I TƐSALƆNIKA DIMA 3:12 - Mampruli

¹² Ti laa n‑susiri ti Dugma, ni, u kyɛ ka ya wuri taaba, halli n‑wuri niriba zaa; ka ya wurilim zoaai m‑paasiri sahakam hoo tin gba ŋɔn wuri ya seem la.

I TƐSALƆNIKA DIMA 3:12 Iomraidhean Croise

MATIYU 22:39

Kan paasi buyi daana ŋmanni la kana: ka nyɛ la, ni, ‘Wuri i taraana hoo nyin wuri i mammaŋŋa seem la.’

MATIYU 7:12

Ni, “Dinŋɔna yan boori ni niriba niŋi seem n‑ti ya zaa, see ka ya niŋi lala n‑ti ba gba. Zaaligu yɛla maa zaa nla, ni anabidima maa bulisigu m‑paasi.”

LUUKI 17:5

Tɔ, ka tuumudima maa daa yɛli ba dugma, ni, “Paasim ti yɛdda!”

ROOM DIMA 13:8

Yan di di sɔ zaa samni. Sanseaa bu dɔli ya, di yi pa la, ni, ya wuri taaba; dama ŋɔnkam wuri u taraana pun dɔli la zaaligu zaa.

II KƆRINTI DIMA 9:10

Ka Naawunni n nyɛ sɔ ŋɔn zaŋŋi bumbura n‑tiri ban butti la, ka laa n‑tiri bundira ni ba ti di. Ka u siri nin zaŋŋi bumbura n‑tisi yarima, ka laa m‑paasi ya antaam zaa - di nyɛ la: yɛlimaŋni puuni beesigu.

GALƐSEAA DIMA 5:22

Amaa Siiya Kasi beebu ni bɛ la hoo tiseaa kan wanni walisuma: wurilim, ni sufupeelim, ni sufudoaa n‑nyɛ a, m‑paasi sugru, ni nirilim, ni tunsuma tumpu, ni yɛdda niŋbu.

GALƐSEAA DIMA 5:6

Ka tin ni Yisa yi la'am n‑niŋi yinni, sɔ yi guni, bee, u bu guni, a zaa ka yaa halli beela; kulla yɛdda mara, din mun tumni wurilim zugu.

FILIPAAI DIMA 1:9

Ka man susiri Naawunni seem maa nŋɔa: ni, u kur kyɛ ka ya na maali n‑wuri sɔkam pam, ka di dɔli la ya yɛm ni ya sufu ni bamsim an zoaai seem maa.

I TƐSALƆNIKA DIMA 2:8

Tin boori ya yɛla pam zugu n kyɛ ka ti daa lɔ, ni, ti purigi tin mari seelli n‑ti ya. Pa Naawunni lahabasuŋŋu la kɔkɔa, amaa zaŋŋi n‑tabli ti mammaŋŋa nyɔvuya gba, ka di nyɛ la tin kur wuri ya maa zugu.

I TƐSALƆNIKA DIMA 4:1

Ti mabiisi, din paasi nyɛ la: ya teaama din sum ni ya bɛ seem n‑tigi Naawunni nini. Ya pun bamsi lala ti saani, halli lala ka ya daa kur niŋna; ka ti susiri ya ka kpaamni ya ti Dugma Yisa yuuri zugu, ni, ya kur niŋma lala m‑paasira.

I TƐSALƆNIKA DIMA 5:15

Sɔ di boosiri u kpeaa beeri, amaa ya niŋma nirilim n‑tiri taaba - halli n‑tiri sɔkam zaa.

II TƐSALƆNIKA DIMA 1:3

Ti mabiisi, ti kur pɛ'ari Naawunni ya zugu, ka di sum ni lala, dama ya yɛdda kur zoaari m‑paasira, ka ya wurilim zaŋŋi n‑kyaŋŋi ya taaba saani gba zoaari pam.

GYEEMSI 1:17

Piinisuŋŋu kan veela zaa yi la saazugu na, n‑yiiri ti Ba saani na, Sɔ ŋɔn su bunseesi an neaari saazugu zaa maa. Ŋɔn mun bu takkra, u bu ŋmanni la hoo sisiisi an ta'asira.

II PIITA 1:7

M‑paasi ya gyeeŋŋu zugu, ya mari nirilim n‑tiri taaba, ka din paasi bunseelli kam zaa nyɛ la wurilim.

II PIITA 3:18

Ya kyɛ ka ya kur kyɛnni tooni, yan bɛ ni n‑deaari piinisuma ti Dugma ni Tiligra Yisa Kirisita saani sahanseaa la, m‑paasiri bamsim zaŋŋi n‑kyaŋŋi u yɛla gba. Ŋɔnŋɔ nin mari gyirima Zuna, ni saha din ka tɔriga. Ammi.