I TƐSALƆNIKA DIMA 4:1 - Mampruli

¹ Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

I TƐSALƆNIKA DIMA 4:1 Iomraidhean Croise

GYƆNI 15:2

Wuliseaa kan bɛ ma ni ka bu wanni wala, m Ba nin ŋmaai ka m‑basi; amaa wuliseaa kan wanni walisuma, u nin gɔsi ka suŋŋa n‑waasi, ka ka niŋi kasi, ni ka ti maali n‑wanni pam.

TUUMUDIMA TUMA 20:27

Halli m bu kɔŋŋi ni m mooli Naawunni ŋɔn teesi, ni, u nin niŋi seem zaa n‑ti ya.

ROOM DIMA 8:8

Lala zugu ka ninvugseeba ban beesigu dɔli ningbinkɔrisi soori la ku toaai n‑tigi Naawunni nini.

I KƆRINTI DIMA 11:23

Dama man daa deaai seelli ti Dugma saani la ka n daa zaŋŋi n‑wulisi ya: ni, yunseaa ban daa figsi ti Dugma Yisa maa, u daa daŋŋi n‑zaŋŋi diibu la

I KƆRINTI DIMA 15:1

Tɔ, m mabiisi, n ya teaai ya la man ŋɔn daa mooli lahabasuŋŋu maa n‑ti ya seem. Lahabaari wa ka ya daa deaai, ka lahabaari maa zugu ka ya kpalim n‑zɛ yummu.

I KƆRINTI DIMA 15:58

Lala zugu, m mabiwutta, see ka ya bɛ yummu deede; yan di bɛ kpa, ka bɛ kpa. Ya zaŋŋma ya mansi zaa n‑ti ti Dugma tuma maa sahakam, dama ya mi halli, ni, ya yi tumni pam n‑tiri ti Dugma, ya bu tumni la yɔri.

II KƆRINTI DIMA 10:1

Man, Pɔla, n‑sɔbri wa: ka n susiri ya, Kirisita sugru zugu, ni u nirilim zugu. Halli ban yɛtti n yɛla seem maa yɔri ka n susiri ya - dama ba yɛtti, ni, n yi bɛ ya saani n nyɛ la sɔ ŋɔn zɔri vi ni dabeem, amaa n yi ka ya saani muna m mari la sufukpeemni ni dablim.

II KƆRINTI DIMA 13:11

Yɛttɔ'a maa naari, m mabiisi, nyɛ la: ni, ya kpalim suŋŋa. Ya kyɛ ka ya kpaŋŋi ya mansi, kyɛ ka ya sufu kpamsi, ka mari nangbanyinni n‑ti taaba, ni sufudoaa zaa. Naawunni siri nyɛ la Sufudoaa ni Wurilim Daana, ka u nin bɛ ya saani.

II KƆRINTI DIMA 5:9

Ka dinzugu ti kpaŋŋi ti mansi n‑tumni din kyɛ ka ŋɔn Naawunni nini tigra, halli tin bɛ duniya wa ningbina puuni maa, bee, ti ka a ni.

II KƆRINTI DIMA 6:1

Naawunni tuntuntaaba n nyɛ ti, ka Naawunni pun zaŋŋi u piini n‑ti ti, halli ka ti bu sumsi lala; tɔ, ka di zugu ti kpamsiri ya, ni, yan di kyɛ ka Naawunni piini wa basi yɔri.

GALƐSEAA DIMA 6:1

M mabiisi, sɔ yi tumni taalli ka ya baŋŋi lala, see ka yarima ban mari Siiya Kasi maa nin zaŋŋi u n‑zaali n‑wulisi u din tu; amaa faasee ka ya niŋi lala maa baalimm baalimm. Nyin gɔsim i mammaŋŋa suŋŋa, din nin kyɛ ka nyin gba di kpɛ zamsigu puuni.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 4:20

Amaa pa lala ka yarima n daa bamsi Kirisita soori maa!

ƐFƐSUSI DIMA 5:17

Dizugu yan di leebi gyɛra, amaa ya baŋŋma ti Dugma ŋɔn boori seem maa ka tumni lala.

FILIPAAI DIMA 1:27

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

FILIPAAI DIMA 1:9

Ka man susiri Naawunni seem maa nŋɔa: ni, u kur kyɛ ka ya na maali n‑wuri sɔkam pam, ka di dɔli la ya yɛm ni ya sufu ni bamsim an zoaai seem maa.

FILIPAAI DIMA 3:14

N ŋmani la hoo ninvugsɔ ŋɔn zɔri zoaa: m moori n‑kyɛnni tooni ni n ti daŋŋi m‑paai tɔriga maa na n‑deaai ŋɔn daŋŋi tooni piini maa. Ka di nyɛ la: Naawunni ŋɔn booli ma ni m paai u saani saazugu na, Kirisita Yisa zugu.

KƆLOOSIDIMA 1:10

Ni, lala nin kyɛ ka ya bɛ beesisuŋŋu din sumsi ti Dugma niriba, ka kyɛnni tooni n‑wanni wala - di nyɛ la: yan tumni tunsuma zaa ka ya Naawunni bamsim gba zoaari sahakam.

KƆLOOSIDIMA 2:6

Yan daa sakki n‑ti Kirisita Yisa, ni, u nyɛ la ya Dugma la - dinŋɔna, ya kyɛ ka ya dɔli u soori maa.

I TƐSALƆNIKA DIMA 3:12

Ti laa n‑susiri ti Dugma, ni, u kyɛ ka ya wuri taaba, halli n‑wuri niriba zaa; ka ya wurilim zoaai m‑paasiri sahakam hoo tin gba ŋɔn wuri ya seem la.

I TƐSALƆNIKA DIMA 4:2

Dama ya mi wulisigu seaa tin daa zaŋŋi n‑wulisi ya, hoo ti Dugma Yisa ŋɔn zaali ti seem la.

I TƐSALƆNIKA DIMA 5:12

Ti mabiisi, ti susiri ya, ni, ya tim ya toondaandima maa gyirima - ban nyɛ ban tumni Naawunni tuma n‑tiri ya, ka kpaamni ya suŋŋa.

II TƐSALƆNIKA DIMA 1:3

Ti mabiisi, ti kur pɛ'ari Naawunni ya zugu, ka di sum ni lala, dama ya yɛdda kur zoaari m‑paasira, ka ya wurilim zaŋŋi n‑kyaŋŋi ya taaba saani gba zoaari pam.

II TƐSALƆNIKA DIMA 2:1

N ya n‑tɔ'asi n‑ti ya zaŋŋi n‑kyaŋŋi ti Dugma Yisa Masiiya lappu na, ni tin ti ya la'am n‑tuusi u soori la. Ti susiri ya ni, ti mabiisi,

II TƐSALƆNIKA DIMA 3:1

Ti mabiisi, din kpalim nyɛ la nŋɔa: ya susim Naawunni n‑ti ti, ka lala nin kyɛ ka ti Dugma yɛligu moonni n‑kyɛnni tooni yooma, ka ba deaai di ni gyirima, hoo yarima ŋɔn daa deaai seem la.

II TƐSALƆNIKA DIMA 3:13

Ti mabiisi, yan di gyɛ ya tunsuma tumpu ni.

I TIMƆTI 5:21

N tɔ'asiri wa ni Naawunni ti wumna, ni Yisa Masiiya, ni malaaka seeba ŋɔn gamsi maa m‑paasi. N ya zaali i, ni, i dɔli wulisigu wa ka di daŋŋi n‑yɛli, ni, ninvugsɔ galimiya pɔi, ka naayi wum u yɛttɔ'a; bee, n‑gaŋŋi sɔ n‑wuri, ka kyɛ sɔa.

II TIMƆTI 4:1

Naawunni zugu ka n ya n‑tɔ'asi yɛttɔ'a wa n‑kpaam i, Kirisita Yisa zugu; dama ŋɔn Yisa nin ti kari ban nɛ ni ban kpi zaa sariya. Ŋɔn Yisa Masiiya lappu na zugu, ni u naam diibu la zugu, ka n ya n‑yɛli i ni, ni, i niŋma nŋɔa#:-

HIBRUU DIMA 11:6

Tɔ: yɛdda yi ka ni, sɔ ku toaai m‑mi Naawunni n‑dɔli u yuubu; di yi pa la nira ŋɔn kyɛ Naawunni saani na niŋi yɛdda, ni, Naawunni bɛ ni, ka laa n‑niŋi yɛdda, ni, ŋɔn Naawunni wumni n‑tiri ban boori u ziiya.

HIBRUU DIMA 13:16

Yan di tam tunsuma tumpu yɛla, ka tɔtti ya marigu ni taaba, dama lala sara maaligu maari Naawunni sufu.

HIBRUU DIMA 13:22

M mabiisi, n kpamsiri ya, ni, ya sakki n‑wumni n kpaaŋŋu wa, dama man ŋɔn sɔbi gbanseaa n‑ti ya wa kur nyɛ la bumbila fiiŋ.

II PIITA 3:18

Ya kyɛ ka ya kur kyɛnni tooni, yan bɛ ni n‑deaari piinisuma ti Dugma ni Tiligra Yisa Kirisita saani sahanseaa la, m‑paasiri bamsim zaŋŋi n‑kyaŋŋi u yɛla gba. Ŋɔnŋɔ nin mari gyirima Zuna, ni saha din ka tɔriga. Ammi.

I GYƆNI 3:22

Di yi ti bɛ lala, ti yi ti susiri seelli zaa u saani, ti nin nya; dama ti dɔli la u zaaligu yɛla ka tumni u sufu yuubu ŋɔn nyɛ seem maa.