I TƐSALƆNIKA DIMA 4:16 - Mampruli

¹⁶ Dama ba nin tasi pampam, ka niriba nin ti wum malaakadima zuguraana kukɔri ni Naawunni kikaa kunkuma. Di saha ka ti Dugma mammaŋŋa nin ti yi saazugu n‑sigi na; ka Kirisita Masiiya ninvugseeba ban pun kpi la nin ti daŋŋi kum ni neaari.

I TƐSALƆNIKA DIMA 4:16 Iomraidhean Croise

MATIYU 16:27

Ya bu nya? - Ninsaala Bii maa siri nin zaŋŋi u Ba Naawunni gyirima ka kyɛ ka Naawunni malaakadima dɔli u ka u kyɛ na: lala saha maa ka u nin yɔ sɔkam samni hoo di daama tuma ŋɔn daa bɛ seem la.”

MATIYU 16:28

Ni, “Yɛlimaŋni ka n yɛtti ya wa, ninvugseeba m bɛ kpa, ban ku kpi halli ka ti nya ka Ninsaala Bii maa kyɛ na ni u naam yiiko.”

MATIYU 25:31

Ni, “Dama Ninsaala Bii ŋɔn ya zaŋŋi u gyirima neesim n‑kyɛ na sahanseaa la, ka malaakadima zaa ŋɔn nin la'am n‑dɔli u, di saha u nin zini u naam ziziveelli zugu.

MATIYU 26:64

Ka Yisa daa labsi n‑ti u, ni, “I yɛliya; amaa n yɛtti ya, ni, zuna zaŋŋi n‑kyɛnna#:- ‘Ya nin nya Ninsaala Bii maa’ ‘Ka u zi Naawunni Yaadaana maa nudirigu ya'ari’ ‘Ka kyɛnni na ka saazugu sangbana gyiligi u.’ ”

TUUMUDIMA TUMA 1:11

Ba daa yɛli nyaandɔliba maa, ni, “Yan Galilii dima wa, wula zugu ka ya kpalim n‑zɛya n‑gɔsiri sangbana ni? Ya pun nya ka Yisa da du m‑paai arizana ni; tɔ, ka ŋɔn Yisa siri nin labi na, hoo yan nya u ka u du arizana seem la.”

I KƆRINTI DIMA 15:18

Ka lala naa n‑kyɛ ka Kirisita niriba ban ka ni la gba baasi yɔri.

I KƆRINTI DIMA 15:20

Amaa yɛlimaŋni ka Kirisita daa siri neaai n‑yisigi kum ni; u pun daŋŋi ban kpi la zaa lala - hoo ban daŋŋi n‑kyɛ naara pɔi ka naayi nya puri antaam maa zaa seem la.

I KƆRINTI DIMA 15:23

Amaa sɔkam ni u saha: Kirisita daŋŋi hoo naara ŋɔn daŋŋi seem la, ka ban pa nyɛ la Kirisita niriba - ba saha nyɛ la u lappu na dabsiri daari.

I TƐSALƆNIKA DIMA 1:10

Ni, ya laa n‑kpalim n‑guusiri ŋɔn Naawunni Bii la kyɛnni na, ni, u nin ti yi arizana ni sahanseaa n‑labi na. Lala Bii maa nyɛ Yisa, Naawunni ŋɔn daa neaai sɔ kum ni. U nyɛ la ŋɔn fa ti n‑yiisi Naawunni sufuyisigri kan ya n‑kyɛ na la ni m‑basi.

I TƐSALƆNIKA DIMA 3:11

Ti susiri Naawunni ŋɔn nya ti Ba la, ni ti Dugma Yisa, ni, u maalima soori n‑ti ti, ka ti kyɛ ya saani na.

II TƐSALƆNIKA DIMA 1:7

Ka yarima muna, yan ŋɔn nya namsigu la, u nin taasi yɔlisimma na nti ya, ka laa n‑zaŋŋi n‑ti tirima gba. U nin niŋi lala ti Dugma Yisa ni u malaaka yiikodaandima ŋɔn yi ti yi arizana ni na sahanseaa.

II TƐSALƆNIKA DIMA 2:1

N ya n‑tɔ'asi n‑ti ya zaŋŋi n‑kyaŋŋi ti Dugma Yisa Masiiya lappu na, ni tin ti ya la'am n‑tuusi u soori la. Ti susiri ya ni, ti mabiisi,

II PIITA 3:10

Amaa ti Dugma dabsiri maa siri ya sɔ'ai ni n‑kyɛ na hoo na'ayiga ŋɔn yi sɔ'ari n‑tumni seem la. Lala dabsiri maa ka saazugu nin ti tasi n‑niŋi vuuri pam ka gaari; saazugu ni tingbaŋŋu zaa tuga, ni a neema kam zaa, nin ti di bugum ka lakki m‑basi. Tiŋŋa maa, ni bunsɔ'ara zaa an bɛ ka ni la, nin ti yi paalu.

GYUUDA 1:9

Ya bu nya, halli malaakadima zuguraana maa, Maikyɛli la, daa bu tu Sintaani gba, Musa ŋɔn daa kpi ka ba daa mari nangbankpeemni n‑ti taaba zaŋŋi n‑kyaŋŋi u ningbiŋŋu yɛla. Ay! - u daa kur yɛli u, ni, “Ti Dugma nin boosi i!”

KASIGRI 1:10

Di daari maa daa nyɛ la ti Dugma dabsiri maa, Alahari; ka n Dugma Sii maa daa paali ma ni, halli ka n ti wum kukɔri n nyaaŋŋa, ka ka kumni pampam hoo kikaa ŋɔn kumni seem.

KASIGRI 1:7

Ya gɔsima n‑nya! U bɛ sangbana ni n‑kyɛnni na; Di saha ya zaa nini nin nya u - Halli ninvugseeba ban daa kusi u maa gba: Dizugu ninsaala bura zaa niriba Nin kum ka fabli u zugu. Lala n nyɛ di. Ammi.

KASIGRI 14:13

Ka n daa wum ka kukɔri yiiri arizana ni na n‑yɛtta “Sɔbma dinŋɔa: Zugsuŋŋu bɛ ni n‑ti kpiimma ban kpi ti Dugma zugu pampaŋŋɔ zaŋŋi n‑wa!” Ka Sii Kasi maa yɛli, “Ii! Zugsuŋŋu siri bɛ ni n‑tiri ba; dama ba vuusiri ba tunkpeema zugu, ka ba tunsuma laara dɔli ba!”

KASIGRI 8:13

Tɔ: ka di saha maa ka n daa gɔsi n‑nya, ka wubga daa yigri saazugu agbaa ziiya; ka n daa wum ka u tasiri pampam n‑yɛtti, “Yɛla! Yɛla! Yɛla! Dabeem yɛla nin paai ban bɛ duniya puuni, sahanseaa malaakadima ata ban kpalim la yi ti peebi ba kikaasi!”

KASIGRI 8:2

Di nyaaŋŋa ka n daa nya malaakadima ayɔpɔi seeba ban zɛ Naawunni tooni maa, ka ba daa zaŋŋi kikaasi ayɔpɔi n‑ti ba.