II TƐSALƆNIKA DIMA 3:1 - Mampruli

¹ Ti mabiisi, din kpalim nyɛ la nŋɔa: ya susim Naawunni n‑ti ti, ka lala nin kyɛ ka ti Dugma yɛligu moonni n‑kyɛnni tooni yooma, ka ba deaai di ni gyirima, hoo yarima ŋɔn daa deaai seem la.

II TƐSALƆNIKA DIMA 3:1 Iomraidhean Croise

MATIYU 9:38

dizugu ya susim ti Dugma ŋɔn nyɛ puu daana wa, ka u tum niriba na m‑paasi ka ba ŋmaara.”

LUUKI 10:2

Ka yɛli ba, ni, “Ya kyi ŋmaabu tuma wa zoaaya pam, amaa ka ya tuntumniba maa mun bu zoaai; dizugu ya susim ti Dugma ŋɔn nyɛ puu wa daana, ka u tum niriba na m‑paasi ba ŋma.

TUUMUDIMA TUMA 12:24

Naawunni lahabaari maa daa yɛligiya ni ka mari yaa.

TUUMUDIMA TUMA 19:20

Lala daa kyɛ ka Naawunni yɛligu maa daa kyɛnni tooni m‑paari niriba pam, ka mari yiiko.

TUUMUDIMA TUMA 6:7

Tɔ; ka di nyaaŋŋa ka Naawunni wulisigu wumpu maa daa kur yɛligri ni, ka ban daa dɔli Yisa soori maa kaaligu daa nɔbi Gyɛrusalɛm puuni, halli ka Yɛhudiyadima maalimaanniba pam daa sakki n‑deaai Yisa yɛdda.

ROOM DIMA 15:30

N susiri ya ni, m mabiisi, ti Dugma Yisa Kirisita zugu, ni Sii Kasi wurilim zugu gba, ni, ya suŋŋi ma ka ti susi Naawunni nimmoosi man yɛla zugu.

I KƆRINTI DIMA 16:9

Dama ba lɔrigi soori n‑ti ma ni n tum tunsuma pam, amaa ka niriba pam ta'ari ma di ni.

II KƆRINTI DIMA 1:11

yan ŋɔn suŋŋni ti ya wunsusigu zugu la. Lala nin kyɛ ka niriba pam ti puusi Naawunni tirima zugu, dama ba nin nya Naawunni ŋɔn wum niriba pam wunsusigu seem la ka suŋŋi ti di zugu.

II KƆRINTI DIMA 13:11

Yɛttɔ'a maa naari, m mabiisi, nyɛ la: ni, ya kpalim suŋŋa. Ya kyɛ ka ya kpaŋŋi ya mansi, kyɛ ka ya sufu kpamsi, ka mari nangbanyinni n‑ti taaba, ni sufudoaa zaa. Naawunni siri nyɛ la Sufudoaa ni Wurilim Daana, ka u nin bɛ ya saani.

KƆLOOSIDIMA 4:3

Ka ya puusigu wa ni, see ka ya susiri Naawunni n‑tiri ti gba: ni, u ti maali soori n‑ti ti ni ti ti tɔ'asi u yɛligu maa n‑tiri niriba, n‑toaai n‑kasigri u yɛlisɔ'ara an bɛ Kirisita ni maa. Di nyɛ la lala yɛligu maa zugu ka ba lɔ ma kyɔrimi ka n na kpalim m‑bɛ lala.

I TƐSALƆNIKA DIMA 1:5

Dama lahabasuŋŋu wa'azu seaa tin daa yiisi n‑ti ya la daa pa la yɛttɔ'a kɔkɔa, amaa di daa nyɛ la yiiko ni. Naawunni Sii Kasi siri daa bɛ di ni, nti kyɛ ka ya niŋi di yɛdda zaa. Ya pun mi tin daa bɛ seem ya saani; ka laa m‑mi, ni, ya suŋŋsim zugu ka ti daa bɛ lala.

I TƐSALƆNIKA DIMA 1:8

Ti Dugma yɛligu ŋɔn daa yi ya saani maa, pa Masidoonya ni Akaaya kɔkɔ ka di paai: amaa ya yɛdda niŋbu yɛla pun mooli n‑gyili luginseelli kam zaa, dizugu di bu laa n‑sum ni tirima yɛli seelli m‑paasi.

I TƐSALƆNIKA DIMA 2:1

Ti mabiisi, ya mammaŋŋa mi tin daa kyɛ ya saani na seem la, ni, di daa pa la din kpalim yɔri.

I TƐSALƆNIKA DIMA 2:13

Dinŋɔ zugu ka ti pɛ'ari Naawunni saha kam. Tin daa zaŋŋi Naawunni yɛligu na n‑ti ya la, ya daa deaai yɛligu maa. Ya daa bu deaai ka hoo ninsaala yɛligu, amaa hoo Naawunni dinni; ka di siri nyɛ la lala, ka kur tumni ka tuma ya saani - yarima ban nyɛ yɛddaniŋniba wa.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

I TƐSALƆNIKA DIMA 5:17

ya susima Naawunni sahakam;

I TƐSALƆNIKA DIMA 5:25

Ti mabiisi, ya susima Naawunni n‑tiri ti gba.

II TIMƆTI 2:9

Lahabasuŋŋu wa zugu ka n diri wahala, ka ba ba ma bansi kaman tumbɛtumna n nyɛ ma la. Amaa sɔ ku toaai m‑ba Naawunni yɛligu bansi, halli beela!