II TƐSALƆNIKA DIMA 1:4 - Mampruli

⁴ Dinzugu ti kur nyuuri la bara n‑yɛtti Naawunni niriba zaa n‑wulisiri ba yan zɛ yummu seem, ni ya yɛdda niŋbu yɛla, halli ni ya nyari namsigu ka diri wahala zaa.

II TƐSALƆNIKA DIMA 1:4 Iomraidhean Croise

ROOM DIMA 12:12

Yan mari tama maa zugu, ya kyɛ ka ya sufu maai; yan mun nya namsigu sahanseaa maa, ya kur mari sugru di puuni; ka yan susiri Naawunni maa, ya susima nimbirimoaa.

ROOM DIMA 2:7

Baseeba ban kpa n‑tum suŋŋa m‑boori veelim, ni gyirima, ni nyɔvuri din bu sa'amni la ziiya, ban ka Naawunni nin tisi nyɔvuri kan ka tɔriga.

ROOM DIMA 8:25

Amaa ti yi mari tama zaŋŋi n‑kyaŋŋi ti nini ŋɔn bu nyari bunseaa, ti nin guri di la ni sugru.

I KƆRINTI DIMA 7:17

Di zaa yɔri, ya kyɛ ka sɔkam kpalim m‑bɛ beesiseaa ti Dugma ŋɔn daa zaali u, sahanseaa Naawunni ŋɔn daa booli u maa. N zaaligu n‑kur la, man yi bɛ Naawunni niriba la'aŋŋu kam zaa ni.

II KƆRINTI DIMA 12:10

Dinŋɔ zugu n nin nya sufudoaa man yi bugsa sahanseaa la, ni ban tuuri ma sahanseaa, ni wahala diibu saha gba; ka laa n‑nya sufudoaa namsa ni yɛlimugsa ni, di yi nyɛ Kirisita zugu. Man bukki ni maa, dina ka m mari la yaa.

II KƆRINTI DIMA 7:14

N daa pun tɔ'asi n‑ti u n‑nyuuri bara zaŋŋi n‑kyaŋŋi ya yɛla, ka ya mun daa bu diisi ma vi. Tin daa yɛli seelli zaa n‑ti ya la daa nyɛ la yɛlimaŋni, ka lala ka tin daa nyu bara seesi n‑ti Taituusi ya zugu la gba siri daa niŋi yɛlimaŋni.

II KƆRINTI DIMA 7:4

N siri niŋi ya yɛdda ka tɔ'asiri pam n‑nyuuri bara ya zugu. N nya n sufu maasim zaa di zugu; ni ti wahala diibu zaa yɔri, n sufu pɛligiya pam.

II KƆRINTI DIMA 9:2

Dama m pun mi halli yan boori ni ya suŋŋi lala seem. Halli n pun tibgi ya yuuri Masidoonya dima saani, ni, ya Akaaya tingbaŋŋu dima wa n pun maali ya siri ni ya tisi ka di yuui, halli yuumni la sa. Ka ya zigizigi la yɛla daa kyɛ ka ba niriba pam gbaai tuma wa m‑paasi.

II KƆRINTI DIMA 9:4

ka m bu boori Masidoonya niriba ti dɔli ma na n‑nya ka ya bu niŋi siri zaa. Lala nin diisi tirima vi, ka laa n‑diisi ya gba vi, tin daa niŋi ya yɛdda seem wa zugu.

I TƐSALƆNIKA DIMA 1:3

Ti Ba Naawunni tooni ka ti teaari ya yɛla sahakam, zaŋŋi n‑kyaŋŋi ya yɛdda niŋbu la yɛla, ni ya wurilim tuma nimmoosi yɛla, ni yan mari tama seem n‑zɛ yummu n‑tiri ti Dugma Yisa Masiiya.

I TƐSALƆNIKA DIMA 2:14

Ti mabiisi, ya daa nya wahala hoo Naawunni niriba ban bɛ Gyuudiiya tingbaŋŋu ni la ŋɔn daa nya seem la - niriba ban nyɛ Yisa Masiiya ŋɔn su seeba la. Ya daa nya wahala ya mammaŋŋa timbiisi saani, hoo ban gba ŋɔn daa nya wahala ba Izraɛli taaba saani seem la.

I TƐSALƆNIKA DIMA 2:19

Tama bɔ ka ti ya m‑mari ti Dugma Yisa saani - pa yarima kɔkɔa? Bee, sufupeelli bɔ ka ti ya n‑nya, u lappu na daari maa ni? - pa yarima kɔkɔa? lala saha yi ti paai, bumbɔ zugu ka ti nin baŋŋi, ni, ti nyaŋŋi n‑naai? - ka laa n‑nyuuri bara di zugu. Pa yarima zugu? Ay! - seelli ka ni m‑paasi?

II TƐSALƆNIKA DIMA 3:5

Ti Dugma kyɛ ka ya baŋŋi u wurilim ŋɔn nyɛ seem, ka ya diri sugru hoo Kirisita Masiiya ŋɔn diri di seem la zaa.

HIBRUU DIMA 10:36

See ka ya mari sugru. Lala nin kyɛ ka ya nin toaai n‑tum Naawunni ŋɔn boori seem ka naayi deaai bunsunseesi Ŋɔn daa basi noori, ni, u nin ti ti seem maa.

HIBRUU DIMA 6:12

Ya yi ti niŋi lala, ya ku tumni gbinnya'ari. Ay! - ti bu boori lala. Amaa ya nin dɔli ninvugsuma soori, ninvugseeba ban daa niŋi yɛdda ni sugru, halli nti di faariseaa Naawunni ŋɔn pun pɔ noori, ni, u nin zaŋŋi n‑ti ti la.

HIBRUU DIMA 6:15

Ka Ibrahim ŋɔn daa niŋi sugru seem maa n daa kyɛ ka u naayi di nangbampɔri yɛla maa.

GYEEMSI 5:11

Ya teaama, ni, di nyɛ la seeba ban mari ba maŋŋa maa ka ti yɛtti, ni, ba nya zugsuŋŋu Naawunni saani. Ya pun wum Ayuuba ŋɔn daa gbaai u maŋŋa n‑di sugru seem maa; ka ya mi halli, ti Dugma Naawunni ŋɔn daa naayi tum seem n‑ti u. Dama ti Dugma Naawunni maa nyɛ la wurilim zaa daana ka zɔri niriba namboo.

II PIITA 1:6

ka mari ya mansi m‑paasi bamsim zugu; ka laa m‑paasi sugru ni Naawunni gyeeŋŋu sɔsuŋŋu anŋɔ zaa zugu.

KASIGRI 14:12

Kpa wa ka ti nya Naawunni niriba ban zɛ yummu ka di sugru seem maa: ba kpalim n‑dɔli Naawunni zaaligu yɛla suŋŋa, ka niŋi yɛdda ni Yisa.