I TƐSALƆNIKA DIMA 2:4 - Mampruli

⁴ amaa ti kur tɔ'asiri la Naawunni ŋɔn boori ni ti tɔ'asi seem, dama Ŋɔna n nyɛ ŋɔn zɛ ti nyaaŋŋa ka zaŋŋi lahabasuŋŋu wa n‑niŋi ti nuu ni. Ti bu tumni ni ninsaalidima nini tigi ti, amaa ti boori la Naawunni nini tigi ti, dama Ŋɔna n nyɛ ŋɔn mi ti sufu ni teesa zaa.

I TƐSALƆNIKA DIMA 2:4 Iomraidhean Croise

LUUKI 12:42

Ka Yisa daa gyɛrigi n‑yɛli “Ninvugŋɔni n lee n‑nyɛ daabsɔ ŋɔn mari yɛm ni yɛdda? - ka u dugma zaŋŋi u yiri maa fukumsi n‑niŋi u nuu ni, ni u basiri mɔnni n‑tiri ba, mɔnni basibu saha.

LUUKI 16:11

Dizugu ya yi bu zɛ yimmu zaŋŋi n‑kyaŋŋi duniya wa la'ayɔya yɛla, ŋɔni nin lee nin sakki n‑zaŋŋi arizikki maŋni n‑niŋi ya nuu ni.

GYƆNI 21:17

Ka u maali n‑yɛli u napɔmbuta daana, ni, “Saimoon, nyin Gyɔni bii wa, ammi, i siri nyɛ la n zɔa?” Di saha ka Piita sufu daa bu maai, Yisa ŋɔn boosi u di napɔmbuta wa, ni, u zɔ n nyɛ u, bee? Di zugu u daa labsi n‑yɛli u, ni, “I mi n yɛla halli zaa, n Dugma; ka baŋŋi, ni, n nyɛ la i zɔa.” Ka Yisa yɛli u, “Kur wubsiri n peesi maa.”

ROOM DIMA 8:27

Naawunni mun viisiri m‑baŋŋi din bɛ ninsaalidima sufu ni, ka laa m‑baŋŋi din bɛ Sii maa teesa ni, dama Sii maa zɔri la Naawunni niriba sindaani n‑tiri ba, ka ŋɔn niŋni seem maa dɔli la Naawunni yuubu soori.

I KƆRINTI DIMA 7:25

Tɔ; ka ban na bu di pɔ'aba muna, ni pɔ'aseeba ban na bu kuli dɔppa gba - n ka ti Dugma zaaligu zaŋŋi n‑kyaŋŋi ba yɛla; amaa man ŋɔn nyɛ sɔ Naawunni ŋɔn zɔ namboo n‑ti ma la, ka u kyɛ ka n niŋi yɛdda daana di zugu, m mari la saawara n‑ti ba.

I KƆRINTI DIMA 9:17

N yi tumni lala tuma maa m mammaŋŋa sufu yuubu zugu, n nyari anfaani di ni; amaa di yi pa la n yuubu zugu, n kur kpalim n‑tumni tunseesi ban zaali ma la.

II KƆRINTI DIMA 2:17

Tirim bu ŋmanni daa biisi, ti bu zaŋŋi Naawunni yɛligu n‑diri daa n‑koosiri m‑boori ligri di zugu. Ay - ti tɔ'asiri yɛdda ni yɛlimaŋni yɛla: ti tɔ'asiri hoo Naawunni ŋɔn tum seeba la, ka di nyɛ la ŋɔn Naawunni ni Kirisita tooni ka ti tɔ'asira.

II KƆRINTI DIMA 4:2

Ay! - di pa lala. Ti za'asi yɛlisɔ'ara seesi m mari vi la, ka bu goori n‑yɔmsira, ti mun bu sa'amni Naawunni yɛligu la. Amaa tin yɛtti yɛlimaŋni maa paalu ni maa zugu kyɛ ka sɔkam baŋŋi ti yɛla suŋŋa u sufu teesa ni, zaŋŋi n‑kpa Naawunni saani.

II KƆRINTI DIMA 5:11

Ka dinŋɔna ti mi Naawunni yɛla ŋɔn mari dabeem seem: lala zugu ka ti kpaŋŋni ti maŋŋa ni ti moonni Naawunni lahabaari n‑kyɛ ka niriba ti sakki. Ti beebu bu sɔ'ai Naawunni saani, ka ti laa m‑mari tama, ni, di bu sɔ'ai ya gba sufu teesa saani.

II KƆRINTI DIMA 5:16

Ka di zugu pampaŋŋɔ zaŋŋi n‑kyɛnna ti ku laa n‑gɔsiri niriba hoo duniya wa ninsaadima maa ŋɔn gɔsiri ba seem m‑bugsiri ba yɛla: halli ti yi daa gɔsiri Kirisita mammaŋŋa gɔsibu wa, ti ku laa n‑niŋi lala.

GALƐSEAA DIMA 1:10

Kala, dinŋɔ ŋmani kaman n boori la ni ninsaalidima nini tigi ma? Bee, Naawunni nintigri ka m boora? Ni, n kpaŋŋni n maŋŋa la ni sɔkam ti baŋŋi n yɛla, fa! Ay! - N da naa m‑boori n niŋi lala, n da naa n‑ku niŋi Kirisita tuntumna, walla!

GALƐSEAA DIMA 2:7

Amaa ba daa baŋŋiya, ni, Naawunni daa zaŋŋi la lahabasuŋŋu mooligu n‑ti ma, ni n deaai n‑zaŋŋi m‑moonni n‑tiri ban pa Yɛhudiyadima maa, kaman ŋɔn daa pun zaŋŋi mooligu wa n‑tisi Piita, ni u zaŋŋi m‑mooli n‑ti Yɛhudiyadima seem la.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

ƐFƐSUSI DIMA 6:6

Ya gyeemni ba, pa la ban yi gɔsiri ya kɔkɔa, hoo ninvugseeba ban boori ni ba nya duusigu ninsaalidima saani, amaa yɛlimaŋni ni, hoo daaba ban nyɛ Kirisita dinni; ya tumni la Naawunni tuma ya sufu ni.

KƆLOOSIDIMA 3:22

Daaba, ya wumni n‑tiri ya duniya wa dugmadima, ni gyirima ni ninzoaa. Ya gyeemma ba, pa la ban yi gɔsiri ya kɔkɔa, hoo ninvugseeba ban boori ni ba nya duusigu ninsaalidima saani, amaa ya zaŋŋi ya sufu zaa n‑tumni n‑tiri ba sahakam, ka zɔri Naawunni gba.

I TIMƆTI 6:20

M bii Timɔti, mari Naawunni ŋɔn zaŋŋi bunseelli n‑niŋi i nuu ni, ni i guri maa. Ŋmaligma ka kyɛ yɛttɔ'akyɔ'ama an bu sum ni Naawunni yɛla ni, ka za'asi nangbankpeemni zaŋŋi n‑kyaŋŋi yɛttɔ'aseesi ninvugseeba ŋɔn kyirimni m‑boonni ‘bansim’ la.

II TIMƆTI 1:14

Naawunni Sii Kasi ŋɔn bɛ ti ni la pun zaŋŋi yɛlimaŋni bunsuŋŋu n‑niŋi i nuu ni; kur kpalimma n‑gura suŋŋasuŋŋa.

II TIMƆTI 2:2

I pun wum Naawunni yɛttɔ'asuma man saani, ka niriba pam gba daa la'amni i saani n‑wumna. Tɔ: ka dinŋɔna zaŋŋma anŋɔ n‑wulisiri ninvugseeba ban zɛ yummu ka nyɛ ban gba nin toaai n‑zaŋŋi a n‑wulisiri ba taaba.

TAITUUSI 1:3

Ka saha maa deede ŋɔn daa ti paai, u daa kasigi u yɛligu maa n‑tiri niriba. Naawunni ŋɔn nyɛ ti tuligra la n daa zaŋŋi lahabasuŋŋu maa n‑niŋi n nuusi ni, ka m moonni ka: ka lala lahabaari puuni ka u wulisiri u yɛligu yɛla.

HIBRUU DIMA 4:13

Bunseelli ka ni n‑nin toaai n‑sɔ'ai Naawunni saani, dama duniya yɛla ni buna kam zaa dɔ la u tooni, ka ti zaa nin ti vii ti beesigu m‑bulisi u.

I PIITA 4:11

Dinŋɔna ŋɔn tɔ'asiri yɛttɔ'a, ŋɔn tɔ'asim Naawunni ŋɔn zaŋŋi yɛttɔ'aseesi n‑ti u la; ka ŋɔn tumni n‑suŋŋni niriba, ŋɔn zaŋŋma yaseaa Naawunni ŋɔn zaŋŋi n‑ti u la n‑tumna. Lala zugu ka Naawunni nin nya pɛ'abu Yisa Kirisita zugu, dama ŋɔn Yisa nyɛ yiiko daana ni gyirima daana, n‑su a ni, halli ni saha din ka naari. Ammi.

KASIGRI 2:23

N nin kyɛ ka u biisi maa ti kpi zaa. Lala saha maa ka ninvugseeba ban la'amni n‑gyeemni ma tinsi tinsi puuni maa nin ti baŋŋi, ni, man nyɛ la sɔ ŋɔn viisiri niriba sufu ni teesa, ka nin ti tisi ya sɔkam hoo u maŋtoori tuma ŋɔn sumsi ni u deaai seem maa.