I TƐSALƆNIKA DIMA 4:9 - Mampruli

⁹ Di bu kpa talasi ni n‑sɔbi n‑wulisi ya yan nin wuri taaba seem, dama Naawunni pun wulisi ya yan nin wuri ya mabiisi seem, ka ya bamsi lala u saani suŋŋa.

I TƐSALƆNIKA DIMA 4:9 Iomraidhean Croise

MATIYU 22:39

Kan paasi buyi daana ŋmanni la kana: ka nyɛ la, ni, ‘Wuri i taraana hoo nyin wuri i mammaŋŋa seem la.’

GYƆNI 14:26

Suŋŋna maa muna, u yi ti paai na, ŋɔn nin wulisi ya bunseelikam, ka teaari ya man ŋɔn pun yɛli ya seem maa zaa. Ŋɔna n nyɛ Sii Kasi maa, ka m Ba Naawunni nin tum u na man yuuri zugu.

TUUMUDIMA TUMA 4:32

Di saha maa ka ninvugseeba zaa ban daa sakki n‑ti Yisa la daa mari nangbanyinni ni sufu yinni. Ba sɔsɔ daa bu yɛli, ni, u marigu kam zaa nyɛ la ŋɔn kɔkɔ dinni: ba daa la'amni n‑tɔtti seelikam zaa n‑tiri taaba.

ROOM DIMA 12:10

Zaŋŋi n‑kyaŋŋi mabitirigu wurilim, see ka ya wuri taaba suŋŋa. Zaŋŋi n‑kyaŋŋi gyirima mun tisibu, see ka ya gyeemni taaba nimmoosi.

II KƆRINTI DIMA 9:1

Tɔ: ka ligri toosigu n‑tiri Naawunni niriba la yɛla muna - di pa la yɛlimugsa man saani ni n sɔbi di yɛla n‑ti ya.

FILIPAAI DIMA 3:15

Ti zaa yi ti kyɛ biilim ni na'akyimni yɛla ka paai ninvugmaŋni ziiya, lala teesa ka ti zaa nin teesira. Ya sɔ yi bu teesiri lala, anŋɔ gba ka Naawunni nin kasigi n‑wulisi n‑ti u.

I TƐSALƆNIKA DIMA 5:1

Ti mabiisi, di bu laa n‑kpa talasi ni ti laa n‑sɔbi n‑ti ya zaŋŋi n‑kyaŋŋi dabsa ni saha seelli din ti ya n‑niŋi.

HIBRUU DIMA 10:16

“Ti Dugma yɛliya, ni, ‘Lala ka n daa basi noori n‑ti ba, Ni, n nin suŋŋi ba dabsa an kyɛnni na: Ni, n nin zaŋŋi n zaaligu yɛla n‑sɔ'ai ba sufu ni; Di ya n‑niŋi hoo man zaŋŋi la bunni n‑sɔbi n‑niŋi a zaa ba sufu ni seem la.’ ”

HIBRUU DIMA 13:1

Ya kyɛ ka ya kpalim n‑wuri taaba hoo mabiisi.

I PIITA 3:8

Dinŋɔ zaa nyaaŋŋa, ya zaa la'am m‑bɛ ni taaba suŋŋa. Ya zɔm taaba namboo. Ya wuri taaba hoo mabiitiri. Ya mari namboo ni taaba ka di duusiri ya mansi.

I PIITA 4:8

Din gaari a zaa nyɛ la, ya zaŋŋma ya sufu zaa n‑wuri taaba ni yɛlimaŋni, dama wurilim sɔ'ai la tumbeeri pam taalli.

II PIITA 1:7

M‑paasi ya gyeeŋŋu zugu, ya mari nirilim n‑tiri taaba, ka din paasi bunseelli kam zaa nyɛ la wurilim.

I GYƆNI 2:10

Ŋɔn mun wuri u mabiiya kpalim m‑bɛ la neesim maa ni, ka seelli ka u ni kan nin toaai n‑kyɛ ka u taraana ti tuui n‑tum taalli.

I GYƆNI 3:11

Dama lahabaari kanŋɔ ka ba daa wulisi ya piiligu ni, ni, ti kyɛ ka ti wuri taaba.

I GYƆNI 3:23

U lala zaaligu maa nŋɔa: ni, ti niŋi Naawunni Bii maa yɛdda, Yisa Kirisita, ka laa n‑wuri taaba hoo ŋɔn Naawunni ŋɔn wulisi ti seem la.

I GYƆNI 4:21

Zaaligu seaa Yisa ŋɔn daa zaŋŋi n‑ti ti maa nyɛ la nŋɔa#:- ŋɔnkam zaa wuri Naawunni, di sumni ka u wuri u mabii gba.