I TƐSALƆNIKA DIMA 2:5 - Mampruli

⁵ Ya mi halli, ni, di pa la nangbammalisim yɛttɔ'a ka ti daa mari n‑kyɛ ya saani na; ti mun daa bu zaŋŋi yɛttɔ'ayɔmsa n‑tɔ'asira, ni ti ti di nyoori ya saani - Naawunni mun ya n‑wulisi lala.

I TƐSALƆNIKA DIMA 2:5 Iomraidhean Croise

MATIYU 22:16

Ka ba daa tum ba nyaandɔliseeba, ni NaaHɛroodi niriba, ni ba kyɛ Yisa saani na nti yɛli u, ni, “Ti Karimba, ti mi halli, ni, i nyɛ la ninvugsuŋŋu, ka i kur wulisiri Naawunni soori ni yɛlimaŋni: halli i ba'a ka niriba yɛla ni ka bu zɔri ninsaala nini.

MATIYU 23:13

Zugbeoo bɛ yarima karimbadima ni Farisidima zugu! Yan birikɔnsi dima wa! Dama ya kpari la bamsim bamsigu za'anɔri, ka niriba ku toaai n‑kpɛa. Yarima mammansi ku sakki n‑kpɛa, ka laa n‑ta'ari ban kpeeri la soori.

TUUMUDIMA TUMA 20:33

N kɔrisi daa ka sɔsɔ ligri ni, bee, u sutura ni.

ROOM DIMA 1:9

N kur gyeemni Naawunni ni n sufu zaa, ka tumni u Bii maa lahabasuŋŋu tuma ni nimbirimoaa. Ka ŋɔn Naawunni nin kyɛ ka ya baŋŋi man ŋɔn kpalim n‑susiri u n‑teaari ya yɛla seem la saha kam.

ROOM DIMA 16:18

Dama lala niriba bu gyeemni ti Dugma Kirisita, amaa ba maŋtoori kɔrisi yɛla ka ba gyeemna. Ka ba zaŋŋi ba yɛttɔ'anya'asa ni nangbammalisim la n‑yɔmsiri ninvugseeba ban teesa bu zulima.

ROOM DIMA 9:1

Man ŋɔn ya tɔ'asiri n‑tiri ya wa nyɛ la yɛlimaŋni, man ŋɔn bɛ Kirisita saani maa zugu; m bu ma'ari ziri, halli Naawunni Sii Kasi kur kyɛ ka n sufu ni teesa wulisiri lala gba.

II KƆRINTI DIMA 12:17

Ni, ka dinŋɔna n daa tum ninvugseeba ya saani na. Tɔ! - ba sɔ n daa fa ya n‑ti ma? Ŋɔni n‑daa la? - Ay, ba sɔ zaa daa bu fa ya!

II KƆRINTI DIMA 2:17

Tirim bu ŋmanni daa biisi, ti bu zaŋŋi Naawunni yɛligu n‑diri daa n‑koosiri m‑boori ligri di zugu. Ay - ti tɔ'asiri yɛdda ni yɛlimaŋni yɛla: ti tɔ'asiri hoo Naawunni ŋɔn tum seeba la, ka di nyɛ la ŋɔn Naawunni ni Kirisita tooni ka ti tɔ'asira.

II KƆRINTI DIMA 4:2

Ay! - di pa lala. Ti za'asi yɛlisɔ'ara seesi m mari vi la, ka bu goori n‑yɔmsira, ti mun bu sa'amni Naawunni yɛligu la. Amaa tin yɛtti yɛlimaŋni maa paalu ni maa zugu kyɛ ka sɔkam baŋŋi ti yɛla suŋŋa u sufu teesa ni, zaŋŋi n‑kpa Naawunni saani.

II KƆRINTI DIMA 7:2

Ya ku deaai ti suŋŋa? Ti bu tum sɔ taalli, ti bu sa'am sɔ soori, ti mun bu yɔmsi sɔ n‑fa u.

GALƐSEAA DIMA 1:20

Man sɔbi seelli wa nyɛ la yɛlimaŋni. Naawunni gba mi, ni, n bu ma'ari ziri!

I TƐSALƆNIKA DIMA 2:10

Ya nyɛ la ti sɛharadima, ka Naawunni gba di ti sɛhara m‑paasi, ti beesigu ŋɔn daa bɛ seem n‑tiri ya yɛddaniŋniba wa: ni, ti daa dɔli yɛlimaŋni soori ka tumni din tuusi, ka galinsi ka ni.

I TIMƆTI 3:3

Di bu sumni ni u nyɛ ŋɔn nyuuri daam m‑bugra, bee ŋɔn nyɛ zabboora; amaa di sumni ni u nyɛ la ŋɔn bɛ baalimm ka pa ŋɔn ŋmeeri nangbankpeemni, bee, ŋɔn sufu wuri ligri nti yakki.

I TIMƆTI 3:8

Di bɛ la lala gba ban suŋŋni ya toondaandima saani. Di kpa la talasi ka ba mari la beesisuŋŋu ka niriba tiri ba gyirima. Di laa n‑sum ni ba zɛ la yummu ka tɔ'asiri yɛlimaŋni. Ba di nyuuri daam m‑bugra, bee, ba sufu wuri ligri nti yakki.

TAITUUSI 1:7

Toondaana ŋɔn su Naawunni yiri dima tuma fukumsi zugu, di niŋi la kamaata ka u mari la beesisuŋŋu ka ka galiŋŋu. Di bu sumni ni u nyuuri bara, bee, u sufu yisigi yoomyooma. Di mun bu laa n‑sumni ni u nyɛ danyuura, bee, zabboora bee, ŋɔn ba'a zaa bɛ la ligri boobu ni.

I PIITA 5:2

Ya niŋi hoo bunkɔbguriba n‑guri Naawunni peesi n‑ti u: ba bɛ la ya saani, dizugu see ka ya guri ba suŋŋa hoo Naawunni ŋɔn boori seem, pa la sɔ ŋɔn mugsi ya zugu amaa ya sufu yuubu. Ya tumma ya tuma suŋŋa, pa la ligri boobu zugu, amaa ya maŋŋa ŋɔn boori nimmoosi ka ya tumni zugu.

II PIITA 2:18

Ba tɔ'asiri la karimbaani yɛttɔ'aseesi an mari gyɛrilim. Ka ba zaŋŋni ba ningbinkɔrisi tuma n‑yɔmsiri niriba - ninvugseeba ban na yi ziri yɛla ni n‑niŋni tuuba ka di bu yuui.

II PIITA 2:3

Ba zinyuu maa puuni ka ziri karimbadima wa nin sɔlim ziri sɔlima ni ba ti nya nyoori ya saani; amaa m‑mari nti paai zuna, Ŋɔn ya kari ba sariya gba siri biiya; ka din sa'amni ba maa gba bu gbisira.

GYUUDA 1:11

Waai, waai, waai! Ba yɛla basi la yɔri! Dama ba dɔli la Kyeen sɔbeoo la. Ba mun sufu kpɛ Beelɛm yɔmsigu yɛla ni, ka ba nin nya tubdarigri hoo ŋɔn Beelɛm ŋɔn daa nya seem la. Halli ba za'asiri yɛlimaŋni soori hoo Koora ŋɔn daa za'asi seem, ka ba nin nya baasiyɔri hoo ŋɔna.