II TƐSALƆNIKA DIMA 2:1 - Mampruli

¹ N ya n‑tɔ'asi n‑ti ya zaŋŋi n‑kyaŋŋi ti Dugma Yisa Masiiya lappu na, ni tin ti ya la'am n‑tuusi u soori la. Ti susiri ya ni, ti mabiisi,

II TƐSALƆNIKA DIMA 2:1 Iomraidhean Croise

MATIYU 16:27

Ya bu nya? - Ninsaala Bii maa siri nin zaŋŋi u Ba Naawunni gyirima ka kyɛ ka Naawunni malaakadima dɔli u ka u kyɛ na: lala saha maa ka u nin yɔ sɔkam samni hoo di daama tuma ŋɔn daa bɛ seem la.”

MATIYU 16:28

Ni, “Yɛlimaŋni ka n yɛtti ya wa, ninvugseeba m bɛ kpa, ban ku kpi halli ka ti nya ka Ninsaala Bii maa kyɛ na ni u naam yiiko.”

MATIYU 24:31

Ka u nin ti kyɛ ka ba peebi kikaa pampam pɔi, ka u naayi tum u malaakadima maa ka ba yi na m‑paai duniya wa lugri kam zaa n‑nya ŋɔn yiisi seeba la, ka la'asi ba taaba na.”

MATIYU 25:32

Ka ba nin la'asi duniya wa niriba zaa u saani na. Ŋɔn mun ti ya wɔligi ba taaba, hoo bunkɔbgura ŋɔn wɔligri u bunkɔbri seem, nti kyɛ ka peesi m bɛ kpa, buusi mun bɛ la kpa.

MAAKI 13:27

Di saha maa ka u nin ti tum malaakadima maa ka ba yi na m‑paai duniya wa lugri kam zaa n‑zaŋŋi ŋɔn yiisi seeba la ka la'asi ba taaba.”

ROOM DIMA 12:1

Dizugu n susiri ya ni, m mabiisi, Naawunni nambɔzoaa zugu, ni, ya zaŋŋma ya mansi m‑maali sara n‑ti Naawunni ka u nini tigi. Di nyɛ la: yan na nɛ wa, ya nin leebi Naawunni dinni, dama dina n nyɛ gyeeŋŋu maŋni n‑tiri u.

ƐFƐSUSI DIMA 1:10

ka daa maali anŋɔ zaa siri, ni a ti naayi tum n‑naai. Lala nin niŋi, a saha yi ti paai la. Ka laa m‑maali siri, ni arizana ni tingbaŋŋu buna zaa ti la'am taaba, ka Yisa naayi su a zaa fukumsi.

I TƐSALƆNIKA DIMA 2:19

Tama bɔ ka ti ya m‑mari ti Dugma Yisa saani - pa yarima kɔkɔa? Bee, sufupeelli bɔ ka ti ya n‑nya, u lappu na daari maa ni? - pa yarima kɔkɔa? lala saha yi ti paai, bumbɔ zugu ka ti nin baŋŋi, ni, ti nyaŋŋi n‑naai? - ka laa n‑nyuuri bara di zugu. Pa yarima zugu? Ay! - seelli ka ni m‑paasi?

I TƐSALƆNIKA DIMA 3:13

Ka dinŋɔna u nin kpamsi ya, ka kyɛ ka ya bari n‑zaani, ni ya ti bɛ kasi ka ka taalli ti Ba Naawunni saani. Ka di nin ti nyɛ la lala, sahanseaa ti Dugma Yisa ŋɔn ti ya labi na la, ka u toori niriba zaa nin ti dɔli u na.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

II TƐSALƆNIKA DIMA 1:3

Ti mabiisi, ti kur pɛ'ari Naawunni ya zugu, ka di sum ni lala, dama ya yɛdda kur zoaari m‑paasira, ka ya wurilim zaŋŋi n‑kyaŋŋi ya taaba saani gba zoaari pam.

II TIMƆTI 4:1

Naawunni zugu ka n ya n‑tɔ'asi yɛttɔ'a wa n‑kpaam i, Kirisita Yisa zugu; dama ŋɔn Yisa nin ti kari ban nɛ ni ban kpi zaa sariya. Ŋɔn Yisa Masiiya lappu na zugu, ni u naam diibu la zugu, ka n ya n‑yɛli i ni, ni, i niŋma nŋɔa#:-