I TƐSALƆNIKA DIMA 4:2 - Mampruli

² Dama ya mi wulisigu seaa tin daa zaŋŋi n‑wulisi ya, hoo ti Dugma Yisa ŋɔn zaali ti seem la.

I TƐSALƆNIKA DIMA 4:2 Iomraidhean Croise

MATIYU 28:20

Ya wulisima ba, ni, ba dɔla man zaali ya noori seem maa zaa. Ka ya baŋŋma, ni, n nin bɛ ya saani, halli ni duniya wa saha maa naari.”

I KƆRINTI DIMA 9:21

Ban mun ka zaaligu la saani ka n yi leebi ba taraana n‑gba kɔŋŋi zaaligu: n siri pa la sɔ ŋɔn bu dɔli Naawunni ŋɔn zaali soori la, dama Kirisita zaaligu su n yɛla zaa, amaa lala kyɛ ka n nya ban ka zaaligu la ka ba ti tuligi.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

I TƐSALƆNIKA DIMA 4:3

Naawunni yuubu ya saani nyɛ la: ya maali n‑leebi u niriba ka bɛ kasi, ka di tum zina.

II TƐSALƆNIKA DIMA 3:10

Tin daa bɛ ya saani, ti daa yi yɛtti ya ni, ni, “Ŋɔn za'asi, ni, u ku tum, ba di kyɛ ka u di!”

II TƐSALƆNIKA DIMA 3:6

Ti mabiisi, ti kpaamni ya ni, ti Dugma Yisa Masiiya zugu, ni, ya gbaam ya maŋŋa ka kyɛ ya mabiseeba ban nyɛ gbinnya'ari dima, baseeba ban bu dɔli wulisigu seelli tin daa wulisi ba la.