I TƐSALƆNIKA DIMA 4:6 - Mampruli

⁶ Dinŋɔ zugu, sɔ di tum u kpeaa din bu tuusi, bee, u fa u kpeaa. Ti Dugma nin ti darigi ban tumni din bu tuusi wa tuba, hoo tin daa pun kpaam ya seem la.

I TƐSALƆNIKA DIMA 4:6 Iomraidhean Croise

MAAKI 10:19

Tɔ; ka i mi zaaligu maa ŋɔn nyɛ seem: ni, ‘Di ku ninsaala.’; ni, ‘Di tum zina.’; ni, ‘Di zu.’; ni, ‘Di di ziri sɛhara n‑lusi i kpeaa u yɛlli ni.’; ni, di yɔmsi niriba n‑di ba neema; ni, ‘Tim i ba ni i ma gyirima’. ”

LUUKI 12:5

Amaa n nin wulisi ya din sumsi ni dabeem yi mari sɔa: ya zɔm sɔ ŋɔn nin toaai n‑zaŋŋi ya, ya kum nyaaŋŋa, n‑lɔsi bugum ni. Ya niŋma ma yɛdda, ni, ŋɔna ka di kpa talasi ni ya zɔri u.

LUUKI 16:28

dama m mabiisi anu na bɛ ni, ka u kyaŋŋi nti sɛ'asi ba ni ba di kyɛ na n‑kpɛ man ŋɔn bɛ wahala seaa wa ni.’

ROOM DIMA 1:18

Dama Naawunni bɛ la arizana ni, ka u nin ti wulisi u sufu ŋɔn yisigi seem n‑tiri seeba ban mi ŋɔn Naawunni yɛlimaŋni maa ka bu boori ni di yi paalu. Ba za'asiri Naawunni ka tumni ba putoo tuma, ni ba tumbeeri tuma.

ROOM DIMA 12:19

M mabiwutta, yan di yɔ sɔ tumbeeri samni, amaa ya kyɛ u yoobu yɛla n‑ti la Naawunni, dama ŋɔna n su tubdarigri yɛla zaa. Dama di sɔbi n‑dooli, ni, ti Dugma yɛliya, ni, labsigu n nyɛ u dinni, ni, ŋɔna nin labsi n‑yɔa.

ROOM DIMA 13:4

Ŋɔn su naam fukumsi la nyɛ la Naawunni tuntumna, i suŋŋsim zugu. Amaa i yi ti tum din bu tuusi, nyin zɔma u, dama u bu mari naam yiiko maa yɔri; dama u nyɛ la Naawunni ŋɔn zaali sɔ ni u ti zaŋŋi ŋɔn Naawunni sufuyisigri n‑darigri tumbeeri dima tuba.

II KƆRINTI DIMA 7:11

Ya bu nya Naawunni zugu sufusa'aŋŋu wa ŋɔn suŋŋi ya seem? - ya boori yooma m‑maali yɛttɔ'a maa, ka bu boori galiŋŋu di zugu. Ya gyɛ la suuri n‑niŋi tumbɛtumna la, ka zɔri tumbeoo la yɛla dabeem; ya boori nimmoosi ni ya maai yɛlli maa, ni ya kari yɛttɔ'a maa sariya ni yɛlimaŋni. Bunseelli kam puuni ya daa wulisi, ni, ya yi yɛla wa ni, ka ka taalli di zugu.

GALƐSEAA DIMA 5:21

Halli ba zabri nyuuri; ka laa n‑nyuuri daam m‑bugra; ka tumni tunkyɔ'ama, ni tumbeeri wa taabu baligu kam zaa. N yɛtti ya ni, kaman man daa pun daŋŋi n‑yɛli ya seem la: ni, ban kam zaa bɛ anŋɔ taataabu beesigu maa ni ku ti di Naawunni naam faari.

ƐFƐSUSI DIMA 4:17

N yɛtti ya la nŋɔa#:- n kukɔri ka n yɛtti ni, Naawunni zugu, ni, yan di kyɛ ka ya beesigu na bɛ la hoo ban bu mi Naawunni la ŋɔn bɛ seem, ba sufu ni teesiyɔya ziilinsi zugu.

ƐFƐSUSI DIMA 4:28

Ŋɔn yi zuuri zaa kyɛli zuubu ka zaŋŋi u nuusi n‑tumni tunsuma: di nin kyɛ ka u mari bunseesi ka u nin toaai n‑zaŋŋi n‑suŋŋi ban kɔŋŋni la.

ƐFƐSUSI DIMA 5:6

Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la.

I TƐSALƆNIKA DIMA 2:11

Ya mi halli tin daa tumni seem n‑tiri ya maa, ni, di daa ŋmanni hoo dɔsɔ ŋɔn niŋni u mammaŋŋa bii seem la.

II TƐSALƆNIKA DIMA 1:8

U nin zaŋŋi bugum din dira n‑kyɛ na, ni u ti darigi ban bu mi Naawunni maa tuba, ni ban za'asi ti Dugma Yisa lahabasuŋŋu maa tuba gba.

HIBRUU DIMA 13:4

Ya kyɛ ka doo ni u pɔ'a beebu mari gyirima, ka ba la'am m‑bɛ ni ni yɛdda, ka di veela; di kyɛ ka ba goori hoo dɔgoora bee pɔ'agoora. Naawunni nin kari lala niriba sariya, ni zina zaa tumniba dinni, n‑lusi ba.

HIBRUU DIMA 2:6

Amaa sɔ n daa sɔbi Naawunni yɛligu luginseaa ni, ka yɛli, ni#:- “Ti Dugma Naawunni, ninsaala nyɛ la bɔa? - Halli ka i teesiri u yɛla? Bee, daadam bii dee n‑nyɛ la bɔa? - Ka i ba'a bɛ u ni?

GYEEMSI 2:6

Di zaa yɔri, ya na kur zeemni la nɔndaandima! Yaasa - bandima n namsiri ya ka mari ya n‑yiiri sariya kattiba tooni la? Pa bundaandima nla?

GYEEMSI 5:4

Tuntumniba daa tum ya tuma, amaa ya daa nyɛri ba; ya wumma! - ya lala tumbeeri damni ŋɔn paai saazugu seem! Ba daa la'asi ya puri antaam n‑ti ya na, ka bu deaai sɛseela: ban kumni seem n‑niŋni ya, ya baŋŋma ka ba kunkuma maa lu la ti Dugma Naawunni Ŋɔn Ka Kpeaa tuba ni.