I TƐSALƆNIKA DIMA 4:3 - Mampruli

³ Naawunni yuubu ya saani nyɛ la: ya maali n‑leebi u niriba ka bɛ kasi, ka di tum zina.

I TƐSALƆNIKA DIMA 4:3 Iomraidhean Croise

MATIYU 12:50

Ŋɔnkam zaa tumni m Ba ŋɔn bɛ arizana ni la yuubu nyɛ la n tunzɔa, bee n tunzɔpɔ'a, bee m ma.”

MATIYU 15:19

Dama teesibeeri zaa yiiri ninsaala puuni, ni u sufu ni na; an kyɛ ka u tumni tumbeeri - n‑kuuri niriba, n‑tumni la zina, m‑boori seeba pɔ'aba, n‑zuura, m‑ma'ari ziri n‑lusiri niriba kootu ni; ka tuuri ninsaala ni Naawunni.

MATIYU 5:32

Amaa man yɛtti ya wa, ni, ŋɔnkam kari u pɔ'a, di yi pa la pɔ'a maa ŋɔn tum zina zugu, di daama pun kyɛ ka pɔ'a maa tum zina, ka dɔsɔ ŋɔn di lala pɔ'a gba tum zina.”

MATIYU 7:21

Ka Yisa daa laa n‑yɛli ba, ni, “Pa seeba ban boonni ma, ni, ‘N Dugma, n Dugma’ zaa n nin kpɛ arizana naam ziiya, amaa seeba ban tumni m Ba ŋɔn bɛ arizana ni la yuubu maa nin ti kpɛa.

MAAKI 3:35

Ŋɔnkam tumni Naawunni yuubu tuma nyɛ la n sunzɔ, bee n sunzɔpɔ'a, bee m ma.”

GYƆNI 4:34

Ka Yisa yɛli, “Man bundirigu maa nyɛ la nŋɔa#:- n niŋni Ŋɔn tum ma na la yuubu yɛla, ka laa n‑tumni u tuma zaa nti naai.

GYƆNI 7:17

Ŋɔn boori ni u niŋi Naawunni ŋɔn boori seela maa, ŋɔna nin baŋŋi man bulisiri seelli maa yɛla, ni, di yi la ŋɔn Naawunni saani na, bee, n tɔ'asiri la m maŋtoori yiiko.

TUUMUDIMA TUMA 15:20

See ka ti sɔbi gbaŋŋu n‑ti ba, ni, ba di ŋɔbi numda'aseesi ban kɔrigi m‑maanni ba'a ni buga la, bee, a seesi an bu kɔrigi, bee, an na mari ziim; ka ba di tum tumbeeri zaŋŋi n‑kyaŋŋi dɔgoora ni pɔ'agoora yɛla.

TUUMUDIMA TUMA 15:29

ni, ya di ŋɔbi numda'aseesi ban kɔrigi m‑maanni ba'a ni buga la, bee, seesi an bu kɔrigi, bee, an na mari ziim; ya di tum tumbeeri zaŋŋi n‑kyaŋŋi dɔgoora ni pɔ'agoora yɛla ni. Ya yi gbaai ya mansi ka kyɛ anŋɔ maa, ya nin niŋi suŋŋa. Naawunni paasim ya goom.”

TUUMUDIMA TUMA 20:32

Tɔ; ka pampaŋŋɔ n nin zaŋŋi ya n‑niŋi Naawunni nuusi ni, ni u piinisuma yɛla an nin toaai m‑maali ya yɛla suŋŋa, ka kyɛ ka ya di ya faari tɔrli Naawunni mammantoori niriba zaa sunsukkuni.

TUUMUDIMA TUMA 26:18

I nin kyɛ ka ba nini neaai; i nin kyɛ ka ba ŋmaligi ka kyɛ zibsim maa, n‑kyɛ neesim maa ni na; i nin kyɛ ka ba ŋmaligi n‑yi Sintaani fukumsi ni m‑paai Naawunni saani na, ka ba nin ti niŋi ma yɛdda halli nti nya ba taalli zaa kyɛ-m‑pɛŋŋi, ka la'am Naawunni niriba sunsukkuni.’

ROOM DIMA 1:29

Lala maa zugu ba yi bɛ la tumpoosa ni, ni tumbeeri ni beem tuma, ni ala'akyi tuma ni; ba yɛla zaa nyɛ la nyuuri zappu, ni ninvugkuubu; ba boori la zaba, n‑yɔmsiri niriba, m‑mari halibeoo, ka zuuri la niriba nyaaŋŋa;

ROOM DIMA 12:2

Yan di kyɛ ka duniya wa dima beesigu mugsi ya, ni ya gba bɛ la lala; amaa ya kyɛ ka ya beesigu takki n‑dɔli ya nini ŋɔn neaai n‑nya sɔpaalli la. Ya tumma Naawunni yuubu tuma nti baŋŋi a gbinni, ni, a veela ka laa n‑nyɛ bunsuma zaa ka Naawunni nini n tigri a.

ROOM DIMA 6:22

Amaa pampaŋŋɔ ba fa ya m‑basi n‑yiisi Ala'akyi fukumsi ni na, ni ya leebi Naawunni suulinsi niriba. Dinŋɔ zugu ka ya nyari anfaani pam ka leebi la Naawunni dinni, din mun naari nyɛ la nyɔvuri kan ka tɔriga.

I KƆRINTI DIMA 1:30

Ŋɔn Naawunni zugu ka ya bɛ Yisa Kirisita ni; ŋɔna ka Naawunni kyɛ ka u leebi yɛm n‑ti ti, ni yɛlimaŋni, ka u laa n‑kyɛ ka ti leebi Naawunni mammaŋŋa niriba kasi kasi, ka laa n‑nya fa-m‑basi.

I KƆRINTI DIMA 7:2

Amaa zina kɔrisi zugu, ya kyɛ ka doo zaa mari u pɔ'a, ka pɔ'a zaa mari u sira.

II KƆRINTI DIMA 12:21

Dabeem m mari ma yaasa, ni, n yi kyɛ na ka Naawunni nin laa n‑sigsi ma ya nini ni yaasa, ka n nin nya sufusa'aŋŋu pam ban pun tum tumbeeri la zugu, ka ba ku sakki n‑takki n‑yi lala yɛla ni. Ba tumbeeri wa bɛ la hoo da'ari tuma la, ni zina, ni kɔribeeri tuma an bu dɔli soori halli zaa.

GALƐSEAA DIMA 5:19

Ninsaala kɔrisi tuma ŋɔn bɛ seem kur yi paalu ni. Zina da'ari tuma n nyɛ a, ni kyɔ'ansi beebu, ni ban bu mari ba mansi suŋŋa tuma zaa:

ƐFƐSUSI DIMA 5:17

Dizugu yan di leebi gyɛra, amaa ya baŋŋma ti Dugma ŋɔn boori seem maa ka tumni lala.

ƐFƐSUSI DIMA 6:6

Ya gyeemni ba, pa la ban yi gɔsiri ya kɔkɔa, hoo ninvugseeba ban boori ni ba nya duusigu ninsaalidima saani, amaa yɛlimaŋni ni, hoo daaba ban nyɛ Kirisita dinni; ya tumni la Naawunni tuma ya sufu ni.

KƆLOOSIDIMA 1:9

Lala maa zugu, tin daa wum ya yɛla maa halli ni zuna, ti bu kyɛ ti wunsusigu ya zugu. Ti susiri Naawunni, ni, u kyɛ ka ya nya yɛm ni bamsim din nyɛ Naawunni Sii maa dinni zaa, nti baŋŋi u sufuyuubu yɛla zaa gbinni.

KƆLOOSIDIMA 3:5

Lala zugu, see ka ya ku ya duniya wa ni kɔrisi yɛla zaa - zina nla, ni tumpoosa boobu an mari da'ari, ni kɔribeeri, ni ligri ni neema boobu, ka di ŋmani la wuna gyeeŋŋu la, dama ya boori ana n‑gaari ya Naawunni boobu: ya kyɛ ka a zaa basi yɔri.

KƆLOOSIDIMA 4:12

Ya timbisɔ gba bɛ ni, Ɛpafraasi, ka ŋɔn gba puusiri ya ni. U nyɛ la Kirisita Yisa nyaandɔlisuŋŋu. U moori sahakam n‑susiri Naawunni n‑tiri ya, ni, ya nin zɛ yummu Naawunni soori maa ni n‑dɔli Naawunni yuubu zaa sahakam.

I TƐSALƆNIKA DIMA 4:2

Dama ya mi wulisigu seaa tin daa zaŋŋi n‑wulisi ya, hoo ti Dugma Yisa ŋɔn zaali ti seem la.

I TƐSALƆNIKA DIMA 4:4

Ya zaasa mi yan nin niŋi seem m‑mari ya mansi m‑bɛ kasi ka dɔli gyirima soori,

I TƐSALƆNIKA DIMA 5:18

ka pɛ'ari Naawunni seelikam zaa puuni. Dama lala ka Naawunni boori ni ya niŋni ya beebu ni, Yisa Masiiya zugu.

I TƐSALƆNIKA DIMA 5:23

Naawunni n tiri sufudoaa: kyɛ ka u maali ya ka ya bɛ kasi zaa, ka mari ya siisi ni ya sufu ni ya ningbina ka a ku ti mari taalli ti Dugma Yisa Kirisita lappu na saha.

II TƐSALƆNIKA DIMA 2:13

Amaa tirima muna - di kpa la talasi ni ti pɛ'ai Naawunni ya zugu, yaseeba ban nyɛ ti mabiisi. Ka ti Dugma wuri ya, dama piiligu ni ka u daa pun yiisi ya, ni ya ti nya tuliginsim Naawunni Sii Kasi tuma puuni, ni yan niŋi yɛlimaŋni maa yɛdda zugu.

TAITUUSI 2:14

Ŋɔn Yisa n daa zaŋŋi u nyɔvuri n‑tisi, ni u yɔlisi tirima ni ti ti leebi u toori niriba maa. Ka u laa n‑yiisi ti tumbeeri kam zaa ni, ka nyeesi ti ka ti leebi kasi, ka ti sufu kur nin boori la ti tumni din veela.

HIBRUU DIMA 10:36

See ka ya mari sugru. Lala nin kyɛ ka ya nin toaai n‑tum Naawunni ŋɔn boori seem ka naayi deaai bunsunseesi Ŋɔn daa basi noori, ni, u nin ti ti seem maa.

HIBRUU DIMA 12:16

Halli yan di kyɛ ka sɔ tumni zina, bee, u bɛ kaman Iisɔ ŋɔn ba'a daa ka Naawunni yɛttɔ'a ni, ka daa zaŋŋi u dɔ'am kpamni n‑takki sa'aŋmanni yinni la.

HIBRUU DIMA 13:21

Ŋɔn Naawunni ti ya bunni kam zaa kan nin kyɛ ka ya niŋni u sufu yuubu la, n‑tumni tunsuma zaa. U nin bɛ ya puuni n‑tumni bunseelli kam din nin kyɛ ka u nini tigi, Yisa Kirisita yuuri zugu. Ŋɔna n su pɛ'abu saha kam. Ammi.

HIBRUU DIMA 13:4

Ya kyɛ ka doo ni u pɔ'a beebu mari gyirima, ka ba la'am m‑bɛ ni ni yɛdda, ka di veela; di kyɛ ka ba goori hoo dɔgoora bee pɔ'agoora. Naawunni nin kari lala niriba sariya, ni zina zaa tumniba dinni, n‑lusi ba.

I PIITA 1:2

Yarima ka Naawunni ti Ba daa pun baŋŋi ya yɛla, ka yiisi ya, n‑kyɛ ka ya leebi u dinni, m‑bɛ kasi u Sii Kasi zugu la, ni ya sakki n‑ti Yisa Kirisita, ka u ziim zugu ka ya nin niŋi kasi. M puusiri ya zaa suŋŋa, ni, Naawunni ti ya alaafɛ ni sufudoaa zaa.

I PIITA 4:2

Lala nin kyɛ ka u tumni Naawunni yuubu halli ni u nyɔvuri naari saha, ka pa la ningbiŋŋu kɔrisi tuma.

I GYƆNI 2:17

Ka duniya wa paari ka naari ni, kan ni ka kɔrisi yɛla zaa. Amaa ban tumni Naawunni ŋɔn boori ni ba tum seem la - lala niriba nin kpalim m‑bɛ ni halli saha kan ka naari.

KASIGRI 21:8

Amaa dabeem dima, ban ka yɛdda, ni putoo dima, ni ninvugkuuriba ni ban tumni zina, ni ban tumni tiima ka gyeemni buga ni ziri kam zaa dima - ban zaa ziiya nyɛ la farinwuta bugum mɔ'ari maa ni. Lala bugum mɔ'ari maa nyɛ la kum din paasiri buyi maa.”

KASIGRI 22:15

Baasi mun kpalimni m‑bɛ kpaŋŋa sa. Ban niŋni tiima, ni zina, ka kuuri niriba nla; ba gyeemni la bunseesi an pa Naawunni.”