II TƐSALƆNIKA DIMA 2:2 - Mampruli

² ni, yan di kyɛ ka ya yɛm ŋmaara, bee, n‑gyigra, seeba ŋɔn yɛtti, ni, ti Dugma lappu na pun gaari la zugu, halli sɔ yi ti tɔ'asi anabitiri n‑yɛli lala, bee, sɔ yi tɔ'asi Yɛligu maa yɛttɔ'a n‑yɛli lala, bee, ba yi ti sɔbi gbaŋŋu, ni, ka yiiri la tirima saani na, n‑yɛli lala ka puuni.

II TƐSALƆNIKA DIMA 2:2 Iomraidhean Croise

MATIYU 24:24

Seeba nin ti doaai na m‑ma'ari ziri, ni, ban n nyɛ Masiiya, bee, ban n nyɛ anabidima; ba nin tum alahazibu tunkara ni ba ti yɔmsi niriba m‑basi, halli ni Naawunni ŋɔn yiisi seeba maa gba, amaa Naawunni ku sakki lala.

MAAKI 13:7

Ya yi ti wumni tɔppu damni, bee di lahabaya, yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla.

LUUKI 21:19

Ka yan kpaŋŋi ya mansi m‑bari n‑zaani maa zugu ya nin nya nyɔvuri.”

LUUKI 21:9

Ya yi ti wumni tɔppu damni, bee zaba yɛla, yan di kyɛ ka dabeem mari ya, dama see ka anŋɔ taabu daŋŋi pɔi, amaa dinŋɔ na bu wulisi, ni, naari paaya.”

GYƆNI 14:1

Ka Yisa daa laa n‑yɛli ba, ni, “Ya di kyɛ ka ya sufu sa'am. Ya niŋma Naawunni yɛdda, tɔ - ka niŋi man gba yɛdda.

GYƆNI 14:27

Sufudoaa ka n tiri ya; di nyɛ la m mammaŋŋa sufudoaa ka n zaŋŋi n‑tiri ya. Pa duniya dima maa ŋɔn mari sufudoaa seem maa tataabu ka n zaŋŋni n‑tiri ya. Yan di kyɛ ka ya sufu sa'am, ya mun di kyɛ ka dabeem mari ya.

I KƆRINTI DIMA 1:8

U siri nin mari ya suŋŋa halli nti paai di tɔriga, ka ya nin zɛ yummu ti Dugma Yisa dabsiri daari maa ni, galinseelli ka ni.

I KƆRINTI DIMA 14:32

Anabidima maa n su ba mammaŋŋa anabitiri yɛla fukumsi,

I KƆRINTI DIMA 7:26

Ni, n teesiya, ni, zuna mugsigu ŋɔn bɛ seem zugu, ba yi kpalim m‑bɛ lala, di sɔa.

ƐFƐSUSI DIMA 5:6

Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la.

I TƐSALƆNIKA DIMA 3:3

Ni, lala ti kyɛ ka sɔ ku yɔmsi ya n‑labsi ya nyaaŋŋa, wahala wa nyaabu zugu. Ya mammaŋŋa mi halli, ni, di nyɛ la Naawunni yuubu, ni, ti nya wahala wa tataabu.

I TƐSALƆNIKA DIMA 4:15

Ti Dugma yɛligu ŋɔn wulisi seem ka ti yɛtti ya maa: tiseeba ban ya n‑kpalim m‑mari nyɔvuri halli nti paai ti Dugma lappu na saha la muna - ti ku ti daŋŋi ban pun gbisiri kum ni la tooni.

I TƐSALƆNIKA DIMA 5:2

Dama ya mammansi mi halli, ni, ti Dugma lappu na saha dabsiri maa nin ti kyɛ na hoo ta'ayiga ŋɔn yi kyɛ na yuŋŋu seem la.

II TƐSALƆNIKA DIMA 2:15

Dizugu, m mabiisi, ya zɛ yummu ka mari wulisigu seelli tin daa zaŋŋi n‑wulisi ya la, di yi daa nyɛ yɛttɔ'a maa ni, bee, ti daa sɔbi nti ya.

II TƐSALƆNIKA DIMA 3:17

Tɔ, nyama sɔppu wa - man sɔbri m‑puusiri ya n toori nuu ni sɔppu: Pɔla . Lala ka n daalim n gbaŋŋu kam. N nuu sɔppu n‑siri la.

KASIGRI 19:20

Amaa ba daa gbaai bunkɔbbeoo maa, ni ziri anabi ŋɔn daa tum alahazibu tuma bunkɔbgu wa yuuri ni maa. Lala alahazibu tuma maa ka u daa zaŋŋi n‑yɔmsi ninvugseeba ban daa deaai bunkɔbgu maa daalimni la, ni ban daa gyeemni bunseelli ban daa maali n‑ŋmanni u la maa. Ba daa zaŋŋi babayi zaa, ka ba na bɛ la ba nyɔvuri ni, n‑lɔsi farinwuta bugum mɔ'ari maa ni.