I TƐSALƆNIKA DIMA 4:10 - Mampruli

¹⁰ Ka lala ka ya siri wuri ya mabiisi ban bɛ Masidoonya tingbaŋŋu zaa; amaa, ti mabiisi, ti kpaamni ya, ni, ya kur niŋma lala m‑paasira.

I TƐSALƆNIKA DIMA 4:10 Iomraidhean Croise

ROOM DIMA 15:26

Dama Masidoonya dima ni Akaaya dima daa gbaai toosigu ni sufupeelli, ni, ba ti toosi n‑suŋŋi fara dimseeba ban bɛ Naawunni niriba sunsukkuni, Gyɛrusalɛm timpuuni la.

ƐFƐSUSI DIMA 1:15

Dinŋɔ zugu man gba bu kyɛ pɛ'abu ya zugu, man ŋɔn daa wum, ni, ya niŋi ti Dugma Yisa yɛdda sahanseaa la, halli ni zuna. Ka n laa n‑wum yan wuri Naawunni niriba zaa seem la. Dinzugu n puusiri Naawunni n‑tiri ya saha kam, ka teaari ya yɛla n wunsusigu ni.

FILIPAAI DIMA 1:9

Ka man susiri Naawunni seem maa nŋɔa: ni, u kur kyɛ ka ya na maali n‑wuri sɔkam pam, ka di dɔli la ya yɛm ni ya sufu ni bamsim an zoaai seem maa.

KƆLOOSIDIMA 1:4

Dama ti wum ya yɛla, ni, ya niŋi Yisa Kirisita yɛdda ka laa m‑mari wurilim n‑tiri Naawunni niriba zaa.

I TƐSALƆNIKA DIMA 1:7

Dizugu ka ya wulisiri beesisuŋŋu ŋɔn bɛ seem n‑tiri yɛddaniŋniba zaa ban bɛ Masidoonya ni Akaaya tingbana maa ni.

I TƐSALƆNIKA DIMA 3:12

Ti laa n‑susiri ti Dugma, ni, u kyɛ ka ya wuri taaba, halli n‑wuri niriba zaa; ka ya wurilim zoaai m‑paasiri sahakam hoo tin gba ŋɔn wuri ya seem la.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

II TƐSALƆNIKA DIMA 1:3

Ti mabiisi, ti kur pɛ'ari Naawunni ya zugu, ka di sum ni lala, dama ya yɛdda kur zoaari m‑paasira, ka ya wurilim zaŋŋi n‑kyaŋŋi ya taaba saani gba zoaari pam.

II TƐSALƆNIKA DIMA 3:4

Halli ti siri niŋi ti Dugma maa yɛdda zaa, ni, ya tumni hoo tin daa wulisi ya seem la, ka kur nin niŋni lala sahakam.

II PIITA 3:18

Ya kyɛ ka ya kur kyɛnni tooni, yan bɛ ni n‑deaari piinisuma ti Dugma ni Tiligra Yisa Kirisita saani sahanseaa la, m‑paasiri bamsim zaŋŋi n‑kyaŋŋi u yɛla gba. Ŋɔnŋɔ nin mari gyirima Zuna, ni saha din ka tɔriga. Ammi.