II TƐSALƆNIKA DIMA 3:9 - Mampruli

⁹ Pa la ti daa ka la soori ni ti deaai suŋŋsim ya saani zugu ka ti daa tumni lala maa, amaa ti daa niŋi lala ni ya nya, ka dɔli ti soori maa.

II TƐSALƆNIKA DIMA 3:9 Iomraidhean Croise

II TƐSALƆNIKA DIMA 3:7

Ya mammaŋŋa mi, ni, di sum ni ya niŋi hoo tin daa niŋi seem la. Ti daa pa gbinnya'a dima, tin daa bɛ ya saani sahanseaa la.

I TƐSALƆNIKA DIMA 2:6

Ti daa bu boori pɛ'abu ninsaalisɔ saani, di yi daa nyɛ la ya saani bee seeba saani.

GALƐSEAA DIMA 6:6

Ba yi zaŋŋni Naawunni lahabasuŋŋu maa n‑wulisiri sɔa, ŋɔn purigma u bunsuma n‑tisi u karimba maa.

I PIITA 2:21

Dinŋɔ zugu ka ba daa booli ya, dama Kirisita daa nya namsigu ya zugu, ka lala u daa kyɛ n‑zaali n‑wulisiri, ni, ya gba dɔli u soori maa.

GYƆNI 13:15

N tum tuma wa n‑ti ya ni n ti wulisi ya ya tunsuŋŋu soori ŋɔn nyɛ seem la, ka ya gba ti tumni lala.

MATIYU 10:10

Yan di zaŋŋi booriga m‑paasi ya kyɛnni maa ni, bee bunyeera ayiyi bee namna, halli zangbeaa gba. Dama tuntumna zaa sumni ni ba ti u u bundirigu.”

I KƆRINTI DIMA 4:16

Lala zugu ka n susiri ya, ni, ya dɔli n beesigu soori.

I PIITA 5:3

Yan di leebi ban diisi ya mansi nadima n‑su ba fukumsi, amaa ya kyɛ ka ya beebu maa nyɛ bunveelli, ka ba nin nya ka dɔla.