I TƐSALƆNIKA DIMA 4:7 - Mampruli

⁷ Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori.

I TƐSALƆNIKA DIMA 4:7 Iomraidhean Croise

ROOM DIMA 1:7

Tɔ: yarima ka n sɔbri gbaŋŋu wa n‑tiri ya, ya zaa ban bɛ Room tiŋŋa ka Naawunni wuri ya ka booli ya nti kyɛ ka ya leebi u niriba maa. Ti Ba Naawunni, ni ti Dugma Yisa Kirisita, tim ya bunsuma ni alaafɛ zaa.

I KƆRINTI DIMA 1:2

N sɔbri n‑tiri yarima, yaseeba ban la'amni Kɔrinti tiŋŋa maa ni n‑gyeemni Naawunni: yan bɛ Yisa Kirisita Masiiya saani maa zugu n kyɛ ka ya nyɛ la Naawunni maŋtoori niriba. Lala zugu ka u boonni ya u saani, ka laa m‑paasiri ya zugu ninvugseeba ban leebi Naawunni dinni tiŋŋa kam zaa ni, ka ba zaŋŋi la Yisa Kirisita yuuri m‑puri ba, dama u nyɛ la ba Dugma, ni ti gba Dugma.

GALƐSEAA DIMA 5:19

Ninsaala kɔrisi tuma ŋɔn bɛ seem kur yi paalu ni. Zina da'ari tuma n nyɛ a, ni kyɔ'ansi beebu, ni ban bu mari ba mansi suŋŋa tuma zaa:

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 4:19

Ba ba'a laa n‑ka ba soori ni, ka yi tuusi, bee, ka bu tuusi? Ba zaŋŋi ba mansi n‑ti yɛlibeeri balibu kam n‑kpalim m‑boori m‑paasi, dama ba sufu boorimma nla.

I TƐSALƆNIKA DIMA 2:3

Tin tɔ'asiri ya yɛttɔ'aseesi maa bu yi kyiriŋŋu bee kɔribeeri bee yɔmsigu ni na;

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

HIBRUU DIMA 12:14

Tɔ: ya kpaŋŋma ya maŋŋa ka nangbanyinni bɛ yan ni sɔkam zaa saani, ka galinsi ku bɛ ni; amaa ya la'amni m‑bɛ beebu kasi n‑tiri taaba, dama di yi pa lala sɔ ka ni n nin nya ti Dugma maa.

II PIITA 2:10

Ka niriba wa seeba gaari ba zaa - di nyɛ la: baseeba ban zaŋŋi ba zikki zaa n‑niŋi ningbiŋŋu kɔrisi ni, ka za'asi kpamma nɔya wumpu. Lala niriba ba'a ka sɔsɔ yɛla ni, saazugu gyirima daandima ka ba bu zɔra, ka laa n‑tɔ'asiri yɛttɔ'abeeri ka zaŋŋi ba sufukpeemni n‑tuuri ba.