II TƐSALƆNIKA DIMA 1:8 - Mampruli

⁸ U nin zaŋŋi bugum din dira n‑kyɛ na, ni u ti darigi ban bu mi Naawunni maa tuba, ni ban za'asi ti Dugma Yisa lahabasuŋŋu maa tuba gba.

II TƐSALƆNIKA DIMA 1:8 Iomraidhean Croise

I PIITA 4:17

Saha paaya ni sariya karibu piili. Naawunni niriba mun ya daŋŋi tooni sariya maa ni: tɔ - ka di yi piili ti saani, wula ka di ti ya n‑naai ban bu sakki n‑wum Naawunni yɛligu lahabasuŋŋu la saani?

II PIITA 3:7

Amaa sangbana ni duniya seesi an bɛ ni wa muna - Naawunni daa yɛli u yɛligu yaasa, ni, u ti mari a n‑guri ni a ti nyɔ bugum. Ba mari a n‑guri la ninvugbeeri maa sariya karibu daari, ni ba kari ba sariya ka sa'am ba.

HIBRUU DIMA 10:27

Ay! - Din kpalim nyɛ la dabeem zaŋŋi n‑kyaŋŋi sariya karibu din kyɛnni na, ni bugum seelli bun nin di baseeba ban kyiisiri Naawunni yɛla.

HIBRUU DIMA 10:30

Dama ti mi Naawunni yɛla, ni, u yɛliya#:- “Mani n su labsigu, N nin labsi n‑yɔa.” Ka yɛli m‑paasi, ni#:- “Ti Dugma nin ti kari u niriba sariya.”

HIBRUU DIMA 2:3

Ka dinŋɔna wula ka tirima nin toaai n‑zɔ n‑yi tubdarigri maa ni, ti ba'a yi ka tiliginsim din galisi wa ni? Ti Dugma mammaŋŋa n daa daŋŋi m‑mooli tiliginsim wa yɛla, ka baseeba ban daa wum lala daa wulisi ti, ni, di siri nyɛ la yɛlimaŋni.

GALƐSEAA DIMA 4:8

Daadaa la ya daa na bu mi Naawunni, ka dizugu ya daa nyɛ la daaba, halli ka ban daa su ya daa pa la Naawummaŋni.

ROOM DIMA 6:16

Ya bu mi daaba yɛla ŋɔn bɛ seem? Ya yi zaŋŋi ya mansi n‑ti sɔ ni ya leebi u daaba ka wumni u noori, ŋɔnŋɔ n leebi ya dugma ka ya kur nyɛ la yan deaai sɔ noori wa daaba. Sɔya ayi m bɛ ni#:- bee, ya nin deaai Tumbeoo noori nti nya kum; bee, Naawunni noori wumpu soori ka ya nin deaai nti paai yɛlimaŋni zaaziiya.

MATIYU 25:41

Tɔ: ka di saha maa u nin ti tɔ'asi n‑ti baseeba ban zɛ u nuzaa zii maa, ni, ‘Ya kyɛma sa! Zugbeoo bɛ ya zugu, ya kyɛm Bugum bun bu kpiira ziiya, dama ba maali bu siri n‑ti Sintaani ni u tuntumniba zaa.

KASIGRI 20:10

Ka Yɔmsira maa, Yibrisi Sintaani la, sɔ ŋɔn daa kyɛ ka niriba maa bɔrigi la, ŋɔna ka ba daa gbaai n‑zaŋŋi n‑lɔsi farinwuta bugum mɔ'ari maa ni, ya'aseaa ba daa pun lɔsi bunkɔbbeoo maa, ni u ziri anabi maa. Ka ba zaa bɛ bɛni n‑diri wahala wuntaŋŋa ni yuŋŋu, saha din ka tariga.

HIBRUU DIMA 12:29

dama ti Naawunni siri nyɛ la ‘bugum din dira’.

KASIGRI 21:8

Amaa dabeem dima, ban ka yɛdda, ni putoo dima, ni ninvugkuuriba ni ban tumni zina, ni ban tumni tiima ka gyeemni buga ni ziri kam zaa dima - ban zaa ziiya nyɛ la farinwuta bugum mɔ'ari maa ni. Lala bugum mɔ'ari maa nyɛ la kum din paasiri buyi maa.”

KASIGRI 6:10

Ka ban zaa n daa tasiri kpeeŋŋakpeeŋŋa n‑yɛtti, ni “Ti Dugma, nyin kur nyɛ la Yɛlimaŋni Daana kasikasi! - ka bɔ saha ka i nin ti kari ti sariya n‑ti ti, ka zaali duniya dima samni, ti kum zugu?”

I TƐSALƆNIKA DIMA 4:5

ka di pa la ya dɔli ningbiŋŋu kɔri soori, hoo ban bu dɔli Naawunni zaaligu ŋɔn tumni seem la.

ROOM DIMA 1:28

Ban daa bu sakki ni ba baŋŋi Naawunni maa zugu n kyɛ ka Naawunni daa zaŋŋi ba m‑basi ba toori teesiyɔya ni, nti tumni tunseesi an bu tuusi.

TUUMUDIMA TUMA 6:7

Tɔ; ka di nyaaŋŋa ka Naawunni wulisigu wumpu maa daa kur yɛligri ni, ka ban daa dɔli Yisa soori maa kaaligu daa nɔbi Gyɛrusalɛm puuni, halli ka Yɛhudiyadima maalimaanniba pam daa sakki n‑deaai Yisa yɛdda.

GYƆNI 3:19

Sariya karibu gbinni nŋɔa: neesim maa daa pun kyɛ duniya wa ni na, amaa ninsaalidima maa daa boori zibsim maa ka kyɛ neesim, ba tuma ŋɔn bɛ pam zugu.

MATIYU 25:46

Ka lala niriba nin ti kyaŋŋi namsigu din ka naari ziiya, ka banŋɔ muna, ninvugsuma la, ba nin paai nyɔvuri kan ka naari ziiya.”

I PIITA 3:6

Hoo Zaraatu ŋɔn daa wum n‑ti Ibrahim, ka boonni u ‘n daana’ la seem. Ya nin leebi la u bipunsi, ya yi ti tum din sumsi seem ka di kyɛ ka dabeem mari ya.

I PIITA 1:2

Yarima ka Naawunni ti Ba daa pun baŋŋi ya yɛla, ka yiisi ya, n‑kyɛ ka ya leebi u dinni, m‑bɛ kasi u Sii Kasi zugu la, ni ya sakki n‑ti Yisa Kirisita, ka u ziim zugu ka ya nin niŋi kasi. M puusiri ya zaa suŋŋa, ni, Naawunni ti ya alaafɛ ni sufudoaa zaa.

HIBRUU DIMA 11:8

Yɛdda zugu ka Ibrahim daa sakki, sahaseaa Naawunni ŋɔn daa booli u n‑wulisi tingbanseaa ŋɔn ya n‑zaŋŋi n‑ti u, ka ka ti leebi u faari la. U daa sakki, ka daa doaai n‑kyaŋŋi, ka dinŋɔ zaa daa niŋni maa ka Ibrahim na bu mi ŋɔn wa luginseaa maa.

HIBRUU DIMA 5:9

Ŋɔn daa ti naai seelikam, u daa ti leebi la tiliginsim kan ka naari daana n‑ti seeba ban sakki u yɛligu la.

GALƐSEAA DIMA 3:1

Yarim Galɛseaa dima wa! Yan gyɛra dima wa! Ŋɔni n lee n‑zaŋŋi u tiima n‑kyirim ya wa? Ya mammantoori nini n daa nya m‑baŋŋi Yisa Masiiya kum maa yɛla, ni, ba daa kpaasi u n‑tabli dɔpulli zugu!

II KƆRINTI DIMA 10:5

m‑paasi bunseelikam zaa kan duusiri kamaŋŋa ka za'asiri Naawunni yɛla bamsim. Ti mun zabri ni ti ti gbaasi sufu ni teesa zaa, n‑kyɛ ka a zaa ti wum n‑ti Kirisita.

I KƆRINTI DIMA 15:34

Ya maalima n‑teesi yɛlimaŋni yɛla, ka di laa n‑tumni tumbeeri. Yaseeba bɛ ni m‑bu mi Naawunni yɛla. Ya vi yɛttɔ'a ka n yɛtti wa.

ROOM DIMA 16:26

amaa pampaŋŋɔ ba kasigi a gbinni n‑wulisi ti. Hoo anabidima ŋɔn daa pun sɔbi n‑dooli seem la, lala lahabaari maa ka Naawunni, saha din ka naari la Daana, yɛtti, ni, ba yiisima na n‑wulisiri ya'ari kam, ni duniya zaa niriba ti deaai u noori n‑niŋi Yisa yɛdda.

ROOM DIMA 15:18

Dama n ku ma'asi ni n tɔ'asi seelli di yi pa la Kirisita ŋɔn zaŋŋi ma n‑tum tunseesi la; ka laa n‑yɛli yɛttɔ'aseesi la, ni di kyɛ ka ban pa Yɛhudiyadima maa ti sakki n‑ti Naawunni.

ROOM DIMA 10:16

Amaa pa sɔkam zaa n daa sakki n‑ti lahabasuŋŋu maa; hoo Aizaaya ŋɔn daa yɛli seem la, ni, “Ti Dugma, ŋɔni n niŋi ti kukɔri la yɛdda? - Ay, sɔ zaa bu niŋi!”

ROOM DIMA 1:5

Ŋɔn zugu n kyɛ ka Naawunni niŋi bunsuma n‑niŋi ti ni, ka laa n‑kyɛ ka tirima leebi u tuumu. Ka u tum ti, ni ti ti kyɛ ka tingbana zaa niriba yi niŋi yɛdda u yuuri zugu ka deaai u noori.

GYƆNI 8:19

Ka ba boosi u, ni, “I ba maa lee?” Ka Yisa labsi n‑yɛli ba, ni, “Ya bu mi ma, ya mun bu mi m Ba maa. Ya yi da mi ma, ya da naa m‑baŋŋi m Ba maa gba.”

GYUUDA 1:7

Lala gba ka Sɔdoom dima, ni Gɔmɔra dima, ni tinseesi an daa gyiligi bɛni niriba m‑paasi daa bɛ ni. Ba daa tumni la zina tuma ka dɔli la kɔrisi yɛliseesi an bu dɔli soori; ka lala zugu ka Naawunni daa kyɛ ka ba nya tubdarigri saha din ka naari, bugum maa ni; halli ka ba yɛla ti leebi la wulisigu n‑kpamsiri sɔkam zaa.