II TƐSALƆNIKA DIMA 3:4 - Mampruli

⁴ Halli ti siri niŋi ti Dugma maa yɛdda zaa, ni, ya tumni hoo tin daa wulisi ya seem la, ka kur nin niŋni lala sahakam.

II TƐSALƆNIKA DIMA 3:4 Iomraidhean Croise

MATIYU 28:20

Ya wulisima ba, ni, ba dɔla man zaali ya noori seem maa zaa. Ka ya baŋŋma, ni, n nin bɛ ya saani, halli ni duniya wa saha maa naari.”

ROOM DIMA 15:14

M mabiisi, m mi halli, ni, ya mari yɛlisuma zaa, ka bamsim kur paali ya ni, ka ya nyaŋŋi n‑kpaamni taaba.

ROOM DIMA 15:18

Dama n ku ma'asi ni n tɔ'asi seelli di yi pa la Kirisita ŋɔn zaŋŋi ma n‑tum tunseesi la; ka laa n‑yɛli yɛttɔ'aseesi la, ni di kyɛ ka ban pa Yɛhudiyadima maa ti sakki n‑ti Naawunni.

ROOM DIMA 2:7

Baseeba ban kpa n‑tum suŋŋa m‑boori veelim, ni gyirima, ni nyɔvuri din bu sa'amni la ziiya, ban ka Naawunni nin tisi nyɔvuri kan ka tɔriga.

I KƆRINTI DIMA 14:37

Sɔ yi yɛli, ni, u nyɛ la anabi, bee, ŋɔn mi Sii maa yɛla, di daama nin sakki, ni, man ŋɔn sɔbri seelli n‑tiri ya wa nyɛ la ti Dugma zaaligu.

I KƆRINTI DIMA 7:19

Gunibu bee bu guni zaa nyɛ la yɔri: din kpa talasi nyɛ la Naawunni zaaligu zaa dɔligu.

II KƆRINTI DIMA 2:3

N daa sɔbi lala maa, ni n ti kyɛ ka man yi kyɛ ya saani na maa, ya ku sa'am n sufu maa; dama yarima n nyɛ ban sum ni ya kyɛ ka n sufu maai. Ay! - n siri daa mari yɛdda, ni, ya zaa nin la'am n‑nya n sufumaasim maa.

II KƆRINTI DIMA 2:9

Halli din daa kyɛ ka n daa sɔbi n‑ti ya daa nyɛ la: ni, n ti zamsi ya yɛdda yɛla, m‑baŋŋi ya nin deaai n noori seelikam puuni deede, bee, ya bu ya deaai?

II KƆRINTI DIMA 8:22

Ti laa n‑ya tum la ti mabisɔ m‑paasi ba zugu; ti daa pun nya ka doo wa tumni nimmoosi sahakam, ka pampaŋŋɔ u niŋi ya yɛdda pam, ka dizugu u ya tum n‑gaari lala.

GALƐSEAA DIMA 5:10

Amaa man niŋi ya yɛdda ti Dugma zugu, ni, ya gba nin sakki lala. Tɔ: ninvugsɔ ŋɔn kyirimni ya wa muna - di daama yi nyɛ la sɔ zaa, u tumbeeri taalli nin kpalim n‑dɔli u.

FILIPAAI DIMA 1:6

Dama n niŋi yɛdda, ni, Naawunni ŋɔn pun piili tunsunseesi ya saani la, u nin kyɛ ka a na kyɛnni tooni lala halli ni a naari, Kirisita Masiiya Dabsiri daari saha.

FILIPAAI DIMA 2:12

M mabiisi, di veeli pam yan daa sakki n‑ti ma, man ŋɔn daa bɛ ya saani la, halli ni man laa n‑ka ya saani wa gba. Amaa ya kur kpalimma n‑kpaŋŋni ya mansi n‑tumna, ni ya ti paai ya tuliginsim zaa ni nimmoosi.

I TƐSALƆNIKA DIMA 4:10

Ka lala ka ya siri wuri ya mabiisi ban bɛ Masidoonya tingbaŋŋu zaa; amaa, ti mabiisi, ti kpaamni ya, ni, ya kur niŋma lala m‑paasira.

II TƐSALƆNIKA DIMA 3:12

Lala taabu niriba ka ti kpaamni ka susiri ba ti Dugma Yisa Masiiya zugu, ni, ba zinnma baalimm ka tum ba tuma n‑gɔsi ba maŋŋa.

II TƐSALƆNIKA DIMA 3:6

Ti mabiisi, ti kpaamni ya ni, ti Dugma Yisa Masiiya zugu, ni, ya gbaam ya maŋŋa ka kyɛ ya mabiseeba ban nyɛ gbinnya'ari dima, baseeba ban bu dɔli wulisigu seelli tin daa wulisi ba la.

FAILIIMƆN 1:21

N sɔbri gbaŋŋu wa n‑tiri i, dama m baŋŋiya, ni, i nin wum n noori wa, halli ka tum n‑gaari man yɛtti seem wa.