I TƐSALƆNIKA DIMA 4:13 - Mampruli

¹³ Ti mabiisi, ti bu boori ni ya bɛ ziilinsi ni zaŋŋi n‑kyaŋŋi ninvugseeba ban gbisiri kum ni la yɛla, ka di nin kyɛ ka ya ku fabinna ban kpi la zugu hoo ban ka tama ŋɔn niŋni seem la.

I TƐSALƆNIKA DIMA 4:13 Iomraidhean Croise

MATIYU 27:52

Ka gbala daa yaamna, ka Naawunni niriba kpiimma pam daa doaai na.

GYƆNI 11:24

Ka u yɛli, ni, “M pun mi, ni, Zaadaari ka u nin ti yisigi u kum ni.”

TUUMUDIMA TUMA 13:36

Tɔ, ka NaaDauda ŋɔn daa tum Naawunni yuubu u duniya wa ni beebu saha halli nti naai maa, u daa ti ka ni, m‑paai u yaadima saani. Ammi, di saha u ningbina daa bu poaai? Ay - a poaaya!

TUUMUDIMA TUMA 7:60

Ka gbaani tiŋŋa n‑kaasi n‑yɛli, “N Dugma, di zaŋŋi ba tumbeoo wa taalli n‑ziili ba!” Ka ŋɔn daa yɛli lala n‑naai, u daa ti leebi Naawunni dinni.

ROOM DIMA 1:13

M mabiisi, m boori ni ya baŋŋi, ni, n daa pun gbaai ya saani kyɛnni na sahaseesi, amaa n kɔŋŋi la soori halli ni zuna. M boori m mooli lahabasuŋŋu maa ya saani n‑nya seeba ban leebi Naawunni niriba, hoo man daa pun nya seem tinseesi ni la - dama n tuma maa antaam nla.

I KƆRINTI DIMA 10:1

M mabiisi, m bu boori ya kpalim ziilinsi ni, see ka ya baŋŋi, ni, ti badima zaa daa la'am m‑bɛ sangbaŋŋu la lɔŋni, ka ba zaa daa la'am n‑kpɛ teeku maa puuni n‑lɔŋŋi.

I KƆRINTI DIMA 12:1

Tɔ; ka n ya tɔ'asi Sii Kasi piini yɛla n‑tiri ya: m mabiisi, m bu boori ni seelli ti kpalim ka ya bu baŋŋi di.

I KƆRINTI DIMA 15:6

Di nyaaŋŋa ka u daa kyɛ ka ti mabiisi bɔbgu daa nya u, ka ba daa zoaai n‑gaari ninvugkɔbsinu. Niriba wa pam na bɛ ba nyɔvuya ni, amaa baseeba laa n‑ka ni.

II KƆRINTI DIMA 1:8

Dama ti bu boori ni ya kpalim n‑zi ti yɛla, ti mabiisi, tin ŋɔn daa di wahala Ɛseaa tingbaŋŋu wa ni seem: ti siri daa namsi ni halli nti yakki, ka ti daa kɔŋŋi tama zaa zaŋŋi n‑kyaŋŋi ti beebu gba.

ƐFƐSUSI DIMA 2:12

Ka laa n‑teaai, ni, lala saha maa ya daa ka Masiiya, ya daa pa Izraɛli butiri niriba, ka pa seeba ban daa su faari diibu yɛla. Faari wa ka Naawunni daa basi noori, ni, u ti ti bana. Ay! - ya daa bɛ la duniya wa ni hoo seeba ban ka tama, ka laa n‑kɔŋŋi Naawunni.

ƐFƐSUSI DIMA 2:3

Halli tirim zaa gba daa bɛ la ban puuni sahaseaa, n‑tumni la ti tumbeeri beesigu ŋɔn daa boori seem, n‑dɔli ka boorimma ni ka teesa. Hoo banla, duniya wa ala'akyi dima n daa nyɛ ti gba. Sɛseelli daa bu sumni ti, na'ala Naawunni sugyeaa ni tubdarigri.

I TƐSALƆNIKA DIMA 4:14

Dama ti yi niŋi yɛdda, ni, Yisa daa kpiya ka laa n‑neaai yaasa, ti laa n‑niŋi yɛdda, ni, Naawunni nin ti kyɛ ka Yisa ninvugseeba ban gbisiri kum ni la ti dɔli Yisa n‑labi na.

I TƐSALƆNIKA DIMA 4:15

Ti Dugma yɛligu ŋɔn wulisi seem ka ti yɛtti ya maa: tiseeba ban ya n‑kpalim m‑mari nyɔvuri halli nti paai ti Dugma lappu na saha la muna - ti ku ti daŋŋi ban pun gbisiri kum ni la tooni.

I TƐSALƆNIKA DIMA 5:10

Ŋɔna n daa kpi ti zugu, ni di kyɛ ka ti zaa ti la'am m‑bɛ u saani, di yi nyɛ la ti bɛ la ti nyɔvuri ni, bee, ti kpi ni.

I TƐSALƆNIKA DIMA 5:6

Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa.

II PIITA 3:4

Ka ba nin boosi, ni, “U daa basi noori, ni, u nin kyɛ na. Ammi, u kyɛ na? Ka u lee? Ti badima pun ka ni, ka seelli kam zaa na kpalim n‑nyɛ la hoo din daa pun nyɛ seem duniya piiligu ni la.”

II PIITA 3:8

M mabiisi, yan di tam yɛlli yinni wa, ni, wɔligri ka ni Naawunni saani: dabsiri yinni ni yuuma tusiri - Ŋɔn saani a zaa nyɛ la yummu.