I TƐSALƆNIKA DIMA 3:13 - Mampruli

¹³ Ka dinŋɔna u nin kpamsi ya, ka kyɛ ka ya bari n‑zaani, ni ya ti bɛ kasi ka ka taalli ti Ba Naawunni saani. Ka di nin ti nyɛ la lala, sahanseaa ti Dugma Yisa ŋɔn ti ya labi na la, ka u toori niriba zaa nin ti dɔli u na.

I TƐSALƆNIKA DIMA 3:13 Iomraidhean Croise

MATIYU 25:31

Ni, “Dama Ninsaala Bii ŋɔn ya zaŋŋi u gyirima neesim n‑kyɛ na sahanseaa la, ka malaakadima zaa ŋɔn nin la'am n‑dɔli u, di saha u nin zini u naam ziziveelli zugu.

MAAKI 8:38

Ninvugsɔ yi ti kpalim m‑bɛ zuna niriba wa sunsukkuni n‑zɔri vi n yɛla zugu, ni n wulisigu zugu gba, ba tumbeeri ni ba yɛdda kaalinsi zugu, di daama muna - Ninsaala Bii yi ti kyɛ na sahanseaa la, ŋɔn gba nin ti zɔ vi u yɛla zugu; dama ŋɔn Ninsaala Bii siri nin zaŋŋi u Ba Naawunni gyirima ka kyɛ ka Naawunni malaakadima n dɔli u ka kyɛ na.”

LUUKI 1:6

Ka babayi maa zaa daa nyɛ la ninvugsuma Naawunni saani, ka daa dɔli ti Dugma Naawunni zaaligu soori ni u kaya zaa, ka ka galinsi.

ROOM DIMA 14:4

I nyɛ la ŋɔni n‑katti sɔ daabri sariya? Di ti nyɛ la ŋɔn su u maa n nin baŋŋi u nyaŋŋiya, bee, u luya. Halli u nin nyaŋŋi n‑zɛ yummu, dama u dugma nin toaai n‑kyɛ ka u nyaŋŋi.

ROOM DIMA 16:25

Ya kyɛ ka ti pɛ'ari Naawunni! Ŋɔna nin toaai n‑kyɛ ka ya nya yaa, ka di yi la man wulisiri lahabasuŋŋu maa ni na, ni Yisa Kirisita yɛla mooligu ni na. Di nyɛ la din wulisi yɛlisɔ'ara gbinni n‑tiri ya la. Ba daa sɔ'ai yɛla wa, piiligu ni halli ni zuna,

I KƆRINTI DIMA 15:23

Amaa sɔkam ni u saha: Kirisita daŋŋi hoo naara ŋɔn daŋŋi seem la, ka ban pa nyɛ la Kirisita niriba - ba saha nyɛ la u lappu na dabsiri daari.

GALƐSEAA DIMA 1:4

Din yɛ n‑kyɛ ka ti tuligi n‑yi zuna tumbeeri sahabeoo puuni nŋɔa#:- ŋɔn Yisa Kirisita daa zaŋŋi u maŋŋa n‑tisi, ti tumbeeri zugu; ka di daa dɔli ti Ba Naawunni ŋɔn daa boori seem.

ƐFƐSUSI DIMA 5:27

Yaasa, u daa niŋi lala ni u ti zaŋŋi ba n‑ti u maŋŋa: ba nyɛ la hoo u maŋtoori pɔ'a, pɔ'aveelli ŋɔn ka lasim, bee da'ari, bee lala yɛlibeoo zaa, nti bɛ u dinni ka ka galiŋŋu.

FILIPAAI DIMA 1:10

Lala nin kyɛ ka ya nin toaai m‑baŋŋi din tu, halli nti paai Kirisita Dabsiri daari la; ka lala saha ya nin ti zaani, galinsɛseelli ka ni.

KƆLOOSIDIMA 1:22

Amaa pampaŋŋɔ Naawunni Bii la daa zɔ ya sindaani Naawunni saani ka kyɛ ka nangbanyinni maali n‑niŋi. U daa zaŋŋi u ninsaatiri ningbiŋŋu n‑niŋi lala, dama u daa mari ka halli nti kpi. Dinŋɔ zugu ka u mari ya n‑taasi Naawunni saani ka kyɛ ka ya ku mari taaliseaa, ka ya leebi Naawunni niriba kasi, ka ka galiŋŋu u saani.

I TƐSALƆNIKA DIMA 2:19

Tama bɔ ka ti ya m‑mari ti Dugma Yisa saani - pa yarima kɔkɔa? Bee, sufupeelli bɔ ka ti ya n‑nya, u lappu na daari maa ni? - pa yarima kɔkɔa? lala saha yi ti paai, bumbɔ zugu ka ti nin baŋŋi, ni, ti nyaŋŋi n‑naai? - ka laa n‑nyuuri bara di zugu. Pa yarima zugu? Ay! - seelli ka ni m‑paasi?

I TƐSALƆNIKA DIMA 3:11

Ti susiri Naawunni ŋɔn nya ti Ba la, ni ti Dugma Yisa, ni, u maalima soori n‑ti ti, ka ti kyɛ ya saani na.

I TƐSALƆNIKA DIMA 3:2

ka tum ti mabii Timɔti ya saani na, dama u nyɛ la Naawunni tuntumna, ka tin ni ŋɔna la'am n‑tumni Kirisita lahabasuŋŋu mooligu tuma la. Ŋɔna ka ti daa tum ya saani, ni u ti kpaam ya, ka kpamsi ya yɛdda.

I TƐSALƆNIKA DIMA 4:15

Ti Dugma yɛligu ŋɔn wulisi seem ka ti yɛtti ya maa: tiseeba ban ya n‑kpalim m‑mari nyɔvuri halli nti paai ti Dugma lappu na saha la muna - ti ku ti daŋŋi ban pun gbisiri kum ni la tooni.

I TƐSALƆNIKA DIMA 4:17

Ka tiseeba ban kpalim m‑mari nyɔvuri m‑bɛ duniya wa ni - tin ni ban nin ti la'am n‑kyaŋŋi nti kpɛ sangbana ni, n‑tuusi ti Dugma Yisa soori saazugu sa; lala ka ti nin ti kpalim m‑bɛ ti Dugma maa saani halli ni saha din ka tɔriga.

I TƐSALƆNIKA DIMA 5:23

Naawunni n tiri sufudoaa: kyɛ ka u maali ya ka ya bɛ kasi zaa, ka mari ya siisi ni ya sufu ni ya ningbina ka a ku ti mari taalli ti Dugma Yisa Kirisita lappu na saha.

II TƐSALƆNIKA DIMA 1:10

Ti Dugma Yisa nin labi na di daari maa, nti nya gyirima u niriba saani, ni tibgri ban pun niŋi u yɛdda saani. Ya gba nin ti bɛ niriba wa sunsukkuni, yan daa deaai lahabaseelli tin daa tɔ'asi n‑ti ya la zugu.

II TƐSALƆNIKA DIMA 1:7

Ka yarima muna, yan ŋɔn nya namsigu la, u nin taasi yɔlisimma na nti ya, ka laa n‑zaŋŋi n‑ti tirima gba. U nin niŋi lala ti Dugma Yisa ni u malaaka yiikodaandima ŋɔn yi ti yi arizana ni na sahanseaa.

II TƐSALƆNIKA DIMA 2:1

N ya n‑tɔ'asi n‑ti ya zaŋŋi n‑kyaŋŋi ti Dugma Yisa Masiiya lappu na, ni tin ti ya la'am n‑tuusi u soori la. Ti susiri ya ni, ti mabiisi,

GYEEMSI 5:8

Lala zugu ya gba mari sugru ka di koaai tama, dama ti Dugma nin kyɛ na, u bu ya yuui.

I PIITA 5:10

Ka ya yi sakki n‑namsi beela, ti Dugma Naawunni nin mari ya suŋŋa n‑ti ya yaa, ka seelli ku daam ya. Ŋɔn Naawunni n nyɛ sɔ ŋɔn tiri piinisuma zaa maa, ka u daa booli ya ni ya laa n‑di u nya'asim din ku naai, Yisa Kirisita zugu.

GYUUDA 1:14

Inɔkyi daa nyɛ la Adam ya'aŋŋa, sɔ ŋɔn daa yi badima ayɔpɔi Adam nyaaŋŋa ni na: ŋɔna n daa tɔ'asi anabitiri yɛttɔ'a zaŋŋi n‑kyaŋŋi niriba wa yɛla, ni, “Ya nyama! Naawunni kyɛ na, ŋɔn ni u nyaaŋŋa - u toori niriba tusatusa la;

GYUUDA 1:24

Naawunni kɔkɔ n nyɛ ti tiligra, ka ŋɔn nin toaai n‑guri ya n‑kyɛ ka ya kpalim m‑bɛ kasi. U nin zaali ya u gyirima zii tooni, ka da'ari ka ni, ka kyɛ ka ya sufu pɛligi zaa di zugu. Ya kyɛ ka ŋɔn Naawunni nya gyirima ti Dugma Yisa Kirisita Masiiya maa zugu, ka nya duusigu, ni kpeeŋŋu, ni yaa. Ka di daa daŋŋi m‑bɛ la lala, ka na bɛ la lala zuna, ka di nin kpalim m‑bɛ lala saha din ka naari. Ammi.