I TƐSALƆNIKA DIMA 2:9 - Mampruli

⁹ Ti mabiisi, ya teaama tin daa tumni seem la yɛla, halli ni ti yaa tɔriga, ni tin daa di wahala seem la. Ti daa kur tumni la wuntaŋŋa ni yuŋŋu, ni di kyɛ ka ti yɛla ku mugsi ya, ka ti toaai n‑yiisi lahabasuŋŋu kan yi Naawunni saani la n‑ti ya na.

I TƐSALƆNIKA DIMA 2:9 Iomraidhean Croise

LUUKI 18:7

Kala, ya teesiya, ni, Naawunni ku ti wum ninvugseeba ban kumni m‑paari u wuntaŋŋa ni yuŋŋu, ni, u suŋŋma ba maa ka zɔ ba namboo, ka fa ba m‑basi?

LUUKI 2:37

dama u daa zinni doo yiri la yuuma ayɔpɔi, ka daa zinni pukɔtiri muna halli ni yuuma pisinii ni anaasi. U daa kur bɛ la Naawunni Gyeeŋŋu Yiri ni, yuŋŋu ni wuntaŋŋa saha zaa, n‑gyeemni Naawunni ni wunsusigu ni noori loobu.

TUUMUDIMA TUMA 18:3

ka naayi kpɛ ba yiri nti gbɛa; ka ŋɔn ni ban la'am n‑tumna, dama ba zaa daa seeri la gbana ni tantidima.

TUUMUDIMA TUMA 20:24

Amaa m ba'a ka m maŋtoori nyɔvuri maa ni, see ka n dɔli n beebu soori nti paai ka naari; ka ti tum tunseaa ti Dugma Yisa ŋɔn zaali ma zaa, halli nti wulisi Naawunni piinisuma lahabaari ŋɔn nyɛ seem zaa.

TUUMUDIMA TUMA 20:31

Dizugu ya guusima sahakam! Ya teaama n yɛla, ni, yuuma ata an gaari wa n daa bu kyɛ ya kpamsigu ni nintam, wuntaŋŋa ni yuŋŋu zaa.

ROOM DIMA 1:1

Man Pɔla n sɔbri gbaŋŋu wa n‑tiri ya. Mani n nyɛ sɔ Naawunni ŋɔn booli ma ni n ti leebi u tuumu la, ka laa n‑gaŋŋi ma n‑zaali u lahabasuŋŋu tuntumna.

ROOM DIMA 15:16

U ti ma, ni, n niŋi Yisa Kirisita tuntumna ban pa Yɛhudiyadima maa saani. N tuma mun nyɛ la Naawunni lahabasuŋŋu tuma, nti kyɛ ka ban pa Yɛhudiyadima la ti la'asi na ka Naawunni Sii Kasi kyɛ ka Naawunni deaai ba la kasikasi. Ka tuma wa ŋmanni la ŋɔn maanni sara tuma, hoo ban la'asi la puri ni antaam na, m‑maali n‑ti Naawunni seem la.

ROOM DIMA 15:19

U zaŋŋi lala tunkara ni alahazibu tuma yiiko n‑tum tuma wa n nuu ni, ni Sii Kasi yiiko. Ka di nyɛ la Gyɛrusalɛm zaŋŋi n‑gyiligi wa'aligu sa, halli nti paai Illirikum tingbaŋŋu ni, ka n mooli Naawunni lahabasuŋŋu maa yɛla zaa.

I KƆRINTI DIMA 4:12

Ti namsiri n‑tumni tuma ni ti nuusi. Ka niriba tuuri ti, ka ti mun kaari kasuma n‑tiri ba; ba namsiri ti ni, ka ti mun bu za'asiri ba yuubu.

I KƆRINTI DIMA 9:15

Soori bɛ ni, amaa man mun daa bu deaai lala anfaani. M bu sɔbri yɛla wa ni ya ti niŋi lala n‑ti ma. Ay! - n yi da kpi di naa n‑sɔa! M bu boori ni ba ta'ari m bara nyuubu.

I KƆRINTI DIMA 9:18

Ka n yoori anfaani nyɛ la bɔa? Dinŋɔ kɔkɔa: ni, n yi moonni lahabasuŋŋu maa ka ba deaari yɔri, man ŋɔn bu boori ligri zugu, anfaani nla n‑ti ma.

I KƆRINTI DIMA 9:4

Ammi, tirima ka soori ni ti nya ti bundira ni bunnyuura?

II KƆRINTI DIMA 11:27

N tumni tunkara n‑namsira, halli sahaseaa m bu gbisira; kɔm m mari ma, ni kɔnyuuri, ni nangbantoo; waari gba mari ma, ka n kyɛnni n‑gyinni yɔri.

II KƆRINTI DIMA 11:9

Ka man ŋɔn daa bɛ ya saani nti pɔsigi seelli maa, n daa bu zaŋŋi n yɛla m‑mugsi ya sɔa; dama ti mabiseeba ban daa yi Masidoonya na la n daa tiri ma man daa pɔsigi seelli zaa. N daa bu sakki n‑kyɛ ka n yɛla mugsi ya sɔa, ka n ya kpalim m‑bɛ lala.

II KƆRINTI DIMA 6:5

Ba bu ti, ka kpari ti sarika duri ni; niriba mun daa zabri ti yɛla zugu; ti daa tumni tunkpeema, ka ganni gɔgala, ka kpalim m‑bɛ kɔm ni. A zaa puuni ka ti tumni la Naawunni tuma.

FILIPAAI DIMA 4:16

Ya laa m‑mi yaasa, ni, ya daa ti ma suŋŋsim halli man ŋɔn daa bɛ Tɛsalɔnika tiŋŋa gba, ka di daa pa la yummu.

I TƐSALƆNIKA DIMA 1:3

Ti Ba Naawunni tooni ka ti teaari ya yɛla sahakam, zaŋŋi n‑kyaŋŋi ya yɛdda niŋbu la yɛla, ni ya wurilim tuma nimmoosi yɛla, ni yan mari tama seem n‑zɛ yummu n‑tiri ti Dugma Yisa Masiiya.

I TƐSALƆNIKA DIMA 2:2

Ya pun mi ban daa feebi ti ka diisi ti vi Filipaai tiŋŋa seem maa pɔi, ka ti daa naayi ti kyɛ ya saani na. Halli ni ban daa namsiri ti maa zaa yɔri, Naawunni daa ti ti sufukpeemni ka ti zaŋŋi lahabasuŋŋu m‑moori n‑wulisiri ya.

I TƐSALƆNIKA DIMA 2:6

Ti daa bu boori pɛ'abu ninsaalisɔ saani, di yi daa nyɛ la ya saani bee seeba saani.

I TƐSALƆNIKA DIMA 3:10

Wuntaŋŋa ni yuŋŋu zaa ka ti zaŋŋi ti sufu zaa n‑susiri u, ni, u kyɛ ka ti laa n‑la'am n‑nya taaba yaasa; ka ya yɛdda yi ti pɔsigi ya'aseelli, ti nin toaai n‑ti ya bunseelli din nin kpamsi ya yɛdda maa m‑paasi di.

I TIMƆTI 1:11

Wulisigu wa mun bɛ la lahabasuŋŋu ni ka mari gyirima, lahabaseelli Naawunni ŋɔn nyɛ Alibarika Daana wa ŋɔn zaŋŋi n‑niŋi man nuusi ni, ni m moonni ka.

I TIMƆTI 4:10

Dinŋɔa zugu ka ti diri wahala ka tumni ni ti yaa tɔriga, dama ti zaŋŋi ti tama zaa n‑niŋi Naawunni Nyɔvuri Daana wa ni. Ŋɔn Naawunni n nyɛ sɔkam zaa tuligra, halli ni u tuligri ninvugseeba ban niŋi u yɛdda la zaa, halli nti yakki.

I TIMƆTI 5:5

Amaa pukɔsɔ ŋɔn bɛ u kɔkɔ ka ka suŋŋna nyɛ la ŋɔn siri boori suŋŋsim. Lala pukoori maa zaŋŋi la u tama zaa n‑niŋi Naawunni nuusi ni, ka kur puusiri Naawunni n‑susiri u, yuŋŋu ni wuntaŋŋa zaa.

II TIMƆTI 1:3

N gyeemni la Naawunni kaman n yaadima ŋɔn daa gyeemni u seem la, ka n sufu ni teesa bɛ la u saani ka ka galiŋŋu: ka n pɛ'ari ŋɔn Naawunni ka laa n‑teaari i yɛla n wunsusigu ni, yuŋŋu ni wuntaŋŋa zaa.