I TƐSALƆNIKA DIMA 3:2 - Mampruli

² ka tum ti mabii Timɔti ya saani na, dama u nyɛ la Naawunni tuntumna, ka tin ni ŋɔna la'am n‑tumni Kirisita lahabasuŋŋu mooligu tuma la. Ŋɔna ka ti daa tum ya saani, ni u ti kpaam ya, ka kpamsi ya yɛdda.

I TƐSALƆNIKA DIMA 3:2 Iomraidhean Croise

TUUMUDIMA TUMA 16:1

Ka Pɔla daa gɔ n‑gɔ, halli nti paai Dɛribee ni Lisitira tinsi. Bɛni ka Yisa nyaandɔlisɔ daa bɛ ni, ka u yuuri boonni Timɔti. U ma gba daa niŋi Yisa yɛdda, ka mun daa nyɛ Yɛhudiyapɔ'a, amaa u ba daa nyɛ la Griika doowa.

TUUMUDIMA TUMA 16:5

Dizugu ban daa la'amni n‑dɔli Yisa maa daa mari yaa ni yɛdda, ka ba daa zoaari m‑paasiri sahakam.

TUUMUDIMA TUMA 18:5

Tɔ; ka Sailasi ni Timɔti ŋɔn daa yi Masidoonya tingbaŋŋu na, Pɔla nini daa moaai la Naawunni yɛligu yɛla ni kɔkɔa, n‑wulisiri Yɛhudiyadima maa, ni, Yisa n siri nyɛ Naawunni ŋɔn tum sɔ na ni u ti di Masiiya la.

ROOM DIMA 16:21

Timɔti, n tuntunkpeaa la, puusiri ya suŋŋa, ni n dɔ'ariba m‑paasi - Luusiyusi, ni Gyeesɔni ni Soosipata nla.

I KƆRINTI DIMA 3:10

Mani n nyɛ tammeera ni yɛlimaŋni, hoo man deaai piiniseesi Naawunni saani la, ka n daa nyeebi nyeebri maa; ka sɔ mun deaai m‑meeri n‑tɔmna: tɔ! see ka sɔkam mari u maŋŋa ka baŋŋi ŋɔn tumni u meebu tuma seem.

I KƆRINTI DIMA 4:17

Dinŋɔ zugu ka n tum Timɔti ya saani na; u nyɛ la m biwuttigu ni yɛlimaŋni, ka laa n‑nyɛ sɔ ŋɔn zɛ yummu ti Dugma yɛla zugu. Ŋɔna nin toaai n‑teaari ya man Kirisita beesigu sɔya yɛla, hoo man ŋɔn wulisi seem lugri kam man la'amni ni Naawunni niriba zaa.

II KƆRINTI DIMA 1:1

Man Pɔla n‑sɔbri gbaŋŋu wa - man ŋɔn nyɛ Yisa Kirisita Masiiya tuumu, Naawunni yuubu zugu - man ni ti mabii Timɔti: ti sɔbri n‑tiri ya, yan bɛ Kɔrinti tiŋŋa n‑la'amni n‑gyeemni ti Dugma la, ni Naawunni niriba zaa ban bɛ Akaaya tingbaŋŋu ni.

II KƆRINTI DIMA 1:19

Dama Naawunni Bii Yisa Kirisita yɛla ka ti daa mooli n‑ti ya - man ni Sailivanisi ni Timɔti - ka ŋɔn mun Yisa pa la ‘Ii!’ ni ‘Ay!’ daana, amaa ka u seelikam kur sakki, ni, ‘Ii!’

II KƆRINTI DIMA 2:12

Tɔ, man ŋɔn daa kyaŋŋi Tirɔ'asi tiŋŋa, ni n ti mooli Kirisita lahabasuŋŋu yɛla maa, n daa nya ka ti Dugma pun yoaai soori n‑ti ma.

II KƆRINTI DIMA 2:13

Amaa n daa na kpalim n‑ka sufudoaa dama n daa bu nya m mabii Taituusi la bɛni. Lala zugu ka n daa kyeoosi ba ka gaari n‑kyaŋŋi Masidoonya.

II KƆRINTI DIMA 8:23

Taituusi muna - u nyɛ la n tuntuntaraana ya saani. Ka ti mabiisi wa mun zɛ la ba taaba zaaziiya, ba taaba mun n nyɛ baseeba ban la'amni n‑gyeemni Naawunni tinsi zaa puuni; ka ban laa n‑nyɛ seeba ban kyɛ ka Naawunni nya pɛ'abu.

FILIPAAI DIMA 1:25

Tɔ: n siri mi halli, ni, lala n nyɛ di. Ni, ka di zugu n nin kpalim n‑na bɛ ya saani, ni ya ti kyɛnni tooni n‑nyari sufupeelim pam ya yɛdda niŋbu zugu.

KƆLOOSIDIMA 1:1

Man Pɔla n‑sɔbri gbaŋŋu wa n‑tiri ya Kɔloosi dima, man ni m mabii Timɔti la; n daa di la Yisa Kirisita Masiiya tuumu, Naawunni sufu yuubu zugu. Yarima mun nyɛ la Naawunni niriba ka laa n‑nyɛ yɛdda dima ni ti mabiisi, Kirisita zugu.

KƆLOOSIDIMA 1:7

Lahabaari maa ka ya daa wum Ɛpafraasi saani; ŋɔn Ɛpafraasi nyɛ la ti mabisuŋŋu ka ti la'amni n‑tumni Naawunni tuma. Yɛdda daana n nyɛ u, ka u tumni n‑tiri Kirisita yarim zaa zugu.

KƆLOOSIDIMA 4:12

Ya timbisɔ gba bɛ ni, Ɛpafraasi, ka ŋɔn gba puusiri ya ni. U nyɛ la Kirisita Yisa nyaandɔlisuŋŋu. U moori sahakam n‑susiri Naawunni n‑tiri ya, ni, ya nin zɛ yummu Naawunni soori maa ni n‑dɔli Naawunni yuubu zaa sahakam.

KƆLOOSIDIMA 4:9

Ka n kyɛ ka Ɔneesima gba ti dɔli u n‑kyɛ ya saani na: ŋɔn gba nyɛ la ti mabisuŋŋu, tin mun niŋi u yɛdda n‑wuri u pam gba. Halli u nyɛ la ya timbiiya, ka u nin yɛli ya ti kpa wa yɛttɔ'a zaa.

I TƐSALƆNIKA DIMA 3:13

Ka dinŋɔna u nin kpamsi ya, ka kyɛ ka ya bari n‑zaani, ni ya ti bɛ kasi ka ka taalli ti Ba Naawunni saani. Ka di nin ti nyɛ la lala, sahanseaa ti Dugma Yisa ŋɔn ti ya labi na la, ka u toori niriba zaa nin ti dɔli u na.

I TƐSALƆNIKA DIMA 3:5

Dinzugu man daa nya ka n ku toaai n‑laa n‑guusi m‑paasi zugu ka n daa tum Timɔti ya saani na, ni di kyɛ ka n baŋŋi ya yɛdda ŋɔn nyɛ seem. Dama n kur teesiri, ni, di pa seem ka Sintaani nya sɔseaa ni u ti yɔmsi ya, ka lala zugu nin kyɛ ka ti tuma la kpalim yɔri.