II TƐSALƆNIKA DIMA 3:2 - Mampruli

² Ka laa n‑susiri Naawunni n‑tiri ti, ni, u yiisi ti putoo dima ni ninvugbeeri nuusi ni, dama pa sɔkam zaa n‑niŋi ti lahabaari maa yɛdda.

II TƐSALƆNIKA DIMA 3:2 Iomraidhean Croise

MATIYU 17:17

Ka Yisa gyɛrigi n‑yɛli, “Ah! Ya zuna niriba wa n kur nyɛ bungɔlima ka ku sakki yɛdda niŋbu! N ya yuui la wula ya saani? Bee man nin di sugru ya saani ka di yuui wula? Tɔ, yan mari bii maa n‑kyɛ kpa na!”

MATIYU 23:23

Zugbeoo bɛ yarima karimbadima ni Farisidima zugu! Yan birikɔnsi dima wa! Dama ya yiisiri la naanzuuwa ni kpɛligu ni zinzam zaa zakka, amaa ka lee n‑kyɛ an mugsi n‑kpa n‑gaari lala maa m‑basira - di nyɛ la yɛlimaŋni tumpu, ni nambɔzoobu, ni yɛdda niŋbu. Ya yi ti teaari anŋɔ ka bu laa m‑pɔsigi anla, di naa n‑sɔa.

LUUKI 18:8

N ya yɛli ya, ni, u nin fa ba m‑basi yoomyooma. Ka di zaa yɔri, man Ninsaala Bii yi ti labi duniya wa ni na, n nin nya ban mari yɛdda bɛni, bee? - Ay, m bu ya nya!”

TUUMUDIMA TUMA 13:45

Ka Yɛhudiyadima maa ŋɔn daa ti nya daadam wa, nyuuri daa wum ba pam, ka ba daa gbaai kyiisigu, ni, Pɔla ŋɔn wulisiri yɛttɔ'aseesi la pa la yɛlimaŋni, ka tuuri u tupeela.

TUUMUDIMA TUMA 13:50

Amaa Yɛhudiyadima daa kpa'atiri la pɔ'aseeba ban daa dɔli ba Naawunni soori ka nyɛ tiŋŋa maa ninvugtibsa la, ni tinkpamma maa m‑paasi, halli ka di ti paai ni ba zabri Pɔla ni Baanabasi n‑niŋi ba putoo tuma, ka kari ba n‑yiisi ba tingbaŋŋu maa ni.

TUUMUDIMA TUMA 14:2

Amaa Yɛhudiyadimseeba ban daa za'asi yɛdda niŋbu la daa tugli ban pa Yɛhudiya niriba la n‑kyɛ ka ba suuri yisigi, ka ba daa zabi ni yɛddaniŋniba maa.

TUUMUDIMA TUMA 17:5

Amaa Yɛhudiyadima maa daa zabi la nyuuri, ka daa booli ninvugkyɔ'ama seeba ban daa guusi n‑guusiri daa puuni, ka ti la'asi zama pam n‑daamni tiŋŋa maa niriba. Ka ba daa kyaŋŋi n‑zaani Gyeesɔni yiri tooni, Pɔla ni Sailasi ŋɔn daa kpɛ seelli la, ni, u yiisim ba n‑ti ba na.

TUUMUDIMA TUMA 25:27

Dama di bu dɔli la soori ni n tum yɛttɔ'adaansɔ Naaba saani ka na ka yɛttɔ'aseaa, ni n wulisi Naaba din kyɛ ka ba galimni u.”

TUUMUDIMA TUMA 28:24

Tɔ; ka ba mun seeba daa niŋi u yɛligu yɛdda, baseeba mun daa za'asi yɛdda niŋbu.

ROOM DIMA 10:16

Amaa pa sɔkam zaa n daa sakki n‑ti lahabasuŋŋu maa; hoo Aizaaya ŋɔn daa yɛli seem la, ni, “Ti Dugma, ŋɔni n niŋi ti kukɔri la yɛdda? - Ay, sɔ zaa bu niŋi!”

ROOM DIMA 15:31

Ya susima, ni, n nin yi Gyuudii dimseeba ban bu niŋi yɛdda la nuusi ni na, ka Gyɛrusalɛm puuni Naawunni niriba la nini nin tigi n suŋŋsim maa.

I KƆRINTI DIMA 15:32

Halli n daa bɛ la Ɛfɛsusi timpuuni n‑zabri ni mooni bunkɔbbeeri. Tɔ, di yi nyɛ la kulla ninsaala beesigu wa yɛla zugu kɔkɔa, n ku nya anfaani di zugu. Ban kpi yi bu neaara, ni, “Ya kyɛ ka ti diri ka nyuura, Dama beoo ti sa nin kpi.”

I TƐSALƆNIKA DIMA 2:18

Ti siri daa boori ni ti laa n‑labi ya saani na. Halli man Pɔla daa pun kpaŋŋi m maŋŋa ni n kyɛ na - ka di pa la yimmu kɔkɔa - amaa ka Sintaani kur ta'ari ti soori.

II TIMƆTI 4:17

Amaa ti Dugma daa zaani n nyaaŋŋa, ka ti ma yaa, nti kyɛ ka lahabasuŋŋu maa mooligu ti yi paalu, ka ban pa Yɛhudiyadima maa zaa wum di. Ti Dugma daa yiisi ma gbugimni noori ni na ni alaafɛa.