II TƐSALƆNIKA DIMA 2:3 - Mampruli

³ Yan di kyɛ ka sɔ yɔmsi ya seelli ni, dama dabsiri maa ku toaai m‑paai na, di yi pa la niriba pam daŋŋi n‑la'am taaba n‑za'asiri Naawunni noori pɔi, ka ninvugsɔ ŋɔn nyɛ Zaaliguza'asira ni Baasiyɔri Daana maa naayi yi paalu.

II TƐSALƆNIKA DIMA 2:3 Iomraidhean Croise

GYƆNI 17:12

Man ŋɔn daa bɛ ba saani sahanseaa la, n daa zaŋŋi la yuseaa nyin ŋɔn daa ti ma la n‑guri ba. Ka ba bɛ ni ka ba sɔsɔ bu baasi yɔri, ka di yi pa la baasiyɔri daana la kɔkɔa, ni din daa sɔbi n‑dooli la siri ti niŋi lala.

I KƆRINTI DIMA 6:9

Ammi, ya bu mi, ni, ban tumni taalli la ku nya Naawunni naam maa? Yan di yɔmsi ya mansi: see ka ya baŋŋi, ni, zina dima ku nya Naawunni naam, ka ba'amaanniba gba ku nya, bee gyɛ'amiru dima ni dɔppa ban tumni lala, bee ban zaŋŋni ba dɔtaaba n‑doontira;

ƐFƐSUSI DIMA 5:6

Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la.

I GYƆNI 2:18

M biisi, saha maa nŋɔa. Ba daa pun yɛli ya, ni, Masiiya Dindaana maa nin ti kyɛ na; tɔ, ka u dindaandima pam pun kyɛ na. Dinŋɔ nin kyɛ ka ti baŋŋi, ni, saha maa nŋɔa.

I GYƆNI 4:3

Sɔ mun yi bu sakki lala, di daama yɛligu yiiko bu yi la Naawunni Siiya saani na. U sii maa yiiko yi la Masiiya Dindaana la saani na. Ya daa pun wum, ni, lala Dindaana ya kyɛ na; u mun pun bɛ duniya wa puuni.

KASIGRI 17:11

Ka bunkɔbgu maa muna - sɔ ŋɔn daa pun bɛ ni ka laa n‑ka ni la - ŋɔna n nyɛ ŋɔn paasi anii daana, halli ka u nyɛ la nadima ayɔpɔi maa sunsukkuni. Ka u wa la baasiyɔri ziiya.

KASIGRI 17:8

Ni, “Nyin nya bunkɔbsɔ maa nyɛ la ŋɔn daa pun bɛ ni, ka laa n‑ka ni pampaŋŋɔa, ka u ti ya n‑du n‑yi bɔ'azuliŋŋu maa ni na. Amaa u kur wa la baasiyɔri ziiya. Ka duniya dimseeba ban yuya pa la an daa pun sɔbi nyɔvuri bukku maa puuni duniya piiligu saha maa - di nin niŋi ba alahazibu pam, ban gɔsi n‑nya bunkɔbbeoo maa yɛla, ni, ŋɔn daa bɛ ni, ka laa n‑ka ni, ka mun ya n‑kyɛ na.