I TƐSALƆNIKA DIMA 3:6 - Mampruli

⁶ Timɔti mun ŋɔn daa labi na, u daa yɛli ti ya yɛdda ni ya wurilim ŋɔn nyɛ seem. U yɛli ti, ni, ya na kur teesiri ti yɛla, ka boori ni ya nya ti, hoo ti gba sufu ŋɔn boori ya nyaabu seem.

I TƐSALƆNIKA DIMA 3:6 Iomraidhean Croise

TUUMUDIMA TUMA 16:1

Ka Pɔla daa gɔ n‑gɔ, halli nti paai Dɛribee ni Lisitira tinsi. Bɛni ka Yisa nyaandɔlisɔ daa bɛ ni, ka u yuuri boonni Timɔti. U ma gba daa niŋi Yisa yɛdda, ka mun daa nyɛ Yɛhudiyapɔ'a, amaa u ba daa nyɛ la Griika doowa.

TUUMUDIMA TUMA 18:1

Dinŋɔ nyaaŋŋa ka Pɔla daa yi Ateensi n‑kyaŋŋi nti paai Kɔrinti tiŋŋa.

TUUMUDIMA TUMA 18:5

Tɔ; ka Sailasi ni Timɔti ŋɔn daa yi Masidoonya tingbaŋŋu na, Pɔla nini daa moaai la Naawunni yɛligu yɛla ni kɔkɔa, n‑wulisiri Yɛhudiyadima maa, ni, Yisa n siri nyɛ Naawunni ŋɔn tum sɔ na ni u ti di Masiiya la.

I KƆRINTI DIMA 11:2

Tɔ: ka m pɛ'ari ya, dama ya teaari n yɛla sahakam ka kpalim n‑dɔli wulisigu maa zaa, hoo man daa zaali ya seem la.

I KƆRINTI DIMA 13:13

Dizugu an kpalim m‑bɛ ni n nyɛ yɛdda, ni tama, ni wurilim, abata wa; amaa din gaari a zaa nyɛ la wurilim.

GALƐSEAA DIMA 5:6

Ka tin ni Yisa yi la'am n‑niŋi yinni, sɔ yi guni, bee, u bu guni, a zaa ka yaa halli beela; kulla yɛdda mara, din mun tumni wurilim zugu.

FILIPAAI DIMA 1:8

Halli Naawunni mammaŋŋa nin sakki, ni, n sufu siri boori ya yɛla hoo Yisa Kirisita sufu ŋɔn boori ya yɛla nimmoosi seem la.

KƆLOOSIDIMA 1:4

Dama ti wum ya yɛla, ni, ya niŋi Yisa Kirisita yɛdda ka laa m‑mari wurilim n‑tiri Naawunni niriba zaa.

KƆLOOSIDIMA 4:18

Tɔ, ya nyam sɔppu wa - man sɔbri m‑puusiri ya n toori nuu ni sɔppu: Pɔla . Ya teaama man ŋɔn lɔ la kyɔrimi seem. Naawunni piinisuma zaa bɛ ya saani.

I TƐSALƆNIKA DIMA 1:3

Ti Ba Naawunni tooni ka ti teaari ya yɛla sahakam, zaŋŋi n‑kyaŋŋi ya yɛdda niŋbu la yɛla, ni ya wurilim tuma nimmoosi yɛla, ni yan mari tama seem n‑zɛ yummu n‑tiri ti Dugma Yisa Masiiya.

I TƐSALƆNIKA DIMA 2:17

Ti mabiisi, tin daa wɔligi ka kyɛ ya daba ayi la puuni - kulla ti ningbina taaba wɔligri ka n yɛtti wa, pa ti sufu ni teesa wɔligri. Ti sufu zaa daa bɛ la ya nyaabu ni, ni ti teesa zaa, ni ti ba'aba zaa.

I TƐSALƆNIKA DIMA 2:9

Ti mabiisi, ya teaama tin daa tumni seem la yɛla, halli ni ti yaa tɔriga, ni tin daa di wahala seem la. Ti daa kur tumni la wuntaŋŋa ni yuŋŋu, ni di kyɛ ka ti yɛla ku mugsi ya, ka ti toaai n‑yiisi lahabasuŋŋu kan yi Naawunni saani la n‑ti ya na.

I TƐSALƆNIKA DIMA 3:7

Dizugu, ti mabiisi, ti namsigu ni ti wahala diibu puuni, ti nyari kpamsigu ya zugu. Ya yɛdda niŋbu n kpamsiri ti

II TƐSALƆNIKA DIMA 1:3

Ti mabiisi, ti kur pɛ'ari Naawunni ya zugu, ka di sum ni lala, dama ya yɛdda kur zoaari m‑paasira, ka ya wurilim zaŋŋi n‑kyaŋŋi ya taaba saani gba zoaari pam.

I TIMƆTI 1:5

Naawunni yuubu wa daliiri nyɛ la, ni, di kpamsi wurilim; wurilim mun yiiri sufu kasi ni na, ni sufu ni teesa an ka galiŋŋu, ni yɛddamaŋni niŋbu ni na.

II TIMƆTI 1:3

N gyeemni la Naawunni kaman n yaadima ŋɔn daa gyeemni u seem la, ka n sufu ni teesa bɛ la u saani ka ka galiŋŋu: ka n pɛ'ari ŋɔn Naawunni ka laa n‑teaari i yɛla n wunsusigu ni, yuŋŋu ni wuntaŋŋa zaa.

FAILIIMƆN 1:5

Dama m mabiisi yɛtti ma, ni, i wuri ti Dugma Yisa pam, ka laa n‑niŋni u yɛdda, ka boori ban nyɛ Yisa nyaandɔliba zaa.

HIBRUU DIMA 13:3

Ya teaama ban kpari dansarika duu ni la yɛla, ka kyɛ ka di ŋmanni hoo yarima ni ban ka ba la'am n‑kpari; ka laa n‑teaai ban bɛ namsi ni la yɛla dama ya gba nyɛ la ninsaalidima, ka di pa seem ya gba nin di wahala.

HIBRUU DIMA 13:7

Ya teaama ya tooni dima yɛla, ban daa tɔ'asi Naawunni yɛligu n‑ti ya la. Ya teesima n‑nya ba beebu ŋɔn daa naayi niŋi seem; ka ma'asiri ba, ya yɛdda niŋbu puuni.

I GYƆNI 3:23

U lala zaaligu maa nŋɔa: ni, ti niŋi Naawunni Bii maa yɛdda, Yisa Kirisita, ka laa n‑wuri taaba hoo ŋɔn Naawunni ŋɔn wulisi ti seem la.