I TƐSALƆNIKA DIMA 2:16 - Mampruli

¹⁶ Halli ba daa kpaŋŋi ba maŋŋa ni ba ta'ai ti ka ti ku toaai m‑mooli tuliginsim lahabaari n‑ti ban pa Izraɛli dima maa. Ba pun tum tumbeeri pam, ka ba ala'akyi tuma wa paasiri tumbeeri anla zugu, ka a paari a tɔriga. Ka Naawunni sufuyisigri naayi paai ba n‑naai.

I TƐSALƆNIKA DIMA 2:16 Iomraidhean Croise

MATIYU 12:45

ka dizugu u daa labi n‑kyaŋŋi n‑zaŋŋi u arizintaaba ayɔpɔi seeba ban bɛ n‑gaari u mammaŋŋa, ni ba ti paasi u zugu, ka ba daa kpɛ nti bɛ bɛni. Di saha maa ka di daama beesigu daa bɛ pam n‑gaari din daa daŋŋi m‑bɛ seem. Ka di kur bɛ la lala zuna niriba saani.”

MATIYU 23:32

Halli, ya badima maa ŋɔn daa pɔsigi tumbɛseesi la, yarim mun tumni a n‑tiri ba.

MATIYU 24:14

Ka ba nin ti mooli Arizana naam lahabasuŋŋu wa ka tinkam zaa niriba baŋŋi di yɛla suŋŋa, halli nti paai duniya wa lugri kam. Ba nin niŋi lala pɔi, ka bunseelikam naayi ti naai.

MATIYU 24:6

Ya nin wumni tɔppu damni, bee di lahabaya; ya gɔsima! - yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla.

MATIYU 3:12

U kyɛnni na; ka pun maali u neema siri ni u pii u kabuubu tampii maa ka ka niŋi kasikasi. Ka u nin yeeli u kyi maa n‑yiisi wuurigu la ka kyɛ kabeelim. Kasuma maa ka u nin la'asi n‑su kusɔkku maa ni, ka naayi zaŋŋi wuurigu maa zaa n‑vaai m‑basi bugunseebu bun ka kpiisigu puuni.”

MAAKI 16:16

Ka ŋɔnkam niŋi yɛdda n‑su Naawunni koom nin nya tiliginsim, amaa ŋɔnkam za'asi ka bu niŋi yɛdda nin baasi yɔri.

TUUMUDIMA TUMA 13:45

Ka Yɛhudiyadima maa ŋɔn daa ti nya daadam wa, nyuuri daa wum ba pam, ka ba daa gbaai kyiisigu, ni, Pɔla ŋɔn wulisiri yɛttɔ'aseesi la pa la yɛlimaŋni, ka tuuri u tupeela.

TUUMUDIMA TUMA 13:50

Amaa Yɛhudiyadima daa kpa'atiri la pɔ'aseeba ban daa dɔli ba Naawunni soori ka nyɛ tiŋŋa maa ninvugtibsa la, ni tinkpamma maa m‑paasi, halli ka di ti paai ni ba zabri Pɔla ni Baanabasi n‑niŋi ba putoo tuma, ka kari ba n‑yiisi ba tingbaŋŋu maa ni.

TUUMUDIMA TUMA 14:19

Di nyaaŋŋa ka Yɛhudiyadimseeba daa yi Antiyɔkku Pisidii tiŋŋa na, ka seeba daa yi Aikoonyum na. Ba daa tɔ'asi niriba maa n‑kyɛ ka ba deaai ba noori, ka zaŋŋi kuga n‑lɔbi Pɔla halli nti yɛli, ni, u kpi ni; ka vuui u n‑yiisi tiŋŋa maa kpaŋŋa ka kyɛ u.

TUUMUDIMA TUMA 14:2

Amaa Yɛhudiyadimseeba ban daa za'asi yɛdda niŋbu la daa tugli ban pa Yɛhudiya niriba la n‑kyɛ ka ba suuri yisigi, ka ba daa zabi ni yɛddaniŋniba maa.

TUUMUDIMA TUMA 14:5

Ka Yɛhudiyadima maa ni buriseesi niriba daa la'am ni tiŋŋa maa toondaandima, ni ba teesi ba nin niŋi tuumudima maa putoo seem ka lɔbi ba kuga.

TUUMUDIMA TUMA 17:13

Amaa Yɛhudiyadimseeba bam bɛ Tɛsalɔnika la ŋɔn daa ti wum, ni, Bɛriiya gba ka Pɔla moonni Naawunni yɛligu maa, ba daa kyɛ na n‑daamni daadam maa ka ka'anni ba.

TUUMUDIMA TUMA 19:9

Amaa baseeba mun daa mari la zugkpeeŋŋu, ka daa za'asiri yɛdda niŋbu ka sa'amni Yisa soori maa yɛla paalu ni. Dizugu ka Pɔla daa kyɛ ba, ka daa zaŋŋi baseeba ban daa dɔli Yisa nyaaŋŋa maa n‑wɔligi n‑yi ba saani. Ka beoo kam ba daa kpeeri Tiranusi kariŋŋu duu la ni, n‑tɔ'asiri ka diri azama zaŋŋi n‑kyaŋŋi Yisa yɛla.

TUUMUDIMA TUMA 21:21

Tɔ, ka ba wum i yɛla maa, ni, i wulisiri Yɛhudiyaseeba ban bɛ tinzuna tinsi zaa ni, ni, ba kyɛli Musa zaaligu yɛla; yaasa, ni, i yɛtti ba, ni, ba di laa n‑guni ba biisi n‑dɔli kaari maa.

TUUMUDIMA TUMA 23:12

Ka beoo ŋɔn daa ti neaai, Yɛhudiyaseeba daa la'am taaba m‑pɔ noori, ni, ba ku di diibu, bee n‑nyu seelli, na'ala ba ti ku Pɔla n‑naai.

TUUMUDIMA TUMA 24:9

Ka Yɛhudiyadima maa zaa daa la'am n‑galimni u m‑paasi, n‑yɛtti, ni, anŋɔ zaa nyɛ la yɛlimaŋni.

TUUMUDIMA TUMA 25:2

Ka Yɛhudiyadima gyeeŋŋu toondaandima ni ba kpamma maa daa paai u na nti galimni Pɔla

TUUMUDIMA TUMA 25:7

Ka ŋɔn daa ti kpɛ na maa, Gyɛrusalɛm dima daa kyɛ na n‑zaani n‑gyiligi u n‑galimni u yɛttɔ'abeeri ni taalitibsa yɛla; amaa ba daa bu nyaŋŋi n‑wulisi anŋɔ zaa yɛlimaŋni ŋɔn nyɛ seem.

TUUMUDIMA TUMA 4:12

Yisa kɔkɔ nin ti fa ya m‑basi, dama Naawunni daa bu kyɛ ka ninvugsɔ bɛ duniya wa ni ka nira yi ti booli u yuuri ka u fa u m‑basi, m‑paasi ŋɔn Yisa yuuri zugu.”

TUUMUDIMA TUMA 9:23

Saha daa ti paai ka Yɛhudiyadima maa daa la'am taaba ni ba ti baŋŋi ban nin niŋi seem n‑ku Sɔla.

I KƆRINTI DIMA 10:33

Lala ka man moora, ni n kyɛ ka sɔkam sufu maai n yɛla zugu. M bu boori m mammaŋŋa anfaani yɛla, see din mari anfaani n‑tiri sɔkam - di nyɛ la: ni, ba nya tuliginsim.

GALƐSEAA DIMA 5:11

M mabiisi, amaa man ŋɔna - ni, n na kur kpalim n‑gyinni m‑moonni, ni, gunibu nyɛ la bunseela din kpa talasi: tɔ, ka di yi bɛ la lala, wula zugu ka n laa m‑bɛ galinsi ni wahala puuni? Dama man yi siri moonni lala, Yisa kum dɔpulli yɛla ku laa m‑bɛ n saani ni ba ti yaai ma di zugu.

ƐFƐSUSI DIMA 3:13

Anŋɔ zaa zugu ka n yɛtti ya, ni, yan di gbarigri beesigu ni, man ŋɔn namsiri ya zugu la zugu, dama lala nyɛ la duusigu n‑ti ya.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

I TƐSALƆNIKA DIMA 1:10

Ni, ya laa n‑kpalim n‑guusiri ŋɔn Naawunni Bii la kyɛnni na, ni, u nin ti yi arizana ni sahanseaa n‑labi na. Lala Bii maa nyɛ Yisa, Naawunni ŋɔn daa neaai sɔ kum ni. U nyɛ la ŋɔn fa ti n‑yiisi Naawunni sufuyisigri kan ya n‑kyɛ na la ni m‑basi.

II TƐSALƆNIKA DIMA 2:10

Ka u nin ti zaŋŋi ala'akyi tuma n‑yɔmsiri ninvugseeba ban baasiri yɔri. Ba nin baasi yɔri dama ba za'asiya, ni, ba ku wuri yɛlimaŋni maa ka nya tuliginsim.

I TIMƆTI 2:4

ka boori ni sɔkam zaa ti tuligi ka baŋŋi yɛlimaŋni ŋɔn nyɛ seelli.

HIBRUU DIMA 6:8

Amaa puseaa kan wali goosi bee wubligu an ka fa'ari, lala puu ka Naawunni kabeeri bɛ ka ni, ka ka baasigu nyɛ la: bugum di ka.

KASIGRI 22:11

Kyɛ ka tumbeeri daana kpalim n‑tumni u tumbeeri, kyɛ ka da'ari daana kpalim n‑tumni u tunda'arisi, ka kyɛ ka yɛlimaŋni daana mun kpalim n‑tumni din tu ni yɛlimaŋni, ka ŋɔn nyɛ Naawunni nira kpalim n‑nyɛ bunkasi n‑tiri u.”