I TƐSALƆNIKA DIMA 3:3 - Mampruli

³ Ni, lala ti kyɛ ka sɔ ku yɔmsi ya n‑labsi ya nyaaŋŋa, wahala wa nyaabu zugu. Ya mammaŋŋa mi halli, ni, di nyɛ la Naawunni yuubu, ni, ti nya wahala wa tataabu.

I TƐSALƆNIKA DIMA 3:3 Iomraidhean Croise

LUUKI 21:12

Amaa ba nin daŋŋi n‑kari ya nti gbaai ya n‑taasi ba la'aŋŋu duri ni, ka kpari ya duu. Ba nin zaŋŋi ya n‑niŋi nadima nuusi ni, ni gɔmnadima nuusi ni: man yuuri zugu ka ba nin niŋi ya lala.

GYƆNI 16:2

Ba nin ti kari ya n‑yiisi ba la'aŋŋu duri maa ni, ka saha nin ti kyɛ na ka ninvugsɔ ŋɔn ti ku ya nin ti teesi, ni, u gyeemni la Naawunni di zugu.

GYƆNI 16:33

N yɛtti ya anŋɔa, ni di ti kyɛ ka ya mari sufudoaa n saani. Duniya wa ni ya mari yɛla, amaa ya mari sufukpeemni dama m pun nyaŋŋi duniya maa.”

TUUMUDIMA TUMA 14:22

Ba daa kaai Yisa nyaandɔliseeba ban bɛ lala tinsi maa ni n‑kpamsiri ba, ni, ba kpaŋŋma ba mansi m‑bari n‑zaani ni sufukpeemni, dama din bɛ seem maa, faasee ka ti nya namsigu pam pɔi ka naayi paai Naawunni naam beebu.

TUUMUDIMA TUMA 2:25

NaaDauda daa bu tɔ'asi u yɛla? Ni#:- ‘N daa daŋŋi n‑nya ka baŋŋi, ni, n Dugma nin bɛ n tooni saha kam; Ŋɔna n zɛ n nudirigu ziiya ka n ku laa n‑damna.

TUUMUDIMA TUMA 21:11

Ka u daa kyɛ ti saani na n‑zaŋŋi Pɔla sɛlooriga n‑lɔ u mammaŋŋa gbaya ni u nuusi; ka yɛli, ni, “Naawunni Sii Kasi yɛliya: ‘Lala ka Yɛhudiyaseeba ban bɛ Gyɛrusalɛm maa nin ti lɔ sɛlooriga wa daana, n‑zaŋŋi u n‑niŋi u ban pa Yɛhudiyadima maa nuusi ni.’ ”

TUUMUDIMA TUMA 21:13

Amaa Pɔla daa yɛli ti, di saha maa, ni, “Wula zugu ka ya niŋni lala? Ya kumni n‑sa'amni la n sufu. Man mun niŋi siri ni n kyaŋŋi Gyɛrusalɛm ka ba ti zaŋŋi ma n‑lɔ - halli ba yi ku ma gba - n Dugma Yisa yuuri zugu.”

TUUMUDIMA TUMA 9:16

N nin wulisi u ŋɔn nin di wahala seem n yuuri zugu.”

ROOM DIMA 5:3

Din paasi maa, ti mari sufupeelli halli ti wahala diibu puuni gba, dama ti mi, ni, wahala diibu paasiri ti sugru ni sufukpeemni.

I KƆRINTI DIMA 15:58

Lala zugu, m mabiwutta, see ka ya bɛ yummu deede; yan di bɛ kpa, ka bɛ kpa. Ya zaŋŋma ya mansi zaa n‑ti ti Dugma tuma maa sahakam, dama ya mi halli, ni, ya yi tumni pam n‑tiri ti Dugma, ya bu tumni la yɔri.

I KƆRINTI DIMA 4:9

N teesi, ni, Naawunni zaŋŋi tirima, u tuumudima maa, ka labsi ti yɛla nyaaŋŋa. Ti ŋmanni la hoo ninvugseeba ban kari ti sariya n‑lusi ti, ni, ti sum la kum; ka ti diri lala wahala ni sɔkam ti gɔsira - halli malaakadima ni ninsaalidima zaa gba.

ƐFƐSUSI DIMA 3:13

Anŋɔ zaa zugu ka n yɛtti ya, ni, yan di gbarigri beesigu ni, man ŋɔn namsiri ya zugu la zugu, dama lala nyɛ la duusigu n‑ti ya.

FILIPAAI DIMA 1:28

Ninvugseeba m bɛ ni m bu boori ya yɛla halli. Amaa yan di zɔri ba yɛla dabeem seelikam zaa zugu. Ba zabboobu wulisiri la ya zaa yɛla, ni, ban nin baasi yɔri, yarim mun nin nya tuliginsim, ka di yi la Naawunni saani na.

KƆLOOSIDIMA 1:23

Ya siri nin kpalim m‑bɛ lala, ya yi bari n‑zaani kpeeŋŋa ya yɛdda maa ni, ka bu birisira. Ya zɛ lala, ka kur kpalim m‑mari tama. Ya teaama lahabasuŋŋu la yɛla, yan daa pun wum lahabaseaa maa - ya tama n‑siri la. Ba daa tɔ'asi lahabasuŋŋu wa yɛla n‑tisi bunvuya zaa duniya wa puuni, halli ka man, Pɔla, leebi la ŋɔn tumni lahabaari maa tuma.

I TƐSALƆNIKA DIMA 5:9

Naawunni daa bu maali ti ni u sufuyisigri tubdarigri ti paai ti na, amaa u zaali ti ni ti nya tuliginsim ti Dugma Yisa Masiiya zugu.

II TƐSALƆNIKA DIMA 1:4

Dinzugu ti kur nyuuri la bara n‑yɛtti Naawunni niriba zaa n‑wulisiri ba yan zɛ yummu seem, ni ya yɛdda niŋbu yɛla, halli ni ya nyari namsigu ka diri wahala zaa.

II TIMƆTI 1:8

Dizugu di kyɛ ka vi mari i, nyin tɔ'asiri ti Dugma yɛla zugu, bee, man zugu gba, man ŋɔn bɛ dansarika duu wa ni maa. See ka Naawunni yiiko kyɛ ka man ni nyin la'am n‑di wahala lahabasuŋŋu maa zugu.

I PIITA 2:21

Dinŋɔ zugu ka ba daa booli ya, dama Kirisita daa nya namsigu ya zugu, ka lala u daa kyɛ n‑zaali n‑wulisiri, ni, ya gba dɔli u soori maa.

KASIGRI 2:10

Yan di zɔ dabeem yan yɛ n‑nya namsigu seem zugu. Ya bu nya? - Sintaani nin kyɛ ka ba gbaasi yaseeba n‑kpari sarika duu ni n‑namsi ya, ka ya nin nya wahala dabsipiiya. Ya kur zɛ yummu m‑mari ya yɛdda niŋbu kirikiri, halli nti paai kum, ka mani nin zaŋŋi piinisuma n‑ti ya - di nyɛ la nyɔvuri.”

KASIGRI 2:13

“M mi yan bɛ seela maa, ni, Sintaani naam zizii bɛ la bɛni. Ya bu nya? - ka halli ni dinŋɔ zaa, ya na mari n yuuri yɛla suŋŋa, ka bu za'asi yan niŋi ma yɛdda seem, halli Antipasi saha gba - Antipasi sɔ ŋɔn daa mooli n yɛla ka ba daa ku u ya tiŋŋa maa puuni, kan nyɛ Sintaani ŋɔn bɛ seela.