I TƐSALƆNIKA DIMA 3:5 - Mampruli

⁵ Dinzugu man daa nya ka n ku toaai n‑laa n‑guusi m‑paasi zugu ka n daa tum Timɔti ya saani na, ni di kyɛ ka n baŋŋi ya yɛdda ŋɔn nyɛ seem. Dama n kur teesiri, ni, di pa seem ka Sintaani nya sɔseaa ni u ti yɔmsi ya, ka lala zugu nin kyɛ ka ti tuma la kpalim yɔri.

I TƐSALƆNIKA DIMA 3:5 Iomraidhean Croise

MATIYU 4:3

Ka Sintaani, yɔmsigu daana, daa kyɛ u saani na n‑yɛli u, ni, “I yi siri nyɛ la Naawunni biiya, i ku kyɛ ka kuga wa leebi bundira?”

TUUMUDIMA TUMA 15:36

Tɔ. Saha ŋɔn daa ti gaari beela, Pɔla daa yɛli Baanabasi, ni, “Kyɛ ka ti labi n‑kaai tinseesi tin daa pun kyaŋŋi n‑wulisi Naawunni yɛttɔ'a maa, n‑nya ti mabiisi maa ŋɔn bɛ seem.”

I KƆRINTI DIMA 7:5

Yan di za'asi taaba, ka di yi pa la ya niŋi la nangbanyinni, ni, ya zaŋŋi lala saha maa n‑susiri Naawunni; ka laa n‑la'am taaba yaasa. Ka di kyɛ ka Sintaani zamsi ya n‑nyaŋŋi, yan ku toaai m‑mari ya mansi zugu.

II KƆRINTI DIMA 2:11

Ka di nin kyɛ ka Sintaani ku nyaŋŋi ti. Dama ti pa la seeba ban zi u teesibeeri yɛla an nyɛ seem la.

II KƆRINTI DIMA 6:1

Naawunni tuntuntaaba n nyɛ ti, ka Naawunni pun zaŋŋi u piini n‑ti ti, halli ka ti bu sumsi lala; tɔ, ka di zugu ti kpamsiri ya, ni, yan di kyɛ ka Naawunni piini wa basi yɔri.

GALƐSEAA DIMA 2:2

Din daa kyɛ ka n kyaŋŋi daa nyɛ la Naawunni ŋɔn daa kasigi n‑ti ma, ni, n kyɛma. N daa zaŋŋi n lahabasuŋŋu maa yɛla n‑wulisi ba, Naawunni lahabasunseaa man daa moonni n‑tiri ninvugseeba ban pa Yɛhudiyadima la. N daa wulisi lala lahabaari m mammaŋŋa, n‑ti baseeba ban daa nyɛ ninvugtibsa la'aŋŋu dima puuni la kɔkɔa, dama n daa bu boori man daa pun tum tunseesi la, bee, man daa na tumni tunseesi maa, daa yi leebi tunyɔya.

GALƐSEAA DIMA 4:11

Di mugsi ma pam ya zugu! Ni, ammi, di pa seem man ŋɔn daa tum tunseesi zaa n‑ti ya maa basi la yɔri?

ƐFƐSUSI DIMA 4:14

Ka ti ku laa n‑nyɛ bileesi, ti ku laa n‑dɔli wulisigu balibubalibu hoo pɛsigu ŋɔn zɛ ti yɔriyɔri seem; ti ku laa n‑kyɛ ka yɔsimyɔmsiriba nin ma'ai ti ziri n‑yɔmsiri ti.

FILIPAAI DIMA 2:16

Ya nin ŋmani lala, yan zaŋŋni nyɔvuri lahabaari n‑tiri ba sahanseaa la. Ya yi niŋi lala, n sufu nin mari yaa Kirisita Dabsiri maa daari, dama din nin ti wulisi, ni, n kpaŋmaŋni ni n tuma maa zaa daa pa yɔri.

FILIPAAI DIMA 2:19

Tɔ: di yi nyɛ ti Dugma Yisa yiiko zugu, m mari tama, ni n nin tum ti mabii Timɔti ya saani na pampaŋŋɔa, ka u nin tiri ma ya lahabaya ka n nin mari sufudoaa.

I TƐSALƆNIKA DIMA 2:1

Ti mabiisi, ya mammaŋŋa mi tin daa kyɛ ya saani na seem la, ni, di daa pa la din kpalim yɔri.

I TƐSALƆNIKA DIMA 3:6

Timɔti mun ŋɔn daa labi na, u daa yɛli ti ya yɛdda ni ya wurilim ŋɔn nyɛ seem. U yɛli ti, ni, ya na kur teesiri ti yɛla, ka boori ni ya nya ti, hoo ti gba sufu ŋɔn boori ya nyaabu seem.