni ŋɔn Naawunni ŋɔn su sɔkam zaa maa lala: arizana ni, ni tingbaŋŋu ni gba, ka ba boonni ba, ni, ‘dɔ'am yinni babiitiri’.

ƐFƐSUSI DIMA 3:2

- N siri mi halli, ni, ya pun wum Naawunni ŋɔn zaŋŋi tunseaa n‑zaali ma, ni, yarima zugu ka u dɔli la u wurilim soori ka kyɛ ka n suŋŋni ya.

KƆLOOSIDIMA 1:16

Dama ŋɔn saani ka bunseelikam daa naam: aseesi an bɛ arizana ni, ni an bɛ duniya wa ni gba; aseesi an nyara, ni an bu nyari gba; naam ziziisi dima ni suulinsi dima ni zuguraandima ni yiiko dima - Naawunni Bii la zugu ka ba zaa daa naam, ni ba ti bɛ u fukumsi ni.

KƆLOOSIDIMA 1:20

Ka daa laa n‑kyɛ ka u Bii wa ti zɔ sindaani u saani, n‑tiri bunseelikam zaa, ni u ti kyɛ sɔkam taalli m‑pɛŋŋi ba - baseeba ban bɛ duniya wa ni, ni ban bɛ arizana ni gba. Ba daa zaŋŋi ŋɔn Yisa n‑kpaasi dɔpulli maa zugu ka u ziim daa yi na ka u kpi - lala ka u leebi sindaanzɔtta.

KƆLOOSIDIMA 3:11

Beesipaalli wa puuni ka wɔligri ka ka saani zaŋŋi n‑kyaŋŋi Griikadima ni Yɛhudiyadima, bee ban guni ni ban bu guni saani: di yi ti nyɛ tinzundima ni Sitiiya tingbaŋŋu moo ni niriba, bee daaba ni ban su ba mansi yɛla - ay! Kirisita nyɛ la bunseelikam n‑tiri ba sɔkam zaa.

HIBRUU DIMA 1:2

Amaa zuna sahanseaa din baasi nyaaŋŋa wa ka u tɔ'asiri n‑tiri ti la u Bii maa noori ni. U Bii maa ka u daa gaŋŋi, ni duniya wa naari saha yi ti paai na, u nin ti leebi bunseelli kam faditta, dama ŋɔn kɔbri ni gba ka Naawunni daa naam duniya zaa.

HIBRUU DIMA 11:40

Di gbinni nyɛ la: ni, Naawunni daa pun daŋŋi n‑gbaai gbaari din nyɛ bunsuŋŋu n‑ti tirima: ni, ban ku toaai n‑nya ba bunsuma m‑maali m‑bɛ deede ba kɔkɔa, see ka tirima gba la'am ba saani n‑nya.

HIBRUU DIMA 9:10

Amaa di wulisiri la bundira, ni bunnyuura, ni koom suubu deaari: ningbiŋŋu bunkyisira anŋɔ taabu daa zaani halli ka saha ti paai ka yɛlli kam niŋi suŋŋa n‑naai.

I PIITA 1:20

Naawunni daa pun daŋŋi m‑pii u pɔi, ka naayi naam duniya wa. Halli ka ŋɔn Yisa daa ti yi paalu zɛmaana baasigu saha wa. Yarima zugu n‑daa la.

KASIGRI 5:9

Ka ba daa yuumni n‑yɛtti, ni#:- “Nyin n sumsi ni i deaai bukku maa, I mun sumsi ni i lakki ka buntabinna! Dama nyini ka ba daa pun kɔrigi, Ka i lala kum zugu daa yɔ sɔkam samni N‑da ba n‑ti Naawunni na: Zuliya pam, ni yɛttɔ'azuna pam dima, Ni tinsi pam niriba, ni bura pam.