I TƐSALƆNIKA DIMA 3:8 - Mampruli

⁸ dama ya yi ti bari n‑zaani ya beebu ni, ti Dugma zugu, di nin kyɛ ka ti leebi ban vu.

I TƐSALƆNIKA DIMA 3:8 Iomraidhean Croise

GYƆNI 15:4

Ya kpalimma m‑bɛ man saani, ka n gba kpalim m‑bɛ ya ni. Tiwulli ku toaai n‑wali wala ka toori yiiko ni, faasee ka ka kpalim m‑bɛ tii maa yiiko ni: lala ka ya gba ku toaai n‑niŋi seelli, see ka ya kpalim man saani ka man ti ya yiiko.

GYƆNI 15:7

Ya yi kpalim m‑bɛ ma ni, ka n yɛligu maa kpalim m‑bɛ ya ni, ya yi ti susi bunseelli kam zaa, ya nin nya di.

GYƆNI 8:31

Yisa daa tɔ'asi n‑ti ban daa niŋi u yɛdda maa n‑yɛli, ni, “Ya yi sakki n‑deaai n wulisigu maa, ya siri nyɛ la n nyaandɔliba.

TUUMUDIMA TUMA 11:23

Ŋɔn daa paai bɛni nti nya Naawunni ŋɔn daa pun tisi piinisuma n‑tiri bɛni niriba maa, u sufu daa maaya: ka u daa kpamsi ba, ni, ba kpaŋŋma ba mansi n‑zɛ ti Dugma maa nyaaŋŋa ni nimbirimoaa.

I KƆRINTI DIMA 15:58

Lala zugu, m mabiwutta, see ka ya bɛ yummu deede; yan di bɛ kpa, ka bɛ kpa. Ya zaŋŋma ya mansi zaa n‑ti ti Dugma tuma maa sahakam, dama ya mi halli, ni, ya yi tumni pam n‑tiri ti Dugma, ya bu tumni la yɔri.

I KƆRINTI DIMA 16:13

Tɔ: ka dinŋɔna ya baŋŋma suŋŋa! Ka zɛ deede ya yɛdda ni, m‑mari sufukpeemni ka kpamsiri ya mansi.

GALƐSEAA DIMA 5:1

Yɔlisimma nyɛ la ti dinni, Kirisita Masiiya ŋɔn daa yɔlisi ti ni! Dinzugu ya zaanma kaman birikyindima ban su ba mansi, ka di laa n‑zaŋŋi ya mansi n‑leebi daaba yaasa.

ƐFƐSUSI DIMA 3:17

Ka n laa n‑susiri, ni, Kirisita nin bɛ ya sufu ni la, ya yɛdda niŋbu zugu; ka lala nin kyɛ ka wurilim nin kyɛ ka ya zɛ yummu, hoo tiiya kan mari nya'asuma, bee duu kan mari nyeebkpeema.

FILIPAAI DIMA 1:21

Man saani, n yi ti bɛ n nyɔvuri ni, Kirisita nla: man mun yi ti kpi, anfaani n nyɛ di n‑ti ma.

FILIPAAI DIMA 1:27

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

FILIPAAI DIMA 4:1

Lala maa zugu, m mabiisi, n wuri ya pampam, ka n sufu bu maai man bu nyari ya la zugu. Sufumaasim ka ya tiri ma, halli nti kyɛ ka m mari la karimbaani ya zugu gba, hoo n pun di naam ya zugu. Dinzugu, m mabiisi, lala maa n sumni ni ya zɛ yummu ya beesigu puuni n‑ti ti Dugma maa.

KƆLOOSIDIMA 1:23

Ya siri nin kpalim m‑bɛ lala, ya yi bari n‑zaani kpeeŋŋa ya yɛdda maa ni, ka bu birisira. Ya zɛ lala, ka kur kpalim m‑mari tama. Ya teaama lahabasuŋŋu la yɛla, yan daa pun wum lahabaseaa maa - ya tama n‑siri la. Ba daa tɔ'asi lahabasuŋŋu wa yɛla n‑tisi bunvuya zaa duniya wa puuni, halli ka man, Pɔla, leebi la ŋɔn tumni lahabaari maa tuma.

I TƐSALƆNIKA DIMA 3:7

Dizugu, ti mabiisi, ti namsigu ni ti wahala diibu puuni, ti nyari kpamsigu ya zugu. Ya yɛdda niŋbu n kpamsiri ti

HIBRUU DIMA 10:23

Ya kyɛ ka ti mari tama wa ni nimbirimoaa, dama ti nin toaai n‑niŋi Naawunni ni u nangbampɔri la yɛdda.

HIBRUU DIMA 3:14

Dama ti yi ti kpalim m‑mari tin daa daŋŋi m‑mari tamaseaa la halli nti paai seelikam baasigu maa, lala nin kyɛ ka ti nyɛ la baseeba ban la'am m‑bɛ Masiiya saani, ka ti zaa teesa nyɛ yummu. -

HIBRUU DIMA 4:14

Tɔ: ka Naawunni Bii Yisa ŋɔn nyɛ ti Gyeeŋŋu Toondaana la n ya kyɛ ka ti gyi ti yɛdda tin sakki seaa maa nuusi ayi. Ti Toondaana wa n galisi, ka du arizana n‑gaari n‑kpɛa.

I PIITA 5:10

Ka ya yi sakki n‑namsi beela, ti Dugma Naawunni nin mari ya suŋŋa n‑ti ya yaa, ka seelli ku daam ya. Ŋɔn Naawunni n nyɛ sɔ ŋɔn tiri piinisuma zaa maa, ka u daa booli ya ni ya laa n‑di u nya'asim din ku naai, Yisa Kirisita zugu.

II PIITA 3:17

Yarima muna, m mabiisi - ya pun wum yɛla wa yɛlimaŋni ŋɔn nyɛ seem. Dizugu ya mari ya mansi ka di kyɛ ka ninvugbeeri wa daamni ya. Ba za'asiri wumpu, yan di kyɛ ka ba yɔmsi ya n‑lusi ya, ka ya yi ya zaazisuŋŋu ni.

KASIGRI 3:11

Pampaŋŋɔ ka n kyɛnni na. Ya gbaama yan mari seelli la kpeeŋŋa, ka di kyɛ ka sɔ ti fa ya naam zupiliga ya saani.

KASIGRI 3:3

Di zugu ya teaama yan daa deaai seelli, ni yan daa wum seelli maa; ya wumsima anŋɔ zaa ka kyɛ ka ya sufu sa'am ya tumbeeri taalli zugu, ka takki ya beebu di zugu. Dama ya yi ku neaai, n nin kyɛ na hoo na'ayiga ŋɔn kyɛ na seem, ka ya ku baŋŋi sahaseaa man nin kyɛ ya saani na.