I TƐSALƆNIKA DIMA 5:6 - Mampruli

⁶ Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa.

I TƐSALƆNIKA DIMA 5:6 Iomraidhean Croise

MATIYU 13:25

Ka yunseaa, sɔkam zaa ŋɔn daa ti gbisi, ka u dindaana daa kyaŋŋi nti buri niimbɛŋni n‑niŋi puu maa bumbula maa sunsukkuni, ka bakki.

MATIYU 24:42

Yan di gbisi yaa! dama ya bu mi sahaseaa ka ya Dugma maa ti ya n‑kyɛ na.

MATIYU 25:13

Ka Yisa daa laa n‑yɛli, ni, “Tɔ! Ka dizugu yan di kyɛ ka goom mari ya! Dama ya bu mi dabsiri maa paari na saha deede.”

MATIYU 25:5

Tɔ, ka amriya doo maa daa yuui paari na, dizugu daa kyɛ ka goom mari pɔ'asara wa zaa ka ba ti gbisi.

MATIYU 26:38

Ka u daa yɛli ba, “Beerim din bɛ n sufu ni wa zoaaya pam, n‑ŋmanni din ya ku ma. Ya kpalimma kpa ka man ni yarim ti guusira.”

MAAKI 13:37

Ka man yɛtti yarima seem wa, n yɛtti la sɔkam zaa, ni, ya sɛ'asima n‑gura.”

LUUKI 12:37

Ka Yisa daa laa n‑yɛli ba, “Daabseeba ban bu ti gbisira, ka ziya n‑guri ba dugma halli ka u ti paai na - ay! ba nin ti mari sufupeelli pam.” Ni, “Yɛlimaŋni ka n ya n‑yɛli ya wa, ni, u nin yeaai u kparigu maa ka kyɛ ka ba zinni ka u gyeemni ba.

LUUKI 12:39

Ya baŋŋma, ni, yiddaana yi da mi sahanseaa na'ayiga ŋɔn ya kyɛ u yiri ma na, u naa n‑guri ka ku kyɛ ka u kabi n‑kpɛ u yiri maa ni na.

LUUKI 21:36

Dizugu yan di gbisiri sahakam, ka ya susiri Naawunni; di nin kyɛ ka ya nya kpeeŋŋu n‑tuligi n‑yi din ti ya niŋi maa zaa ni, ka naayi zaani Ninsaala Bii maa tooni.”

LUUKI 22:46

Ka u boosi ba, ni, “Wula ka ya gbisira? Ya doaama n‑susi Naawunni ka lala nin kyɛ ka ba ku zamsi ya halli ka ya ti lu.”

TUUMUDIMA TUMA 20:31

Dizugu ya guusima sahakam! Ya teaama n yɛla, ni, yuuma ata an gaari wa n daa bu kyɛ ya kpamsigu ni nintam, wuntaŋŋa ni yuŋŋu zaa.

I KƆRINTI DIMA 15:34

Ya maalima n‑teesi yɛlimaŋni yɛla, ka di laa n‑tumni tumbeeri. Yaseeba bɛ ni m‑bu mi Naawunni yɛla. Ya vi yɛttɔ'a ka n yɛtti wa.

I KƆRINTI DIMA 16:13

Tɔ: ka dinŋɔna ya baŋŋma suŋŋa! Ka zɛ deede ya yɛdda ni, m‑mari sufukpeemni ka kpamsiri ya mansi.

ƐFƐSUSI DIMA 2:3

Halli tirim zaa gba daa bɛ la ban puuni sahaseaa, n‑tumni la ti tumbeeri beesigu ŋɔn daa boori seem, n‑dɔli ka boorimma ni ka teesa. Hoo banla, duniya wa ala'akyi dima n daa nyɛ ti gba. Sɛseelli daa bu sumni ti, na'ala Naawunni sugyeaa ni tubdarigri.

ƐFƐSUSI DIMA 5:14

dama neesim n kyɛ ka ti nyari seelikam. Dizugu ka ba yɛtti, ni#:- “Nyin gɔgbisira wa, doaama! Neaam kum ni! - Ka Kirisita nin ti neaai na n‑ti i.”

ƐFƐSUSI DIMA 6:18

Ya mari wunsusigu sahakam, n‑susiri m‑bɛlimni Naawunni yan boori seelikam, Sii Kasi maa soori ni. Halli ya galima gɔgala gba, ni ya ti susira; yan bɛlimma u, ka teaai u u maŋtoori niriba zaa yɛla.

FILIPAAI DIMA 4:5

Ya kyɛ ka sɔkam baŋŋi ya nirilim ŋɔn nyɛ seem. Ti Dugma pɔri ti saani na.

KƆLOOSIDIMA 4:2

See ka ya kur pɛ'ari n‑susiri Naawunni ni nimbirimoaa; yan di gbisi ka kyɛ puusigu. Ka laa m‑puusiri Naawunni barika sahakam.

I TƐSALƆNIKA DIMA 4:13

Ti mabiisi, ti bu boori ni ya bɛ ziilinsi ni zaŋŋi n‑kyaŋŋi ninvugseeba ban gbisiri kum ni la yɛla, ka di nin kyɛ ka ya ku fabinna ban kpi la zugu hoo ban ka tama ŋɔn niŋni seem la.

I TƐSALƆNIKA DIMA 5:10

Ŋɔna n daa kpi ti zugu, ni di kyɛ ka ti zaa ti la'am m‑bɛ u saani, di yi nyɛ la ti bɛ la ti nyɔvuri ni, bee, ti kpi ni.

I TƐSALƆNIKA DIMA 5:8

Amaa tirima n nyɛ wuntaŋŋa ni niriba: di zugu ya kyɛ ka ti mari ti maŋŋa. Ya kyɛ ka ti zaŋŋi yɛdda ni wurilim n‑leebi ti nyɔta'arigu m‑pa ti nyaari zugu, ka zaŋŋi ti tuliginsim tama n‑leebi tɔbtuusira kutti zupiliga la m‑pili.

I TIMƆTI 2:15

Amaa pɔ'aba yi kur kpalim m‑mari yɛdda, ni wurilim, ka bɛ kasi, ka mari ba mansi suŋŋa, ba nin nya tuliginsim, biisi dɔ'am puuni.

I TIMƆTI 2:9

N laa m‑boori la pɔ'aba gba yeeri suturiveela an sumni ba, seesi an ka galinsi, bee, vi - pa la zugri paaŋŋu, bee salima ni anzulifa nangɔkɔrisi yeebu, bee, kyinkyina an mari ligri pam soobu.

I TIMƆTI 3:11

Ka di laa m‑bɛ la lala pɔ'aba saani gba; di kpa la talasi ka ba mari beesisuŋŋu ka niriba tiri ba gyirima. Di bu sum ni ba nyɛ seeba ban zuuri niriba nyaaŋŋa, amaa ban gbaari ba mansi suŋŋa ka zɛ yummu bunseelikam zaa ni.

I TIMƆTI 3:2

Ka di kpa la talasi ni Naawunni niriba toondaana bɛ la beesisuŋŋu ka ka galiŋŋu. Di sumni ni u mari la u pɔ'a yinni, ka laa m‑mari u maŋŋa suŋŋa, m‑mari mangbaari, ka niriba tiri u gyirima. Di sum ni u nyɛ la sɔ ŋɔn deaari saamma ka niŋni ba saanni, ka nyɛ ŋɔn nin toaai n‑wulisi niriba suŋŋa m‑paasi.

II TIMƆTI 4:5

Amaa nyin muna - kur gbaama i maŋŋa yɛlli kam zaa puuni, m‑mari sugru wahala diibu ni; tumni lahabasuŋŋu mooligu tuma, ka laa n‑tum Naawunni ŋɔn yiisi i, ni i tum tunseaa la.

TAITUUSI 2:12

U wurilim piini wa lahabaari n wulisiri ti, ni, ti za'asima din bu dɔli Naawunni soori, ni din nyɛ duniya wa kɔribeeri, amaa ka kur mari mangbaari, ka zɛ deede, ka laa m‑mari beebu seelli din dɔli la Naawunni soori, saha kanŋɔna.

TAITUUSI 2:6

Di sumni, ni, i kpamsi na'akyimbisi la gba ka ba mari mangbaari.

I PIITA 1:13

Anŋɔ zaa zugu, see ka ya maali siri ya sufu ni, ka mari ya mansi. Ya zaŋŋma ya sufu ni teesa ba'aba zaa n‑niŋi ya tama maa yɛla ni, zaŋŋi n‑kyaŋŋi bunsunseesi Naawunni ŋɔn ya n‑zaŋŋi n‑ti ya, Yisa Masiiya ŋɔn ti ya yi paalu na dahinseaa la.

I PIITA 4:7

Bunseelli kam zaa naari ni maa, dizugu ya mari ya mansi n‑guri suŋŋa, ka susiri Naawunni.

I PIITA 5:8

Ya gbaam ya mansi suŋŋa sahakam, dama Sintaani ŋɔn nyɛ ya dindaana maa kur goori hoo gbigimni la n‑kaasiri m‑boori sɔ ni u gbaai n‑ŋɔbi.

KASIGRI 16:15

Ni, “Ya bu nya? N nin kyɛ na hoo na'ayiga ŋɔn kpeeri na seem. Zugsuŋŋu bɛ ni n‑ti ninvugsɔ ŋɔn bu gbisiri goom, ka kpalim n‑yɛ u kyinkyina la - lala ka u ku kyɛnni yɔriyɔri ka ba gɔsiri u n‑diisi u vi.”

KASIGRI 3:2

Ya neaama! ka kpamsi din kpalim ya saani, halli an ya n‑kpi gba, dama m bu nya ya tuma maa ka a nya tummuna Naawunni saani.