I TƐSALƆNIKA DIMA 3:1 - Mampruli

¹ Dinzugu tin daa nya ka ti ku toaai n‑laa n‑guusi yaasa, ti daa sakki ni ti kɔkɔ kpalim m‑bɛ Ateensi tiŋŋa

I TƐSALƆNIKA DIMA 3:1 Iomraidhean Croise

TUUMUDIMA TUMA 17:15

Tɔ; ka ninvugseeba ban daa zaali Pɔla soori maa daa mari u n‑kyaŋŋi halli nti paai Ateensi tiŋŋa. Bɛni ka Pɔla daa tɔlim ba Sailasi ni Timɔti saani, ni, ba yɛlim ba, ni, ba kpaŋŋma ba mansi n‑kyɛ u saani na yooma. Ka ba naayi labi n‑kuli Bɛriiya.

TUUMUDIMA TUMA 17:16

Pɔla ŋɔn daa bɛ Ateensi n‑guri Sailasi ni Timɔti maa, u sufu daa bu dɔya, ŋɔn daa kur gɔsiri n‑nyari ba'a ni buga ŋɔn daa zoaai bɛni seem maa zugu.

II KƆRINTI DIMA 2:13

Amaa n daa na kpalim n‑ka sufudoaa dama n daa bu nya m mabii Taituusi la bɛni. Lala zugu ka n daa kyeoosi ba ka gaari n‑kyaŋŋi Masidoonya.

I TƐSALƆNIKA DIMA 2:17

Ti mabiisi, tin daa wɔligi ka kyɛ ya daba ayi la puuni - kulla ti ningbina taaba wɔligri ka n yɛtti wa, pa ti sufu ni teesa wɔligri. Ti sufu zaa daa bɛ la ya nyaabu ni, ni ti teesa zaa, ni ti ba'aba zaa.

I TƐSALƆNIKA DIMA 3:5

Dinzugu man daa nya ka n ku toaai n‑laa n‑guusi m‑paasi zugu ka n daa tum Timɔti ya saani na, ni di kyɛ ka n baŋŋi ya yɛdda ŋɔn nyɛ seem. Dama n kur teesiri, ni, di pa seem ka Sintaani nya sɔseaa ni u ti yɔmsi ya, ka lala zugu nin kyɛ ka ti tuma la kpalim yɔri.