II TƐSALƆNIKA DIMA 1:5 - Mampruli

⁵ Dinŋɔ n wulisi, ni, Naawunni sariya karibu tuusiya zaa, ni, ya nyɛ la ban sum ni Naawunni naam, halli ni ya diri wahala u naam la zugu.

II TƐSALƆNIKA DIMA 1:5 Iomraidhean Croise

LUUKI 20:35

amaa ninvugseeba ban sumni ni ba ti neaai kum ni m‑paai nyɔvuri kan ka tɔriga ziiya maa muna - ban ku laa n‑diri pɔ'aba bee n‑kunni dɔppa,

LUUKI 21:36

Dizugu yan di gbisiri sahakam, ka ya susiri Naawunni; di nin kyɛ ka ya nya kpeeŋŋu n‑tuligi n‑yi din ti ya niŋi maa zaa ni, ka naayi zaani Ninsaala Bii maa tooni.”

TUUMUDIMA TUMA 13:46

Amaa Pɔla ni Baanabasi daa zaŋŋi ba sufukpeemni n‑labsi ba, n‑yɛli, “Tɔ! Ti yi da bu daŋŋi n‑kyɛ ka yarima wum Naawunni lahabasuŋŋu maa, di naa n‑ku mari soori. Amaa yan za'asiri maa ka yɛnni, ni, ya bu sumsi ni ya nya nyɔvuri kan ka naari maa; tɔ, ti nin labsi ti zikki la ban pa Yɛhudiyadima la saani.

TUUMUDIMA TUMA 14:22

Ba daa kaai Yisa nyaandɔliseeba ban bɛ lala tinsi maa ni n‑kpamsiri ba, ni, ba kpaŋŋma ba mansi m‑bari n‑zaani ni sufukpeemni, dama din bɛ seem maa, faasee ka ti nya namsigu pam pɔi ka naayi paai Naawunni naam beebu.

ROOM DIMA 2:5

Ay! I tuppuwumni zugu ka i ku sakki n‑ŋmaligi ka kyɛ i yɛlibeeri maa, ka lala ka i la'asiri toom yɛla n‑zaantiri n‑tiri i maŋŋa, zaŋŋi n‑kyaŋŋi Naawunni suuri daari; sahanseaa ka u laa n‑nyɛ la ŋɔn katti sariya ni yɛlimaŋni ka sɔkam zaa nya.

ROOM DIMA 8:17

Tɔ, ka ti yi nyɛ la Naawunni biisi, ti laa n‑nyɛ la u faari dittiba. Ti nin di faari Naawunni saani, halli tin ni Kirisita nin la'am n‑di ka. Tin ni ŋɔn yi siri ti la'am n‑di u wahala, dinŋɔna ti ya la'amni n‑nya u gyirima gba.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

FILIPAAI DIMA 1:28

Ninvugseeba m bɛ ni m bu boori ya yɛla halli. Amaa yan di zɔri ba yɛla dabeem seelikam zaa zugu. Ba zabboobu wulisiri la ya zaa yɛla, ni, ban nin baasi yɔri, yarim mun nin nya tuliginsim, ka di yi la Naawunni saani na.

KƆLOOSIDIMA 1:12

m‑puusiri ti Ba Naawunni taari, ŋɔn sɛ'asi ti ni ti la'am ni u niriba zaa n‑deaai ti tɔrli, neesim tiŋŋa maa ni sa.

I TƐSALƆNIKA DIMA 2:14

Ti mabiisi, ya daa nya wahala hoo Naawunni niriba ban bɛ Gyuudiiya tingbaŋŋu ni la ŋɔn daa nya seem la - niriba ban nyɛ Yisa Masiiya ŋɔn su seeba la. Ya daa nya wahala ya mammaŋŋa timbiisi saani, hoo ban gba ŋɔn daa nya wahala ba Izraɛli taaba saani seem la.

II TƐSALƆNIKA DIMA 1:11

Di zugu ka ti kur susiri Naawunni n‑tiri ya. Ti susiri Naawunni, ni, u ti kyɛ ka ya bɛ beesisuŋŋu hoo ŋɔn booli ya ni ya bɛ seem la, ka zaŋŋi u yiiko n‑suŋŋi ya ka ya tum ya sufu yuubu tuma, ni ya yɛdda tuma, n‑naai; ka bu pɔsigi seela.

II TIMƆTI 2:12

Ti yi kpalim n‑niŋni sugru, Tin ni ŋɔna nin ti la'am n‑di naam. Ti mun yi za'asi u, Ŋɔn gba nin za'asi ti.

KASIGRI 15:4

Ti Dugma, sɔ ka ni n ku zɔ dabeem Ka pɛ'ai i yuuri maa. Nyin kɔkɔ n nyɛ kasi. Bura kam dima nin kyɛ na Ni ba ti gyeemni i tooni. Dama i sariya karibu mari yɛlimaŋni Ka sɔkam zaa nya ka baŋŋi.”

KASIGRI 16:7

Di saha ka n daa wum ka Gyeeŋŋu Duu puuni teebuli la daa tɔ'asi n‑yɛli, ni#:- “Ii, yɛlimaŋni, ti Dugma, Naawunni Ŋɔn Gaari Zaa, Nyin ŋɔn katti sariya seem, Din tuusi ni yɛlimaŋni n nyɛ di!”

KASIGRI 19:2

U katti la sariya ni yɛlimaŋni, Ka lasim ka ni. Dama u lusi pɔ'agoorli wa, Pɔ'agoora toondaana wa, Sɔ ŋɔn daa sa'amni duniya wa zaa m‑basi zaa, u zina tuma zugu. Ka Naawunni lusi u n‑darigi u tubri Ŋɔn daa ku u niriba la zugu.”

KASIGRI 3:4

Amaa ya Saadisi dima maa seeba bu sa'am ya situra ni da'ari tuma. Ban nin ti yɛ situripeela ka man ni ban nin la'am n‑kyɛnna, dama ba sum la lala.